يسعد صباحكم حسب توقيت سيدني


اليوم راح أكمل معاكم من سيدني و لا يزعلون علي الهلالية

راح نخلي المتبقي من ملبورن بعدين

مع أني زرت ستاد الاتحاد و شاطئ ملبورن بس ما علينا

اتكلم لكم عن ملبورن العالمية مو الاسترالية بعد ما نخلص سيدني


تعرفت البارح على احمد حضرمي عايش في ملبورن يسوق تاكسي

بعدما عملت تشيك اوت لقيته ينتظرني عشان اجرب التاكسي للمطار

السعر كان 53 دولار استرالي للمطار يعني 140 ريال تقريباً بصراحة ممتاز جداً مع الراحة اللي حصلت عليها

علماً بأنه حضرمي " العمودي " و اللي يحتاج رقمه ارسله له على الخاص

الرحلة الى سيدني كانت ساعة و ثلث ما شعرت فيها لأن اللي جنبي كان يكلمني على طول

سألني عن سبب موت الحجاج و يخرب بيته عارف عددهم بالضبط

هكذا هم الاستراليين precised و موزينيين مضبوط و well educated ما تلعب معهم

و أنا بصراحة خبير فيهم لأن صديقي استرالي و كنا نشتغل مع بعض على برنامج الساب

وصلنا المطار و مشى معي لين أخذت شنطتي و ودعني صديق المطار

خمنوا من وصلني بالتاكسي لفندق شانقريلا سائق صيني

أكيد تعرفون الفندق مشهور في آسيا خاصة في ماليزيا و اندونيسيا

المطار يبعد حوالي 12 كيلو و السعر تقريباً 100 ريال للفندق

و عطوني غرفة سويت كورنر مطلة على بيت الاوبرا أو الاوبرا هاوس الشهير بسيدني

موقع الفندق رائع جداً و يستاهل المبلغ اللي دفعته فيه حوالي 750 ريال لليلة

أكيد بعد ما تشوفوا الفندق راح تقولوا مستحيل بس هذا اللي صار طال عمركم

من سيدني أحدثكم اليوم و منها سأقوم بادراج الكثير من الصور

يسعدكم ربي