السلام عليكم
حلوه سوالفكم

أما أنا لو أحكي لكم سوالف مصر ماتنتهي ( وهولمز عارفها)

الحكاية الأولى
كنت ماشي بسيارتي في مصر الجديده(الكوربه) واللي يعرفها شوارعها ضيقه
في أحد الشوارع قابلتني سياره والشارع ضيق
فلقيت مكان واسع شوي (يادوب تمر جنبي سياره)
وقفت سيارتي على الجنب ( بالمصري حضَنت) وتركت المجال للسياره الأخرى تمر
فكان رجل كبير في السن ومعاه سياره بيجو
فمر بصعوبه ويطالع يمر ويسار ويمرر السياره ببطء شديد

المهم السياره قربت لسيارتي وهو ما أخذ باله
حكت سيارته في سيارتي وصرخ (أيه ده)
ويمشي والسياره تفرك في السياره وأنا واقف تماما
وهو يصرخ :

الله الله الله أي ده
ايه اللي بتعمله ده ياراجل
حرام عليك يابني كسرت العربيه
وأنا واقف وهو يخبط في سيارتي ويصرخ
ويقول ياراجل حرام عليك مش كده
وأنا والله أضحك على الموقف وعلى منظره

الموقف الثاني :
سنة 93م
طالع من عند أصدقاء في ميدان الحجاز ورايح الزمالك شارع سليمان محمد عند فلامنجو والساعه 2 بعد منتصف الليل
((( للمعلوميه أتقن اللهجة المصريه كأهلها ماعدا أول ثلاثة أيام تتساقط بعض الكلمات)))
وقفت تاكسي وقلت له الزمالك
سألني بعد ماتكلمنا
حضرتك مصري قلت له : أيوه
قالي بس لهجة حضرتك

قلت أنا من عرب سيناء ( أقدع ناس الرد المثالي دائما)
منين من سينا أصل أنا لفيتها من شرقها لغربها ( هنا جات الازمه )
قلت له من حته أسمها ( القشاشعه) (( أسم أخترعته وقتها مشابه لأسماء البدو))

قال فين دي
قلت عارف سانت كاترين
قال لي آه
قلت قبلها بشوي
قال الحتي دي بالزات مارحتهاش
وطول الخط وأنا أحكي له عن العادات والتقاليد عندنا في سيناء (تأليف في تاليف)
وصلنا حاسبته باربعه جنيه وقلت له أستنى
نزلت بعد ماحاسبته وفليت ناحية السائق وقلت
ما أحب أكذب على أحد أنا مش مصري
قال لي مستحيل أنت مصري
طلعت جواز السفر من جيبي ووضحت الصوره له
وقلت له ماتزعلشي

ولأول مره أشاهد اللطم على الخدود بشكل حقيقي

وفيه قصص لاحقه إن شاء الله

وكل سنه وحضراتكو طيبين