مساكم خير يارب

هالتقرير اهداء لأم حسين الغالية

كعادتنا الخميس الطلعه العائليه لتغيير جو
بالويك اند
وطبعا العيال اختاروا الافنيوز
وبعد التسوق بالمول
حان وقت التحليه بعد العشاء

هالكافيه صار غرامهم لازم





لهم محلين في الافنيوز :

الأول : في الصاله الخاصة بالمطاعم فوق عند مدخل صاله الالعاب ( ماجيك بلانيت)

هذا اللي قعدنا فيه




الثاني : عند مكتبه ذات السلاسل




وفيه فرع في القيت مول في منطقة العقيلة



**********واترككم تتعذبون بالاطباق اللي اخترناها **********


فوتوشيني ومعاه ايس كريم
وكريب بثلاث انواع من الكاكاو
وغوووووووص عميق

الاسعار من ثلاثه دنانير الى اربعه تقريبا










https://vimeo.com/152207937

وهالاختيارات الفتاكه مع خواتي بيوم ثاني














وصج ليه قالوا الطعم يخلي ابتسامتك شقاقيه




ونعتذر عن المشاهد الاليمة

واللي ما غاص فيه انصحه يغوووص

بس يبيلكم بطل مااااااااااااااي لأنه الكاكاو يبيله والا يسحن جبودكم


سألته بكم الماي ؟
قال دينار بس

قلت اشدعوة كله ماي صحة من وين يعني حافرين بئر ارتوازي وتعطونه منه ؟؟؟؟؟؟
حتى الموظف مو عاجبه سعرهم

وعناد ما شريت منهم
صراحة استغلال

وليدي راح اشتري من ماكدونالدز يمكن ب 200 فلس بس



علينا بالعافية وربي يديمها نعمه ويمنعها من الزوال

وترقبوا تقارير خفيفة لطيفة قريبا


تحياتي لكم
قصة حب
الكويت



[emoji177]قصة حب[emoji177]

آخر مواضيع قصة حب

- شاركوني باختيار فنادق جديدة - ملكة السفرات العائلية في رحلتها الرابعة الى ماليزيا 2016 - برنامج تاباتوك - فندق هوليدي ان بينانغ - عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم أنت لك بصمة ، عش بما يرضي ربك ، ثم يرضيك ويرضى طموحك

---

التعديل الأخير تم بواسطة قصة حب ; 24-01-2016 الساعة 12:40 PM

الحمدلله اني اول وحده

واااو صج اهداء لذيييذ تدرين الحين والله سال اللعاب على هالكاكاو اللذيذ

في بعد بمنطقة المنقف في مجمع مطاعم المنيوز

عند مطعم سوتيش التركي

اشلون طعم الفوتشيني بالكاكاو
والبقشه شنو فيها بطلبها اذا حلووة

يميييي يميييي عليكم بالعافيه وربي يديمها يمعة خير وسعادة

باجر يمكن اروح الافنيوز واغووووص بالكاكاو

مشكوووره حبيبتي على الأهداء ويبيله هالتقارير اللذيذة كثري منها

ماشاءالله بالعافيه عليكم
يمي يمي فوتوشيني هلا بالمتن
والله يجمعكم ع الخير دايما ولا يفرقكم يارب

بالعافيه عليكم
بالرياض كل ما نويت اروح القاه زحمه

ربي يديمها من نعمه ويمنعها من الزوال

الله يسامحك خلاص ببطل دايت

ليش ياقصه هالصور الاليمه من الصبح
نفس سؤال ام حسين البقشه شنو فيها ياريت صورتيها من الداخل

احب فرعهم اللي بالرايه هدوووووء واطلب القهوه العربية وأغووووووووووووص