X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين7الاعجاب
  • 1 اضيفت بواسطة silent_dove
  • 2 اضيفت بواسطة silent_dove
  • 2 اضيفت بواسطة silent_dove
  • 2 اضيفت بواسطة silent_dove
إضافة رد
 
LinkBack أدوات الموضوع انواع عرض الموضوع
قديم 12-12-2015, 03:10 PM   #1

مسافر متألق

 
 
تاريخ التسجيل :  Dec 2014
رقم العضوية : 676
الجنس : انثى
المشاركات : 516



افتراضي اليــــ 2009 ــابان ( تم اضافة فيديو ).. بقلم .. 2aj


اليــــ 2009 ــابان ( تم اضافة فيديو )

بسم الله الرحمن الرحيم

اولا اشكر الله على توفيقه وواسع فضله
ثانيا شكرا لكل من تكلم او شاركنا خبرته بموضوع او نصيحه عن هالبلد خصوصا اخوي QJQ الله يعطيهم العافيه

رحلتي باختصار كانت من 20-06-2009 الى 08-07-2009



المناطق التي تمت زيارتها


21/06 اوساكا الوصول والاقامة الاولى لنا في اليابان
22/06 اوساكا Universal studio Osaka
23/06 اوساكا Osaka Aquarium والتجول حول محطة اوساكا
24/06 اوساكا اخذ قطار شنكسين الى طوكيو والوصول الى فندقنا في شنجكو
25/06 طوكيو Ginza
26/06 طوكيو Akhabara-shinjuku
27/06 طوكيو Disney sea
28/06 يوكوهاما Yokohama -china town
29/06 طوكيو Tokyo dome
30/06 طوكيو Harajuko
01/07 طوكيو shinjuku park
02/07 طوكيو التوجه الجبل فوجي
03/07 كاوقوتشيكو مدينة Fuji-Q الترفيهيه
04/07 كاوقوتشيكو التجول حول البحيرة ومشاهدة الالعاب النارية
05/07 كاوقوتشيكو البحث عن طريق العودة الى طوكيو بعد قرار عدم الرجوع لها :114:
06/07 طوكيو تسوق
07/07 طوكيو التوجه الى محطة شيناقاوى لاخذ قطار الشنكنسين الى اوساكا ثم الى المطار
08/07 اوساكا العودة الى الديار :110:


هذا اختصار للرحلة راح انزل كل يوم فرد مستقل مع بعض الصور والمواقف والتجارب الي استفدت منها وراح تفيدكم


لكن لي طلب قبل رفع الصور هل تنصحون بموقع معين لتفادي الغاء الروابط :114:



تحياتي لكم


 

فارس من خيالمعجبون بهذا.
silent_dove غير متواجد حالياً   رد مع اقتباس
قديم 12-12-2015, 03:11 PM   #2

مسافر متألق

 
 
تاريخ التسجيل :  Dec 2014
رقم العضوية : 676
الجنس : انثى
المشاركات : 516



افتراضي


بسم الله الرحمن الرحيم

[ALIGN=justify]قبل كل شي اعتذر عن عرض جميع الصور اولا لخصوصية اكثرها ثانيا الصور تم تقليص حجمها من 2 ميقا بايت الى مايقارب 100 كيلو بايت فاكيد الجوده اقل من الاصل[/ALIGN]

وبسم الله نبدأ

[ALIGN=justify]الرحلة بدت من الرياض بتاريخ 20 جون حيث كانت الرحله على الخطوط الاماراتية وكان الترانزيت على دبي 3 ساعات بعدين الى اوساكا


21 june وصلنا بحمد الله الى اوساكا واخذنا قطار من مطار كانساي الى محطة اوساكا واستقلينا الشتل المجاني الى الفندق

الفندق كان Righa Royal Hotel بركات مشرفنا


الفندق لايوصف ضخم جدا وتحصل كثير يزورونه لاجل المطاعم المتعدده الي فيه او لاجل بعض المحلات للتسوق[/ALIGN]

