مرحبا الفتاك ورحلة موفقة ان شاء الله
والله يوفقك ويخلي لك طفلك
طيب تعال حط يدك بيدي وخلني اعطيك بعض الاجابات وحنا نمشي على بحيرة ازنجول
يعني تخيل انك تمشي معي على البحيرة وحنا نسولف

انت بتوصل في 30 اغسطس وان شاء الله بتصل طرابزون ومن هناك استخرج الفيزة ارخص لك من هناك بدل الانترنت بما ان معكم طفل
عشان الفيزا هناك في المطار 60 دولار على كل جواز بينما الانترنت بيحسب عليك 60 دولار على كل اسم
اذا وصلت بحمد الله استأجر لك سيارة واجار السيارة جدا سهل
تنزل تحت مكاتب اجار السيارات واذا رخصتك عربي وانجليز فتنفع ولافيها اي اشكاليه
وأجار السيارة راح يكلفك من 120 الى 150 ريال سعودي مع التأمين اذا بتأخذ سيارة صغيرة
وأنصحك بالسيارة الديزل
وبالنسبة للجو بيكون رووعة لاتخاف من ناحية البرد لأن حتى لو فيه برد مجرد تلبس جكيت فماراح تشعر فيه
واذا خايف على الطفل فالجو مايخوف ووقتك جدا حلو

وبالنسبة للتعامل راح يكون بالليرة احسن لك وأفضل ماعاد الفيزة جهز لها 120دولار عشان تاخذها من المطار
والبطاقة الصراف تقدر تستخدمها كفيزا اذا عليها شعار فيزا وأنا استخدمتها اكثر من مرة في تركيا
لكن انا استخدمت بطاقة صراف بنك الانماء فما ادري عن البطاقات الاخرى

وتعال نأخذ لنا شاهي على حسابك بما ان حنا نمشي على البحيرة << ولا اخذ شاهي الا من عند العجوز اللي مقابل مسجد ازنجول