تقرير عن رحلتي العائلية الى اسطنبول

Gunner10 · 17-09-2015, 03:21 PM

تحية لجميع الاعضاء والاشخاص الي ساعودني بالرحلة ونقول :

بسم الله الرحمن الرحيم

كان حلمي من زمان اشوف التوبكابي على وجه الخصوص والمتاحف التركية بشكل عام وبعد انتظار لسنوات حان الموعد للزيارة.

---------------------------------------
الطيران

اول ما قررت ان احجز الطيران والحمدالله حجزت من غير ما اعرف شنو يعني اسطنول الاوروبية واسطنبول الاسيوية بس الحمدالله التوفيق من الله طلع حجزي على مطار اتاتورك بعد ما عرفت شنو الفرق بينهم.

قيمة الحجز على طيران اطلس جت التركي :
تذكرتين لي ولزوجتي بقيمة 232 دينار كويتي
وتذكرة طفل 7 سنوات بقيمة 88 دينار كويتي

موعد السفر كان يوم 5 سبتمبر 2015الساعة 3.15 الفجر
العودة يوم 10 سبتمبر 2015 الساعة 11 ليلا

------------------------------------------------------
السكن

وبعد التجول بين تقارير الاعضاء والفنادق قررت اني احجز فندق رخيص لانه اغلب الوقت راح اكون بالخارج يعني فقط النوم بالفندق.

وشفت موضوع احد الاعضاء كاتب عن فندق اسمه مينال minal في سلطان احمد
والحمدالله حجز فيه لمدة 6 ليالي غرفة (يوجد سرير للطفل ) بقيمة 180 دينار كويتي من موقع بوكيق
وهذا رابط الفندق

الفندق فيه مشاكل عديدة راح اذكرها بالحلقة الثانية من القرير

-------------------------------------------------------
التحضر للرحلة

ولمدة شهر ونصف تقريبا انا قرأ التقارير والتويتر المهم سويت بحث شامل عن اسطنبول وتركيا بحيث وجدت احد الاشخاص وسألني انت اكيد اكثر من مره زيار تركيا واستغرب اني اول مره ازورها من كثر المعلومات الي اعرفها عن المنظقة واسطنبول

طبعا هذا كله بفضلكم وبفضل المعلومات الي ذاكرينها

نشوفك قريبا بالحلقة الثانية
كل الود

الايمان, أبن السلطنة, هوايا شمالي و 4 آخرون معجبون بهذا.

زهرة نيسان · 17-09-2015, 05:01 PM

هلا فيك
والحمدلله على السلامة
ان شاء الله كانت رحلة موفقه
وننتظر الحلقة الثانية مع الصور

نانا ابو عابدمعجبون بهذا.

ام راكان · 17-09-2015, 10:55 PM

يامرحبا فيك والحمدلله على السلامة

نانا ابو عابدمعجبون بهذا.

ابا رواء · 17-09-2015, 11:42 PM

هلا والله ومسهلا
الحمدلله على السلامة
عجل علينا وش مشاكل الفندق لا يتوهق احد فيه

نانا ابو عابدمعجبون بهذا.

Gunner10 · 17-09-2015, 11:48 PM

الحلقة الثانية - الجزء الاول
---------------------------
يوم المغادرة من الكويت لسطنبول

كان وقت المغادرة الساعة 3.15 وصلنا المطار الساعة 12 تقريبا مستعجليين نبي نطير بس
بعد اجراءات البوردق وختم الخروج توجهنا للبوابة وانتظرنا وبعدها حان الوقت

والصورة اثناء صعودنا للطائرة

الصراحة شركة الطيران اطلس جت معاملتهم ممتازة كذلك الاكل

وبعد 3 ساعات طيران الحمدالله وصلنا اسطنبول بسلام الساعة 6.30 صباحا والجو كان روعة وكانت مكاتب الدخول زحمة كل العالم زاير اسطنبول من جميع الجنسيات وبعد نص ساعة تقريبا ختمنا ورحنا استلمنا الحقائب وبعدين طلعنا نبحث عن تاكسي وحصلت للسلطان احمد بـ 45 ليرة