ريحنا وتمشينا في اليل حول الفندق نشم هوا نقي مع شوي امطار تثلج الصدر



22 صحينا وافطرنا وتوجهنا الى محطة اوساكا لاخذ القطار المتوجه الى منطقة universalcity بعدها نزلنا وبدينا نصور :113:

انا بس الي اصور خويي مريح :112:

*هذا اول منظر من خروجنا من المحطه وكان على اليسار مقهي ستار بكس فضلنا نحتسي القهوه قبل المضي قدما :108:



بعدها مشينا واحنا مستمتعين بمنظر المحلات والبوسترات







وصلنا لبداية مدينة universal studio





المجسم يدور طبعا والصغيرين حقيقيين مو العاب :109:



بعد الدخول ويبين نقار الخشب ( وودي ودبكر )





طبعا هم مثل دزني تقريبا كل منطقه تخص شخصيات معينه الصور هذي تخص spiderman & Terminator

ولعبة سبايدر مان كانت ممتعه بحق









مطعم



عرض مسرحي



منطقة JAWS

اللعبه عباره عن جوله بالقارب هاجمنا قرش وقامت الكبتنه :11ight: تطلق عليه وانفجارات ومؤثرات روعه











بامكانك البحث باليو تيوب لاستعراض بعض الالعاب

منطقة الفلم المعروف jurassic park وكانت للاسف مقفله اللعبه للصيانه









بيتر بان









هذي شخصية كيتي جايه تترقص بنص الطريق



لحظه قبل الخروج



بعد الخروج :101:





بنت معصبه :112:




[ALIGN=justify]طبعا بعدها توجهنا لمطعم HARD ROCK تغدينا ورجعنا للمحطه خذنا قطار لمحطة اوساكا ورجعنا الفندق وباليل تمشينا شوي حول الفندق وامطرت علينا مطر قوي مالحقنا نوصل الفندق الا هدومنا غرقانه[/ALIGN]


وهنا ينتهي اول ايام الاستكشاف بمدينة اوساكا

اليوم الي بعده كان 23 رحله لاكويريم اوساكا

انتظروا التكمله


لاتنسونا من دعواتكم كتبت اول التقرير اليوم بعد 11 ساعه دوام حماسكم كان دافع لي والقادم امتع

سلام عليكم



 

توبليرون و فارس من خيال معجبون بهذا.

التعديل الأخير تم بواسطة Prince Kytu ; 13-12-2015 الساعة 03:21 PM
silent_dove غير متواجد حالياً   رد مع اقتباس
قديم 12-12-2015, 03:14 PM   #3

مسافر متألق

 
 
تاريخ التسجيل :  Dec 2014
رقم العضوية : 676
الجنس : انثى
المشاركات : 516



افتراضي


بسم الله الرحمن الرحيم

23 june
اوساكا

بعد الاستيقاظ واخذ حمام دافئ والافطار بحثنا في الانترنت عن افضل الاماكن المزاره في اوساكا وكان فيه منها معابد وقلاع ففضلنا نتجنبها فقرر صاحبي زيارة الاكويريم :108:
ما كانت عاجبتني الفكرة بس يالله ورا :11ight: ياشقرا

نزلنا في لوبي الفندق وتوجهنا لقسم المعلومات (نصيحه لو تعرف وين وكيف ومتى تروح لمكان معين اسئل قسم المعلومات في الفندق لانه بيفيدك ويقدم لك عروض خاصه) وسئلنا الموظف واعطانا خرايط للمكان وكيفية الوصول له عن طريق الباص كان افضل واعطانا كوبونات تخفيض للدخول كانت مفيدة جدا
واعطانا ورقه وكتب فيها بالياباني عنوان الفندق وقال لو ضيعتوا عطوها اي واحد ويدلكم على المكان ( ناس تهتم :110

وبسم الله خرجنا

صورة خلال مشينا لموقف الباص




صوره لي ويبين المبنى البني في النص فندقنا ولا لا يا QJQ صح :109:




