28-09-2015, 06:16 PM
|
#65 |
مسافر متميز
تاريخ التسجيل : Jan 2015 رقم العضوية : 996 الجنس : ذكر المشاركات : 123
| 
النمسا
زيلامسي
اليوم الثالث
(خطة اليوم الثالث)
الإستيقاظ الساعة 9 ص وتناول الإفطار والتوجه إلى:
الذهاب الى قمة كابرون الثلجيه الصعود للقمة عن طريق التلفريك 3 مراحل للصعود 
العنوان:
Kesselfallstraكe 81, 5710 Kaprun, النمسا
الإحداثيات للمواقف المجانية
N47 13.835 E012 43.617
الذهاب إلى البحيرات الإصطناعية وهي قريبة من قمة كابرون
العنوان
Kesselfallstraكe 96, 5710، النمسا
الإحداثيات
N47 12.969 E012 43.554
الذهاب إلى الزحليقة الصيفية في كابرون
الإحداثيات
N47 16.429 E012 45.441
---------------------------------------------------
صحينا الصباح بدري وجهزنا اغراضنا للتوجه الى قمة كابرون الثلجية وطبعاً راح تكون أول مرة في حياتي انا وأم لانا نشوف ثلج على الطبيعة فكنا جداً جداً متحمسين. ام لانا الغالية كالعادة تتحفنا بالابداعات والفطور  وهذي صور الفطور
زووم للعزابية 
هذي صور من الطريق
الطريق مو يفتح النفس وبس الا يبرد على القلب ويرد الروح 
مثل ماهو واضح بالصور لوحات تدلك على المواقف وكلها مجانية والأفضل انك توقف جنبها مباشرة اذا جيت بدري اكيد بتحصل مواقف كثير متوفرة
بعد ماوقفنا السيارة توجهنا لشباك التذاكر وكالعادة لحقنا كلمة KASSA .gif "(47)")
وصلت وطلع هذا الشباك مقفل 
رحنا للمكان اللي جنبة مباشرة والظاهر كان عندهم صيانة للمكان وهذي الأسعار
البالغ: 36 يورو
الأطفال اكبر من سنتين: 27 يورو
الأطفال اصغر من سنتين: 18 يورو
التذاكر على شكل كروت
بسم الله دخلنا وتوجهنا للتلفريك الأول والقمة على ثلاث مراحل
طبعاً قبل ماتدخل تلقى محل إيجار ادوات وملابس خاصة بالثلج
بسم الله على المرحلة الأولى
البنات الله يحفظهم مبسوطين
الجو والمنظر خرافي
وصلنا للمرحلة الأولى وتقدر تنزل وتتفرج على المناظر وتصور براحتك شي فوق الخيال والله ياجماعة ان زيلامسي من اجمل مارأيت والله ماتوقعتها بهذا الجمال والصور ماوفتها حقها كل يوم اقول شفنا زيلامسي ومافيه شي احلا لكن نتفاجىء كل يوم بمناظر وطبيعة اجمل وأجمل يالله نسالك الجنة
فيه اماكن للاستراحة ومقاهي والعاب اطفال
مكان جداً جداً جميل, اخذت لانا للمراجيح تبي تلعب
لانا الله يحفظها تعرفت على بنت الله يخليها لأهلها وقاعدين يلعبون مع بعض
وبنتي تلعب قلت خل اروح استكشف وأصور ولقيت منظر على القمة ااااااااخ بس للأسف الأرض كانت مبلولة عند حافة القمة والا كنت ناوي اخذ اكثر من صورة وهذي الصورة الوحيدة 
هذي خريطة توضح لك كل الاماكن في القمة
بعد مالعبنا لانا وصورنا كم صورة رجعنا عشان نتوجه للمرحلة الثانية
مناظر سبحان الله
قربنا نوصل
يالله نسالك الجنة والله ياإخوان اللي يروح زيلامسي ومايطلع لقمة كابرون انا اعتبره ضيع على نفسه نص الرحلة