كنت تعبان ما قدرت اصور شي الا صورة وحده لاني صارلي اكثر من يوم مو نايم

بعدها بدأت اول مشاكلنا مع الفندق وصلت الفندق لم اتوقعه انه جذي الفندق كان خلف بناية وليس على شارع وكان الفندق عبارة عن بيت تديره عائلة الابناء بالادارة والام تطبخ الفطور الصراحة لم اتوقع انه كذلك ابدا حتى المدام معاي استغربت من الفندق
الفندق لا يوجد مصعد وغرفتنا بالدور الثاني كنت تعبان بس ابي انام وقلت يصير خير طبعا كنت متفق مع الفندق اني ادفع المبلغ كاش وليس على بطاقة الائتمان وكان المبلغ 540 يورو مصرفهم معاي من الكويت والغريبة ان الموظف لم يطلب مني المبلغ صعدنا وكانت المفاجأة ان التكييف حار كلمت الموظف وشاف الوضع وراح شاف وقالي ان ما فيه غاز وباجر نصلحه الحين انا قلت ابي اترك الفندق واروح حق فندق ثاني والحمدالله ما عطيتهم الملبغ وارسلت ايميل لموقع بوكينق بالحادثة عشان ما يخصمون شي من البطاقة (اصلا البطاقة كانت مسبقة الدفع وكانت فاضية )
طبعا التكيف يمكن مو مشكلة ويمكن ما تصير مع غيري والوضع عادي بس الي ابي اوصل هذا بيت وليس فندق

ونكمل في الجزء الثاني مع الفندق الجديد الي سكنت فيه

كل الود

الايمان, أبن السلطنة, مونامور و 3 آخرون معجبون بهذا.

سامي 224 · 27-03-2016, 01:25 PM

اقتباس : المشاركة الأصلية كتبت بواسطة Gunner10

بعدها بدأت اول مشاكلنا مع الفندق وصلت الفندق لم اتوقعه انه جذي الفندق كان خلف بناية وليس على شارع وكان الفندق عبارة عن بيت تديره عائلة الابناء بالادارة والام تطبخ الفطور الصراحة لم اتوقع انه كذلك ابدا حتى المدام معاي استغربت من الفندق
الفندق لا يوجد مصعد وغرفتنا بالدور الثاني كنت تعبان بس ابي انام وقلت يصير خير طبعا كنت متفق مع الفندق اني ادفع المبلغ كاش وليس على بطاقة الائتمان وكان المبلغ 540 يورو مصرفهم معاي من الكويت والغريبة ان الموظف لم يطلب مني المبلغ صعدنا وكانت المفاجأة ان التكييف حار كلمت الموظف وشاف الوضع وراح شاف وقالي ان ما فيه غاز وباجر نصلحه الحين انا قلت ابي اترك الفندق واروح حق فندق ثاني والحمدالله ما عطيتهم الملبغ وارسلت ايميل لموقع بوكينق بالحادثة عشان ما يخصمون شي من البطاقة (اصلا البطاقة كانت مسبقة الدفع وكانت فاضية )
طبعا التكيف يمكن مو مشكلة ويمكن ما تصير مع غيري والوضع عادي بس الي ابي اوصل هذا بيت وليس فندق

ونكمل في الجزء الثاني مع الفندق الجديد الي سكنت فيه

كل الود

فعلاً عزيزي عادل أعتقد أن الحجز المسبق يسبب مشاكل ماتعرف الاّ بعد ماتوصل البلد

وتشوف الوضع على حقيقته لأن مهما كنت حريص على اختيار الفندق بواسطة مواقع حجز الفنادق

ماتقدر تعرف حقيقة موقع وصفات الفندق لأن الصور تخدع احياناً

مع اني احرص واتعب لاختيار الفندق لكن كثيراً ما اقع في ورطه عند الوصول والمعاينه بالنظر

كنت أفكّر أفتح موضوع خاص عن راي الاعضاء والمشاكل التي حصلت لهم بسبب الحجز المسبق

حتّى يحذر الجميع ويتعرفون على المشاكل والحلول

لكن ماشاء الله تقريرك المتكامل تعرّض لهذه الملاحظه

تحياتي لك

أستمتعت كثيراً بالاطلاع على تقريرك وكنت متابع للتقرير بصمت منذ اليوم الاوّل

...................