بعد المضي قدما وانتظار الباص رقم 88 استقلينا الباص وهذي بعض الصور على الطريق لين الوصول
لاحظوا شعب يستخدم الدراجات بكثرة







تحصل الوحده معها طفلين واحد قدام وواحد ورا بالسيكل (حرفنه) :surf

ووصلنا وهذي بعض الصور من الخارج / المبنى والمنطقه المحيطه حلوه جدا للجلوس



لاحظتوا ؟
:bounce8::bounce8:



بعدكم ماشفتوا الي من داخل :105:



ناس نظيفة :110:

مالكم شغل بالي واقف خلكم بصورة المبنى :109:



المدخل



بعد الدخول كان فيه نفق من زجاج فيه اسماك شي متوقع لاكن شوفو من يسبح مع السمك :114:



هذا انميشن لشركة قبلي كان عرض قبل نزوله الرسمي في 03 July *هالتاريخ كنت في منطقة ريفية لي قصه مع شراء الانميشن هذا كلوه فوقته



الصور القادمة لاحواض ومخلوقات بحرية بعرض لكم بعضها

دلافين كانت تستعرض



بطاريييق





هذا الحوض العجيب تطل عليه من 5 طوابق فيه اسماك قرش اكبر من ال gmc سوبر بان شوفو واحد منهم كان بعيد



سمكة قرش في قاع الحوض



مدري وش اسمها المهم معروفه بس هنا الوان :109:







مدري وشو ذا مثل الاستكوزا ماعليكم منه شوفوا الاطفال في الجهه المقابله هذا جزء بسيط منهم :bounce8:



لاحظوا ال :bounce8: والحيوان الي فوقهم حاطين له مسارات تتابع طريقة واسلوب حياته



بطاريق في الهواء الطلق وكان فيه بطريق توه مولود يخلونك توكله :108:





حوظ كبير مكشوف تغسل وتعقم ايدك ويخلونك تمسك بعض الاسماك :108::108::108:







بعدها جا الخروج وتمر بمحلات هدايا وكان فيه مقاهي ومطاعم داخل الاكويريم ومرينا بمجمع كبير بعد الخروج وكان خاص للنساء والاطفال ماحصلنا غير محل واحد رجالي فقررنا الخروج وانتظار الباص

صور بعد الخروج









تتعب من نظافتهم ونظافة شوارعهم وطيب اخلاقهم واحترامهم :110:

هذي سياره كانها لعبة GT او FORZA لاصحاب ال xbox360 :109:



بعدها ركبنا الباص



حتى الباصات فيها شاشات من برا ومن جوا تبين الوجهات والمحطات الي بيوقف عندها :101:

بعد الوصول توجهنا الى الفندق واخذنا انفاسنا وخرجنا لمحطة اوساكا للبحث عن مطاعم للغداء

صوره لمدخل المحطة لم يكن هناك ازدحام :11ight:



بعد المشي والبحث حصلنا مطعم تقليدي جميل ومريج وهادئ جدا
بعد الشرح للمضيفه الاولى والمظيفه الثانيه والطباخ توصلنا انهم :108: تكلمهم بالياباني يفكرونك تتكلم بلغتك فيقولون مافهمنا :112:
تعال شف وجييهم لما يستوعبون اننا كنا نتكلم لغتهم وهم مافهمو شي :108:

صوره للجلسه وكان المطعم في الطابق الثامن





تلاحظون الشاشة

تطلب عن طريق الشاشه بس احنا مافهمنا لان الكلام كان كله بالياباني

قمت العب فيها واكتشفت اني طلبت عصير برتقال :109:

جابت لنا العصير قلت لا بالغلط قالت اوكي خذوه هديه من المطعم :110: ياناس من وين لهم هالطيبه :110:

بعدها حاسبنا واخذنا جزمنا وانتم بكرامه وودعونا لين ركبنا اللفت

هذا كله كان بمزاج خويي

زيارة الاكويريم والغدا فمطعم تقليدي وجا اليل




:114::114::114:

انا لسا مانبسطت (طماع :109: )

