فندق الكمبرلاند

توبليرون · 26-08-2015, 05:29 PM

مثل ما وعدت مميزنا اللندني مهند
اني انزل موضوع عن الفندق بقسم الفنادق
وهذا اهو

الكمبرلاند

وهذا حجزنا من بوكينغ لغرفتين ستاندراد

أعتقد كل شي واضح للأسعار
6 ليالي لغرفتين = 848 دينار كويتي بدون افطار

تم سحب اول ليلة طبعا وبعدين اخذوا كل السعر مرة وحدة
والا بطاقة بوحسين مكسورة ما تشتغل على الجهاز عندهم
دفعت بنتي وبعدين عطيناها كاش
اعتقد كان التأمين او شي جذيه

وهذه الخريطة للموقع ....أكيد معروف عند الأغلبية
الموقع والعنوان والأحداثيات وتلفونهم

وعلى ما ينهون الأجراءات انا قعدت اصور

ريسبشن الكمبرلاند
هني صارت الساعة 10 بالليل

دانة وابوها

وخلصنا الأجراءات في الساعة 10.30 بالليل
التوقيت مثل ما تعرفون يقلب بالايفون عل المنطقة
يعني التوقيت هني لندني اذا ما خاب ظني

وهذه غرفتنااااااا انا وبوحسين صغيرونة
بس عادي دام احنا مو بنعيش فيها على طول

غرفة البنات اكبر وطلبنا سرير اضافي الليلة ب15 باوند اعتقد

ما صورتها مادري ليش ؟؟ يمكن احصل بعدين صور

السرير

الكبت والخزنة والثلاجة فيها بس بطولة الماي
اثنين عادي واثنين غازي
والتلفزيون فيه قنوات اخبارية عربية

المكتب وطاولة الجنطة

تكرمووووووون الحمام وشنو شايفين القلاصات
تتوفعون اني شربت فيهم

بس ما عليكم رزيت الفرش والمعجوون فيهم

الحمام صغيرون بعد بس يؤدي الغرض منه

وهذه غرفة الدوش
مقابل المغسلة

وهذا تكرمووون البتاع ....طبعا ما يعرفون شي اسمه شطاف

ادوات النظافة الشخصية

الأستشوار كان بره قريب من التلفزيون

وهذا الممر للباب

عاجبتني اللوحة الزجاجية خلف السرير

غرفة البنات

وهذه غرفتنا مثل ما قلت لكم الغرفتين متصلتين بباب وطلبنا منهم يفتحونه

وهذه خريطة الغرف ومثل ما تشوفون مكتوبة بالعربي بعد

هذا الممر في الفندق

وهذه الاصنصيرات عددهم ستة ثلاثة يمين وثلاثة مقابلينهم يسار ما احنا واقفين

والفندق من الماربل ارش

وبعدها نوووووم

فارس الجبيل, طوق الياسمين و الشعباوي معجبون بهذا.

MOHANAD · 27-08-2015, 12:17 AM

يعطيكي العافيه ام حسين

فندق لطالما سمعنا عنه ورئيناه
كثير مدحو فيه
لكن بالنسبه لي اشوفه غالي جداً على مستواه
صحيح نظيف بس ممكن السعر علشان الموقع وعلشان اغلب الي يسكنونه عرب

توبليرون · 27-08-2015, 12:55 AM

اقتباس : المشاركة الأصلية كتبت بواسطة MOHANAD

يعطيكي العافيه ام حسين

فندق لطالما سمعنا عنه ورئيناه
كثير مدحو فيه
لكن بالنسبه لي اشوفه غالي جداً على مستواه
صحيح نظيف بس ممكن السعر علشان الموقع وعلشان اغلب الي يسكنونه عرب

ويعافييك ربي
اي والله غالي مثل ما قلت
يمكن للموقع
بس حجزنا كان نصف القيمة بسبب الحجز المبكر
وفترة الشتاء
شكراا لمرورك العطر

ابو عبدالله · 27-08-2015, 01:29 AM

الله يعطيك العافيه ...شكرا على جهدك وتعبك ...والله يهنيكم

توبليرون · 27-08-2015, 01:40 AM

اقتباس : المشاركة الأصلية كتبت بواسطة ابو عبدالله

الله يعطيك العافيه ...شكرا على جهدك وتعبك ...والله يهنيكم

يعافييك ربي ويهنيك
مافي تعب دام انه لعيون منتدانا الغالي
شكراا بوعبدالله على المرور العطر

الايمان · 27-08-2015, 12:57 PM

الفندق موقعه روووعه خصوصا ان تحته حبيب القلب بريت
لكن غرفهم وايد صغيره
واللوحات والرسمات مااحبها احسها تخرع

توبليرون · 27-08-2015, 02:46 PM

اقتباس : المشاركة الأصلية كتبت بواسطة الايمان

الفندق موقعه روووعه خصوصا ان تحته حبيب القلب بريت
لكن غرفهم وايد صغيره
واللوحات والرسمات مااحبها احسها تخرع

انا ماعندي مانع بالغرفه صغيرة والا لأ اهم شي موقعه
ونظافته صج حلووو بريت تحته والاكسفورد والهايد بارك
وطلعتي خوااافه الصور حلووه تمعني فيها حصن وفرسان
شرفتي تقريري

q8ya metnaqla · 13-09-2015, 05:58 PM

من الفنادق اللي كنت اسكنها قبل
بصراحه موقعه حلو
بس العيب اللي فيه وفي اغلب فنادق بريطانيا حجم الغرف
فندق ثيستل وايد الغرف وسيعه وأثاث يديد ..
الله يعطيج العافيه ام حسين [emoji106]

Sent from my iPhone using Tapatalk

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

فيصل · 15-09-2015, 02:13 AM

من الفنادق المشوره ومعروف مكانه

تسلمين ام حسين

دائما تثري المنتدي بتجاربك ما شاء الله عليك

توبليرون · 03-10-2015, 01:07 AM

اقتباس : المشاركة الأصلية كتبت بواسطة q8ya metnaqla

من الفنادق اللي كنت اسكنها قبل
بصراحه موقعه حلو
بس العيب اللي فيه وفي اغلب فنادق بريطانيا حجم الغرف
فندق ثيستل وايد الغرف وسيعه وأثاث يديد ..
الله يعطيج العافيه ام حسين [emoji106]

Sent from my iPhone using Tapatalk

ابرار اهم شي فراش نظيف
ومكان حق جناطنا وخلاص
اما الوسع مايهمني لان مخلينه للنوم فقط
وان شاءالله مره ثانيه نجرب ثيستل
بس خل نروح ويوافق ابو الشباب
يعطيج العافية يا اللندنية

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتي .. فندق S .... فندق سوفيتيل الزلاق ... أهلا بكم ..	كتكات783	بوابة البحرين	42	21-05-2021 11:17 AM
فندق كمبنسكي البحرين ـ وحالياً فندق ويستن البحرين	Bu Rashid	بوابة البحرين	28	14-08-2019 09:21 PM
رجعنا من ماليزيا وإليكم نصائح سريعة (فندق جديد - تحذير من فندق- سائقين )..	Deena	ماليزيا	29	26-01-2016 09:22 AM
رايكم في فندق فندق اكسالسيور في نيويورك	المقنع22	بوابة امريكا	4	20-02-2015 11:37 AM
فندق ألبينا غشتاد سويسرا افخم فندق في غشتاد السويسرية بالصور و المعلومات	عامر	بوابة سويسرا	12	01-02-2015 04:11 PM