اول ماوصلنا للمرحلة الثانية ماكان فيها شي غير مقهى ومطعم فقررنا نستأجر ملابس من المحل اللي قبالنا وهذي صورته, ومن كثر العرب المحل كاتب باللغة العربية الأسعار والشروط
بعد مااستأجرنا ملابس وجزمات اكرمكم الله توجهنا مباشرة للمرحلة الثالثة
واضح انه كان فيه اعمال صيانة
دخلنا للصالة حق التلفريك وماشاء الله كلهم عرب في القمة والأجانب ينعدون بالأصابع
في انتظار التفريك الثالث والأخير اللي بيوصلنا على ارتفاع 3000 متر .gif "(127)") وهو كبير غير عن الأول والثاني ويستوعب مجموعات كبيرة
بسم الله
وصلنا للقمة 
نزلنا من التلفريك وتوجهنا لبوابة الدخول على شكل نفق
سبحان الله الجو بااااارد ثلج والمنظر  اخيييرا شفت الثلج بالطبيعة يالله لك الحمد.gif "(6)") لازم نمشي الى مكان التزلج
نور فديتها بردانه وتلعب بالثلج
وصلنا لمكان التزلج وكانت فرحتنا مالها حدود يالله نسألك الجنة والكل بصراحة تشوفهم يضحكون ويتصورون ومبسوطين عالآخر
مسكت الثلج 
طبعاً ياإخوان كلهم عرب واحتراماً لخصوصيتهم حاولت قد ماأقدر اني ماأصورهم لكن ماقدرت والله موجودين في كل مكان وكلن في حالة قاعد يصور  انا وبنتي لانا على طووووووووول رحنا ناخذ زلاجات على شكل صحون وطبعاً مجانية تلقونها بالأرض ورحنا نتزلج
ورااااااااااحت لانا
ورحت وراها انا ياللللله قممممة الوناسة والله حلوة وماتمل منها
وماوقفنا قضيناها لعب طلعة نزلة طلعة نزلة والطلعة فيها سلم كهربائي يعني لاتتعب نفسك ولا شي
استراحة محارب
فيه هناك مقهى قلت لاااااازم نطلب كوفي وهوت شوكليت  وهذي المينيو والأسعار
الناس فرحانيين ومبسوطين الله لايغير علينا وعليهم الا بالخير
وبعد الاستراحة على طوووووول رجعت العب انا ولانا وهذا الدرج الكهربائي بدون تعب
قمة الروعة ياإخوان لايفوتها احد بيروح للنمسا وزيلامسي شي جميل ومكان يستحق التجربة.gif "(59)")
بعدها توجهنا مباشرة إلى بحيرات كابرون الإصطناعية وهي قريبة من قمة كابرون الثلجية وانا وام لانا قلنا خلاص مافي مكان احلى من الاماكن اللي رحناها لأنها كانت قمة في الروعة وكنا مترددين اننا نروح بحيرات كابرون الإصطناعية لكن احنا قررنا الإلتزام بالخطة وبجدول الرحلة وهذي صورة من الطريق لبيوتهم الجميلة
وصلنا المواقف المجانية الخاصة بالبحيرات الإصطناعية
نصيحة نصيحة نصيحة وقف فوق السطح في آآخر دور لأنه جنب بوابة الدخول وهذا السطح
الطريق للمدخل
شفتو وش مكتووب ؟؟؟ KASSA لاتنسوها
وصلنا مكان بيع التذاكر ونظامهم باص يأخذك للبحيرات ويرجعك .gif "(22)")
هذي التذاكر
الأسعار
البالغ: 19.90 يورو
الاطفال من 6 سنوات الى 15 سنة: 12.50 يورو
الأطفال: مجاناً
احنا اخذنا التذكرة العائلية بـ 40 يورو اوفر لنا
وصل الباص وماكان زحمة بس احنا وعائلة من دولة الإمارات الحبيبة
الباص وصلنا مكان أصانصير كبير عشان نطلع لقمة الجبل ويأخذنا باص ثاني وهذا المنظر جنبه
خريطة للبحيرات الاصطناعية
