01-03-2018, 07:42 AM
|
#13 |
مشرفة سابقة
تاريخ التسجيل : Dec 2014 رقم العضوية : 76 الدولة : مملكة البحرين الجنس : انثى المشاركات : 719
| 
 |
يعطيك
العافية اختي أم ريمه
عـ هالموضوع الشيق والمضحك
مواقفكم رهيبة وعجيبة وغريبة ومقلقة ومضحكة هههههههه
***
صارلي اكثر من موقف... بس بذكر واحد والباقي بعدين عشان ما اطول
مرة كنت مسافر سوريا قبل 30 سنة يمكن... الله يفرج
عن اشقائنا السوريين وينصرهم على اعدائهم
ويرحم موتاهم والمسلمين اجمعين
يا رب
***
المهم
نزلت الطيارة
في مطار دمشق وكنت
الحالي مريت على كونترات الجوازات
وعادي ختمو لي دخول ورحت اخذت شنطتي من
سير الشنط وكان معي شنطتين وحدة صغيرة والكبيرة مع الشحن
فيه سلمكم الله قبل تفتيش الجمارك للعفش زي الكونتر على شكل مكتب عريض
وجالس فيه واحد من الجمارك والناس ماسكين سرا عنده اول مرة اصادف هالوضع لاني
سافرت قبل كذا ولا مريت من عند هالمكتب... المكتب جاي في نص صالة القدوم بعد الجوازات
وسير العفش وقبل الجمارك المهم وش لكم بالطويلة صار هالمكتب عن الافصاح بالمبالغ الي مع الشخص
ايا كانت ليرات سورية او من عملة جنسية المسافر او من العملات الاجنبية... ويطلب الموظف
من المسافر اظهار المبالغ الي معه كلها على الطاولة... ويطلب عدها قدامه ويوثقها في
ورقة رسمية ويوقع عليها ويختمها ويطلب الجوازات عشان يسجل المعلومات
ويعطيه صورة من الورقة... وعند الخروج نفس الشي عشان يعرفون
كم بقى مع المسافر من المبالغ من خلال الورقة الي معه
معليش طولت بس عشان ادخلكم جو في الموقف
الي بيصير بعد شوي... احيانا يطلب
فتح الشناط ويفتش يمكن فيه
مبالغ مخفية هو شغلته
للمبالغ النقدية فقط
وفيه ناس حصل
معهم مبالغ
مخفينها
وماقال
لهم
شي بس
قال عدوها
قدامي وسجلها
وطبعا يصير حوسة
عند الواحد وربكة ويحط شناطه
على الطاولة ويتبعثر عفشه واوراقه
ويرجع يلمها بعد ماينتهي... وهنا مربط الفرس
جاني الدور وقالي كم معك قلت هذا الي معي ريالات
سعودية ودولارات وليرات سورية طبعا انا معي شنطة صغيرة
او بوك حجم عائلي مدري وش تسمونها هذي اوهذا احط فيه الاشياء المهمة
مثل الجوزات والمبالغ والاوراق الرسمية... وتصير معي باستمرار قالي افتح الشناط
فتحت الشناط وفتشها مالقى شي... المهم وثق المبالغ الي معي ووقع وختم الورقة وعطاني صورة منها
وقال ضف وجهك... آسف قصدي ضف عفشك ههههههه ويزيح عفشي على جنب
فوق الطاولة عشان اضفه... وينادي الي بعدي هنا الموقف بدأ يتحقق
واخم شناطي وخطوة سريعة للجمارك ابي اظهر من هالمطار
ولعوزتهم وابي الحق للتفتيش حق العفش لانه
كاونتر واحد وكل الرحلات عليه لاني
شفته اول ماخلصت من تفتيش
المبالغ خافة الزحمة عنده
وانا في نص الطريق
الا واحد ينادي
على واحد
من
لهجته مصري
ورافع ايده فوق مرة
وينادي باعلى صوته الظاهر
صوته وصل خارج المطار وانا امشي
مالي شغل فيه وكل مرة التفت عليه وش قصته هذا
ودقق في ايده الا ماسك جواز لونه اخضر ومن بعيد اقول في نفسي
جواز سعودي الا شكله جواز سعودي والمصري مازال ينادي ويدور في محله
وانا مازلت امشي... اسابق خطواتي الـ تفتيش الشنط والمصري هذا هو ينادي مايئس
وانا اقول في نفسي مرة ثانية وش ذالسعودي الغبي الي ناسي جوازه ورايح... ام الدلاخة ياشيخ
ياخي السعوديين مفهين... وانا اعيط ههههههه قصدي امشي سريع الا وقلبي... مدري وش فيه شفتو
احساس الفجعة زيها حسيت فيه سبحان الله وانا الي اوقف... واثنين يشطفوني من يمين ومن يسار
يسحبون شناطهم... كانو وراي في سباق الماراثون... قلت لابو التفتيش لابو شش
التفتيش والله عندي هالحين... وانا اعتزي وين جوازي ادور عليه مالقيته
والتفت على المصري الا ماهو في مكانه... ياوالله النكبة
لعنبو ابليسه من شوي صاجني ينادي باعلى صوته
وذالحين فص ملح وذاب... واتلفت ادورهـ
واناظر الا هو ذاك راجع لنفس الموظف
القلق حق المبالغ شكله يبي يعطيه
الجواز الي مفقود صاحبه
وانا الي اصيح هالمرة
بصوت ماهو بصوته
يا سيد يا سيد يا اخ
يا هوه يالي تنادي
وانا اركض
ماهو بمشي
ويلتفت
علي ويقول
القواز دا بتاعك
قلت ورني خلني اشوف
قلبي يرجف من الروعة والركض
الا هو جوازي... والمصري يقول يا راقل
حد ينسى... قوازه ده لو ضاع حتضيع انت قلت
الله يجزاك خير وضفه وسلم عليه ربي يرحم والديك
غيرك مدري وش بيسوي لو لقاهـ... هاااه واضف جوازي عـ قلبي
وانا الي اشكره وهو يقول متخفش يا راقل الحمد لله عدة المرة ديت وانتبه بأهـ مرة تانية
***
اثاريني مع اللخبطة الي صارت الله لا يعيده من تفتيش مبالغ
نسيته على الطاولة وهذا المصري الله يجزاه خير الي كان وراي في الطابور
والحمد لله على كل حال وانتبهو الجوازاتكم واوراقكم الرسمية
لا تسوون مثلي
لا وانا اطقطق على نفسي وانا مدري... وش ذالسعودي الغبي الي ناسي جوازه ههههههه
| |
هذي الثقة اللي ورطت صاحبها
اما تطقطق و تقول وينه الغبي هههههههههه
محشوم و لكن ربكة السفر و الزحمة تسوي اكثر من جذي
شكرا على ذكر موقفك .. و الله لا يعوده هههههههههههه | توقيع : أم ريمه | | سبحان الله و بحمده .. سبحان الله العظيم | |
|  |
332الاعجاب
العرض الشجري
المواضيع المتشابهه 