نانا ابو عابدمعجبون بهذا.

Gunner10 · 17-09-2015, 11:51 PM

زهرة نيسان - ام راكان
----------------
حياكم خواتي معانا وان شاء الله نفيدكم ونفيد كل الاعضاء

ابا رواء
-----------------
كتبت المشكلة وحياك الله

نانا ابو عابدمعجبون بهذا.

indreams91 · 15-09-2017, 10:47 AM

من اسوأ المواقف في السفر خيبة الأمل في مكان الإقامة

Gunner10 · 18-09-2015, 12:39 AM

الحلقة الثانية - الجزء الثاني
----------------------------------
بعد ما قررت اني اغير الفندق كنت حاط عيني على فندق من زمان وعلى طول نزلت الحقائب وصعدت تاكسي من غير لا اتفق معاه على السعر ولا شي وعطيته الاسم من الايفون وقالي عطني رقهم اتصل فيهم اخذ العنوان اتصل فيهم ووقف عن محطة قطار مرمراي وقالي ادخل اطلع من الصوب الثاني راح تشوف الفندق
طبعاا هو قالي بالتركي بس اشلون فهمت ما ادري واخذ مني 10 ليرة

وبالفعل شفنا الفندق ودخلت الاستقبال وقالي عندك حجز مسبق قلتله ما عندي

قالي عندي غرفة مطلة على البوسفور سريرين منفصلين بـ 100 يورو لليلة حجزت على طول من غير تردد لانه الفندق كان فخم فخم ومبين من الديكورات

قال اشلون على البنوته الي معاك قلتله عادي تنام معاي من غير اي سرير اضافي

الصراحة الفندق موقعه ممتاز بمنطقة سيركيجي ومطل على البسفور وامامه محطة مرمراي وقريب من كل الاماكن المهمة تقريبا بس مشي صعود اذا تبي تروح حق منطقة سلطان احمد

راح احط صور من الانترنت الي شفتها بالفندق

وهذا رابط الفندق للحجز

الاستقبال

المطعم

برج غلاطة

بعض الصور من تصويري

اصلالة الغرفة

صورة بنورامية

جسر اسطنبول وارتوكاي من بعيد (الي يحب بطاطا ارتوكاي راح يشوف) هههههه

الحين نروح حق السبا الي موجود الصراحة روعة

طبعا الي ساكن الفندق يقدر يستخدم كل السبا مجانا مع الحمام التركي بس استخدام ذاتي واذا تبي مساج ساعة ومع حمام تركي بـ 100 ليرة

نشوف الصور

السونا

الحمام التركي روعة

غرفة المساج

نشوفكم ان شاء الله بالجزء الثالث قريبا
كل الود

الايمان, أبن السلطنة, توبليرون و 3 آخرون معجبون بهذا.

فيصل · 18-09-2015, 03:10 AM

يا سلااااااااااام مبين الفندق يستاهل
والله هالصدمات ما أحبها بتركيا يكذبون عيني عينك
بس زين ما طلبوا فلوس منك
واصل

الايمان, توبليرون, مونامور و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار عن افضل الشقق العائلية في اسطنبول	عليـ الحربيـ	تركيا	15	13-03-2018 07:06 PM
رحلتي العائلية الى الشمال التركي (عشرة أيام ممتعة) معلومات مهمة	(( أبو رائد ))	تركيا	46	11-01-2018 11:11 AM
رحلتي العائلية الى العمة 2012 يوتيوب	Abu Rakan	بوابة اندونيسيا	4	05-08-2015 01:00 AM
محتاج رأيكم في رحلتي العائلية	امير بكلمته	بوابة اندونيسيا	8	14-01-2015 01:38 PM