توجهنا للاصانصير
هذا هو كبير والله يوسع مجموعات كبيرة, ماشاء الله عليهم متطورين رغم انهم في ريف حتى الجبل توصله بدون تعب
لقطات واحنا طالعين فيه
منظر ولا بالأحلام
وصلنا ولله الحمد
مباشرة ركبنا الباص الثاني
يالله ياإخوان والله ماتوقعت المناظر بالبحيرات الأصطناعية بهذا الجمال بس يازيلامسي سحرتي قلبي وأسرتيني بس يازيلامسي كل مااروح مكان القاه احلى من اللي قبله سبحان الله, الصور من داخل الباص
وصلنا ولله الحمد ونزلونا والمكان فيه كراسي والعاب اطفال ومقاهي ومطاعم والأجمل المناظر اللي ماتشوفها الا بالأحلام
جولة استكشافية للمكان
سبحان الله منظر رهيب
السحب جنبك
اتحدى واحد يسوي هذي الحركة .gif "(125)")
وين ماتروح فيه مناظر اجمل واجمل 
المنظر هذا اسرني وماقدرت انساه
بعدما استمتعنا بالمناظر الخلابه شرينا اكل للبنات وقررنا نرجع والحمد لله رجعنا في الوقت المناسب وركبنا الباص لأنه وقتها نزل مطر شديييييييييييييد سبحان الله
طبعاً الباص نزلنا هنا وقال انتظرو الباص الثاني اللي يوديكم للأصانصير والمطر والله قوي انا مبسوط طبعاً ماهمني لأني اصلاً جاي عشان البرد والمطر لكن بعد ماصلنا للأصانصير لازم نمشي مشي للسيارة كيييييييف والمطر قوي ومافي الا ركككككض للسيارة والناس كلها تركض والله المطر كان غزير  واحنا نركض طاحت لعبة نور وعينك ماتشوف الا النور قامت تبكي تبغاها ههههههه تركنا اللعبة وكملنا ركض والحمد لله اننا واقفين بالمواقف اللي فوق بالسطح وصلنا بسرعة وكنا مبلولين عالآخر  قررنا نتوجه للفندق عشان نرتاح قبل مانروح لزحليقة كابرون الصيفية لكن تفاجأنا انها بنفس الطريق سواء وانت رايح للبحيرات او راجع راح تشوفها فقلت لأم لانا وش رايك دام انها خاربه خاربه خل ننزل ونكملها وقالت اوكي وبسم الله رحنا لزحليقة كابرون وهذي احداثياتها والمواقف كلها مجانية وكثيرة ومتوفرة واحداثياتها تلقونها فوق انا ذكرتها, وهذي المواقف
عبارة عن حديقة اطفال صغيرة فيها العاب ومطاعم ومقاهي
شباك التذاكر
ماشاء الله كلهم عرب ولا واحد اجنبي ومن كثر العرب حاطين قائمة الأسعار بالعربي
اشترينا تذكرة عائلية اوفر لنا
اعتذر منكم ياإخوان ماقدرت اصور الحديقة والعاب الاطفال كلهم عوائل وحريم, توجهنا للزحليقة
لازم تلتزم بالشروط واترك عنك التصوير وانت تلعبها عشان الله لاقدر عليكم بشر
بسم الله جا دورنا
بدايتها بطيئة لكن بس توصل فوق تسرع
بعدها كنا جوعانين فتوجهنا لـ Billa وتقضينا وام لانا الغالية ماقصرت سوت لي فاهيتا دجاج
زوووم للعزابية
يالله لك الحمد والشكر على دوام النعمة والصحة, فتحت الشباك اتأمل مطل شقتنا الجميلة سبحان الله
الى هنا يااخوان اكون انتهيت من اليوم الثالث واتمنى انه يكون عجبكم,,,
واليوم الرابع والخامس قريباً وكل عام وانتم بخير,,, أخوكم / أبو لانا. |
| |
47الاعجاب
:
.gif)
العرض العادي
المواضيع المتشابهه 
