باريس - و خمسة ايام شتوية

ابو عبدالله · 13-03-2016, 05:50 PM

اليوم بكفر عن سيئاتي في التأخير واحط الجزء الأخير ... مثلث قوس النصر مرور بالكونكورد الى اللوفر ثم العودة الى برج ايفل منطقة جميلة

وكل باريس جميلة .. بس المكان هذا يمكن تغطيته سيرا على الاقدام لمن اراد خصوصا انه جميل للمشي وفيه زوايا رؤيا حلوه لايفل من بعيد او

الكونكورد ودخول الحدائق ... وطبعا المواصلات العامة متوفرة بكثرة ومحطات الميترو ايضا منتشرة وان كانت بعض المحطات (تقبع في ارض

الجن) ربما ... لبعدها تحت الارض ... حتى اننا في مره من المرات نزلنا في محطة وبدأنا صعود الدرج ...ثم اكملنا الصعود ... ثم واصلنا

الصعود .. ثم ارهقنا الصعود ... وارهبتنا فكرة النزول للبحث عن ( اصنصير ) يمكن مانلقى ... لان بعض المحطات قديمه بس اعتقد فيه .
هي فرصه لتجديد النشاط وطرد الخمول والكسل والاستمتاع ( بالتمشي وتطليق الرجلين ) ... في يوم جديد وكعادة الطافين بالشي الجديد قمنا

بدري ... وحزمت شنطة العدة ( جاكيتات المطر ، شاحن متنقل ، كونكت ، اسلاك شواحن ، شاحن بطارية الجوال الخ ) صارت شنطة شغالة

منحاشة ....
هذا طريقنا اليومي من الشقة للميترو والعكس ...

في نهاية اليوم السابق رحنا لمنطقة اللاديفانس بس كان اماكن كثيرة مقفله فرحنا له في اليوم التالي والصور القادمه مختلطة بين الليل والنهار ...
يمكن الوصول لها عن طريق محطة La Défenseب بالرير او الميترو ..

قوس الدفاع

مول الفصول الاربعه

وهو مكان جميل جدا ويمكن زيارته بالمساء ومن باب حب الخير لكم لاتنسوا نسيان محافظكم بالاوتيل ... المكان جميل وكبير ومن اماكن التسوق

الجميله والمناسبة وردهة المطاعم في حلوه ...

مقابل الفصول الاربعه او Les Quatre Temps سوق ثاني اللي هو Cnit La Defense وهو مجمع اصغر من الفصول الاربعه بس

انه جميل وفيه فندق الهيلتون ...

- قرية بيرسي bercy village -
طحنا على منطقة جميله مدري هي معروفة او لا وطريقة الوصول لها عن طريق الخط البنفسجي اللي هو رقم 14 واسم المحطة Cour

Saint-Émilion
منطقة تسوق صغيره وهادية وفيها كافيهات ومطاعم وجوها حلو مررره ..

هذا موقع القرية

bercyVillage

طلعنا منه على هضبة مونمارت

وفيه محطات كثيرة اعتقد توصل لها وتقدر تشوف الاقرب لك عن طريق قوقل ماب

اللي عليه دائرة زرقاء وبوسطها حرف M هذي محطات الميترو واذا حطيت المؤشر على المحطة يطلع لك الخطوط اللي توصل لها
https://www.google.com.sa/maps/place...3%D8%A7%DB%8C+

%D8%B3%D9%8E%DA%A9%D9%92%D8%B1%D9%90+%DA%A9%D9%8F

%D8%B1%D9%92%E2%80%AD/@48.886222,2.346654,2093m/data=!3m1!1e3!4m2!3m1!

1s0x0000000000000000:0xcfc3870abe2b8519!6m1!1e1

انا اعتقد جيت من طريق محطة Abbesses

تعجبني المناطق اللي مثل كذا وفيه شبه كثير من جنيف القديمه بس هنا احلى واكبر ونشاط اكثر ...

رقينا مع الدرج هذا وما كنت عارف عن العربة اللي تطلع فوق ... والدرج فيه استراحة بالنص ..

وبتجينا صور المصعد ووين نلقاه فيه ...

ساحة الرسامين

قطار شكله ياخذ جولة ... ماعندي معلومات عنه ..

ايفل من الهضبة

المطل قدام الكنيسة

وايضا المصعد قريب منها

العربة او المصعد تستعمل له تذكرة الميترو .. وهذي صورة من داخلها

بعد مانزلنا رحنا يمين ولقينا محل بيتزا ومكتوب عليه حلال ... ودخلنا وصار العامل فيه بنقالي وقلنا نريح عنده شوي ..

ثم طلعنا وحلينا برا ... وكملنا تمشية ... وكان الوقت ليل

المنطقة جميله جدا ولتغطيتها بشكل حلو والاستمتاع بها اعتقد تحتاج الى يوم او نصف يوم على الاقل ... اقل من كذا اسفين ما نقدر..

في باريس رحنا لبعض الاسواق مثل اللي على شارع Boulevard Haussmann وهو شارع جميل فيه عدد من مراكز التسوق الشهيرة

على طاري اوسمان ... محطة او سمان عند العودة للمطار ... كان التغيير فيها بس يمكن تاخرت قطاراتها يمكن نص ساعة ... فاللي يبي يروح عن طريقها ينتبه للنقطه هذي ويروح بدري شوي ...
باريس حلوه وبالنسبة لي غنية بالاماكن وفعالياتها واماكنها كثيرة مررره ... استمتعوا بوقتكم ولا تلتفتون للي يحاول يوقفكم خصوصا بالشوارع الجانبية لطلب المساعده لانكم احسن ناس .
تقريري على قدي وصدقا مااقدر اسوي مثل من التقارير .. التقرير المرتب له ناس واكيد ياخذ منهم وقت وجهد عظيم .. وانا لا الوقت معي ولا السن يخدمني ( احسن شي قل انك شايب ) وتعكز على عصا بعد ... بس انه جهد المقل وشكر المقصر لهذا الصرح وعمالقته الذين افنوا كثير من اوقاتهم لينعم غيرهم بالراحة والسعادة في سفرهم ... فلهم كل الشكر مع ان الشكر لا يوفيهم حقهم ولهم اخلص الدعاء بالتوفيق والنجاح والسعادة في الدارين .ولمن تابعني له كل الاعتذار عن سقوط سقف التوقعات وانهيار خيالات المتعه على صخرة واقع تقريري الهزيل ... كل الشكر لكم ... بس وعد منيب تارككم وقريبا ان شاء الله في نشبة جديده والله يعينكم تتابعون من جديد او بزعل

اترككم في رعاية الله وحفظه

fanda, مجدي, فيصل و 2 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انطاليا ... رحلة خمسة ايام رائعه	بن زامل	بوابة تركيا	68	03-05-2024 02:22 PM
السفر براا لمدة خمسة ايام لدبي في الفترة 14/11 - 21/11 /1436هـ	الباشا 1883	بوابة الامارات	2	15-09-2015 05:57 PM