بحثت عن اقرب سينما

ودخلنا فلم Transformer 2



القاعه كانت كبيرة جدا

الغريبه كان الفلم فيه مدبلج ياباني وفيه مترجم ياباني فقط والكلام انقليزي

احنا اكيد دخلنا الانقليزي المترجم ياباني بس تفاجئت فيه كثير يابانيين دخلوا :114:

من اليومين الي جلستها ماحسيت عندهم لغه انقليزيه تساعد :114:

بدا الفلم كان فيه نكت وكلام يضحك انا وصاحبي :109: ضحك بصوت عالي
بس ياولد محد يضحك غيرنا :114:

قلت يمكن انهم مؤدبين بزياده ومايحبون تطلع اصواتهم :108:

حاولت اكتم صوتي فجئاه جت لقطه مضحكه وكلهم ضحكوا

فهمت بعدها انهم في وادي ثاني :109:

وكان الفلم يستاهل بس خلص متاخر وراح الباص الاخير من المحطه فبقى خيارين 1- المشي 2- تكسي

اخترنا المشي :108:

بعد ساعه مشي سئلنا اثنين عساكر طيبييين عن اتجاه الفندق اكتشفنا اننا نمشي العكس :109:

بس المشي كان ممتع نمشي بجانب النهر وبراد يشرح الصدر ( لاتصرف :108: )

بعد ماقربنا نوصل بدت تمطر ومع الوقت زاد قوة المطر ومثل مارجعت اليوم الاول غرقان رجعت الثاني غرقان :109:

نصيحه لاتكابرون مثلي وتقولون ماله داعي مظله المظلات تنباع بكل مكان اشتر وحده ضغيره وخلها بالشنطه

من خلال تقريري بتلاحظون عنادي متى خلاني اشتري المظله :112:

وبكذا ينتهي ثاني ايامنا في اوساكا

24 june الذهاب الى محطتنا الثانية طوكيو :bounce8:

تحياتي لكم






 

توبليرون و فارس من خيال معجبون بهذا.

التعديل الأخير تم بواسطة Prince Kytu ; 13-12-2015 الساعة 03:19 PM
silent_dove غير متواجد حالياً   رد مع اقتباس
قديم 12-12-2015, 03:15 PM   #4

مسافر متألق

 
 
تاريخ التسجيل :  Dec 2014
رقم العضوية : 676
الجنس : انثى
المشاركات : 516



افتراضي


بسم الله الرحمن الرحيم

24/June/2009

بعد الافطار حملنا الحقائب ودفعنا رسوم الانترنت (:112: الانترنت كل يوم ب 1680 ين ) اخذنا الشتل الى محطة اوساكا

استقلينا الخط المتجه الى محطة شين اوساكا (قطارات الشنكسن لها محطه هنا ) طبعا تذاكر الشنكسن نوعين

1- مقاعد محجوزه لك بوقت محدد ومقعد محدد وهي ارخص
2- حجز مفتوح تركب العربات الخاصه بالحجز المفتوح وتجلس باي مكان ومدتها تقريبا يومين لاكنها اغلى

احنا نحب كراسينا تكون معروفه فكلفتنا تذكرتين ب 24 الف ين

طبعا معلومه مهمه الشنكسن كان كل 10 دقايق قطار يعني لاتخاف انه يفوتك :109:

في انتظار القطار الخاص بنا



الانتظار كان ممتع لانه الجو جميل جدا براد ومناظر القطارات السريعه شيق

الوصول



اخذت له صور ولقطات فديو لحظت الوصول عشانك اخوي QJQ

طبعا صور القطار وصور المناظر هي اصلا فديو انا اخترت منها مناظر اشاركم بها لاني هذاك اليوم ماصورت واجد :108:

من داخل القطار انظف وارتب واجمل من طياراتنا :112:



كل مقطوره سواء سبوي او شنكسن او باص فيه شاشات ارشاديه تبين الوجه والمحطه القادمه بالكانجو واللغه اليابانيه والانجليزيه



القطار يمشي بسرعه عاليه بدون ماتشعر وتحس انه على الهوا وهدوء تام لانه يمنع تشغيل الجوالات :113: على الصامت فقط

