يمكن البعض مايعرفه يبتلكم هالمطعم وايد حلو في اسطنبول وداخل المطعم مثل معرض لبيع منتوجاتهم نفس طريقة كفتة مصطفى الي في بورصه يبيع لحمه وزيتونات ومشاوي ومادري شنو وسوالف ادوات الباربيكيو والبهار هذا شبيه له بس اضافات اكثر ومتنوعه

بيزاتكم يا بشوات والي حابه تشتري عسل ومربى وزيتونات وجبنه عندهم بعد











وهلا بالي لفاني ياهلابه عدد دقاتي قلبي تتسارع للهجوم ع الزيتونات احب الزيتون ياعالم




مستحيل ليمونه حزينه تشوف عسل وماتشتري بحبوووووو اوووووي واستخدمه دايما حتى لبشرتي استخدمه وقتلكم قبل جم يوم اني يوم رحت للكهف الي في بورصه وكان هناك في محلات مثل الطب الشعبي وهالشغل والحواج والعطار وحريم ستات كبار سن ومتوسط بالعمر يشتغلون ويبيعونً كل منتوجاتهم الطبيعيه الفرش صنع ايديهم
وعسل من ظمن المبيعات لهم استفسرت اذا في عسل خاص للبشره وكانو يستغربون هههه ويقولون لأ

المهم اني اخذت منهم عسل متعوب عليه وايد حلو ولذيذ واصلي

ملاحظه العسل تبين تعرفين اصلي او لا اذا تجمد يبين الاصلي مايتجمد ويتكور وصير خشبة يابسه نو يكون هذا مخلوط بسكر وماي واشوي من العسل كذابين ونصابين

عاد اذا صار ونصبو عليكم وشريتوه حرام يرتمي فاخذوه وخلوه عزكم الله بالحمام واخذي بيدج وفركي ويهج فيه يصير مثل السنفره بالعسل والسكر وخليه خمس دقايق عشر دقايق وغسلي يانعومة والله

بس خلاص كافي ماعندي شي اعرفه عن العسل
العسل اليمني خطير والي من السعوديه من الجبل الله على ذاك اليوم وصار عندي لذيذ وغالي وايد

المهم انا استخدمه للوجهه والرقبه وبعد قبل لا انام ملعقة صغيره واذا مريضه اخذت مع ماء حار مفيد وزين بنات العسل العسل العسل ياعسل انتو