الصور القادمه لمناظر اثناء توجهنا لطوكيو اعتذر عن ردائة الصور بس مثل ماقلت هي لقطات من فيديو









طبعا بالغلط نزلنا محطه قبل طوكيو :112: من التركيز مع الجوال بس ماتعطلنا 5 دقايق وقف القطار الثاني وكملنا لطوكيو :113:

نزلنا محطة طوكيو واخذنا ترين رايح لمحطة شنجكو :113: وهذي صور للطريق من محطة شنجكو للفندق كان فيه شتل بس زحمه (عاجبهم المشي :x1: )

كل من زار طوكيو راح يسترجع احلى الذكريات











وهذا فندقنا الاول في طوكيو



هيلتون طوكيو Hilton Tokyo

بس مازال الانترنت بفلوس :112:



صور من داخل الغرفه



الحديقة المجاورة للفندق راح نزورها بتاريخ 1 July :101:



الاماكن المجاوره للفندق

مكدونالز
برقر كنق
ستار بكس بكل مكان تحصله
am pm فرعين جنب الفندق


وفيه مطاعم كثير قريبه من الفندق

هذا كل شي عن وصولنا لطوكيو اعتذر عن قلة الصور بس القادم كثير لاتخافون

اليوم التالي 25 June


GINZA


تحياتي لكم

 

توبليرون و فارس من خيال معجبون بهذا.

التعديل الأخير تم بواسطة Prince Kytu ; 13-12-2015 الساعة 03:22 PM
silent_dove غير متواجد حالياً   رد مع اقتباس
قديم 12-12-2015, 04:35 PM   #5

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


نقل مميز لتقارير مميزة

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 13-12-2015, 01:08 AM   #6

مراقب العرب المسافرون

الصورة الرمزية فارس من خيال
 
تاريخ التسجيل :  Dec 2014
رقم العضوية : 54
الدولة : K.s.a - الرياض
الجنس : ذكر
المشاركات : 4,371



أوسـمـة: فارس من خيال

كل الاوسمة:1 (more»)
افتراضي


ماشاء الله بداية جميلة لتقرير رائع عن اليابان

ننتظر مثل هذه التقارير الرائعه نستفيد منها ان شاء الله
الله يعطيك العافية وشكرا ع النقل المميز وننتظر منك المزيد

اذا تبي الصور ماتروح ارفع على مركز تحميل المنتدى

 


التعديل الأخير تم بواسطة فارس من خيال ; 13-12-2015 الساعة 02:00 AM
فارس من خيال غير متواجد حالياً   رد مع اقتباس
قديم 13-12-2015, 01:32 AM   #7

مسافر جديد

 
 
تاريخ التسجيل :  Nov 2015
رقم العضوية : 6838
الدولة : السعوديه
الجنس : انثى
المشاركات : 82



افتراضي


شكرًا تقرير رائع

 

أميرة الورد غير متواجد حالياً   رد مع اقتباس
قديم 13-12-2015, 03:45 PM   #8

مشرف العرب المسافرون

الصورة الرمزية Prince Kytu
 
تاريخ التسجيل :  Feb 2015
رقم العضوية : 2145
الدولة : الكويت
الجنس : ذكر
المشاركات : 1,635



أوسـمـة: Prince Kytu

كل الاوسمة:1 (more»)
افتراضي



تعودت على هذي الطيبة عندهم وما قمت اتعجب كثر أول مرة
طيبتهم شي مو طبيعي وتفرض احترامنا لهم
وطيبتهم من أهم الأشياء إلي تخليني دايما أشتاق لليابان
شكراً لج أختـي على النقل الجميل
والشكر موصول لصاحب التقرير كذلك

 

Prince Kytu غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فيديو عن تجربتي للعيش بقطر Rima بوابة قطر 29 20-09-2015 06:58 AM
درفت جيزان 2015 فيديو وليد عنبه بوابة السعودية 14 04-03-2015 06:33 PM

الساعة الآن 09:00 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO