ما شاء الله عليك يا ابو عبدالله

عيني عليك فريزر إل جي

تقريرك مميز بأسلوبك الممتع وصورك الرائعة

لمدينة مميزة

الله يسعدك أينما كنت

ماشاء الله عليك يابو عبدالله
سوق الامارات او الامارات مول فخم جدا لكن منطقة البرشاء الاسعار فيها نار الفترة الاخيرة الي هي منطقة ممتازة دائما اسكن فيها لعدد من الايام والاسابيع ونظرا لارتفاع الاسعار انتقلت لبر دبي ش/ الكويت والرقه والمرقبات واحتمال الجايات اغير الى منطقة المارينا لكن تضل منطقة البرشاء افضل مكان كمن يمسك العصا من النص استمتعت معاك بالتقرير مبدع

ما شاء الله
صولات و جولات جديدة
التمشية تبتدي عندك من الصبح ... و الناس نايمة
يعطيك العافية
واصل لـــــ نواصل

ما شاءالله تقرير ولا اروع باسلوبه الجمييل
اللي يدخل للقلب
ربي يحفظ الحلوين ويبلغك فيهم
يعطيك العافية تابع واحنا قاعدين نتابعك للأخير

ياهلا ابو عبدالله
فعلا .........
الاسعار تتدبل في الاعياد بشكل خرافي في دبي وابوظبي والشارقه وحتى العين
تواجد رهيب للاسر السعودية والمجموعات والفردى ايضا ....
الا اذا انت حاجز قبلها بشهرين ودافع مقدما .
غير ذلك الاسعار تتغير حسب العرض والطلب والموقع وخصائص الموقع انا من يوم ماعرفت نفسي ومول الامارات الفندقين الي فيه باكثر من 2000 الفين ريال للغرفه الواحده والثاني باكثر من1000 ولا ادري ايش السبب ومازلت اتعشم في وقت تنزل فيه اسعارهم بس مدري متى ؟
http://www.booking.com/hotel/ae/kemp...irates.ar.html

http://www.booking.com/hotel/ae/sher...out=2015-02-02

ولكن يبقى سيتي ماكس محطمهم جميعا
http://www.booking.com/hotel/ae/city...out=2015-02-20

وسنترو روتانا قريب منه
http://www.booking.com/hotel/ae/cent...out=2015-02-20
فاحيانا فنادق ومنتجعات عالمية تجدها بسعر بسيط جدا لكن في غير موسم في وقت ميت يسمى عندهم يختلف الشخص الي ماعنده وقت طول السنة ممكن يسافر ممكن يحصل عروض ...
تحياتي لك موفق .

دبي فيستفال سيتي
dubaifestivalcity
والله اني مستحي مره منكم تقولون جاي من مجاعه وتقولون ذا الرجال كرشتين واخاف اقولكم جايين نشوف المركز وكذا وتشوفون اكثر الصور عن مطعم الفنر
دبي فيستفال باختصار هو ( حاجة حلوه ) جيناه في زيارتنا العام وطبعا اللي جابنا له هو مطعم الفنر وكنا جايين له وقت الغدا وتمشينا فيه وطبعا هو منطقة ومرسى يخوت وملاعب غولف ومنطقة سكنية موب فقط مجرد مول وكان فيه عدة مطاعم مثل وافي غورميه وكرم بيروت وغيرها من المطاعم والكافيهات اللي هي حلوه بس مااعجبني في بعضها تقديم الشيشة ...يعني انت جالس تتغدا او تتعشى وفجاة تلقاك محاصر بالشيش من كل جهة ومحد يبلغك من اول انه ترا فيه هنا شيشة وممكن احد يجي جنبك ... مع ان المره هذي في وافي جورميه في مركز وافي نبهونا عشان معنا اطفال ...طيب ترا حتى الكبار ممكن مايناسبهم الوضع ...
المره هذي الفستيفال كان غير وعلى غير عادة دبي ان (غير) يعني احسن ...هو بيكون احسن ان شاء الله بس احنا جيناه المره هذي وكان تحت الترميم في الواجهه اللي على المرسى وحتى موية المرسى ماكانت نظيفة مع ان المول ومطعم الفنر ورحلات الهيلوكبتر موجوده ....
بس مطاعم المرسى وكل شي على المرسى تقريبا مغلق ...
كالعادة كنا مخططين لمكان الفطور الصباح ... ووقع الاختيار على الفنر ..لان قلنا نجربه لانه مطعم شعبي ... ومعنا سيارة وقارمن يالله لك الحمد... انطلقنا ووقفنا في مواقف الذهب وطلعنا للسوق ... عيونا كانت خضر ... فما صورنا كثير داخل المول ...ورحنا طلعنا لساحة المرسى متوجهين للفنر...
































كان فاضي تقريبا واخترنا جلسات داخل ابرد شوي ..


وهذي الشجرة داخل الصالة بس صناعية اعتقد


وتختار من المنيو كل شي بروحه او من قائمة الافطار ( مجموعات فطور ) واحنا اخترنا القائمة وضفنا عليها من المنيو عشان نجرب









الفاتورة


تقييمنا له : كان الغدا افضل بكثير من الفطور .. والفطور ماكان مميز يعني ماراح نجربه فطور مره ثانية ...
المكان والجلسات حلوه واعتقد جلسات برا بالليل حلوه مره بتكون
وانصح بزيارته للغدا او عشاء اذا هو فاتح ( مارحنا بالليل)...

الفيستفال بشكل عام انصح بزيارته للتسوق والتمشية بس الان المرسى مقفل والا الجو فيه حلو مره وخصوصا اخر النهار ...
شكرا لكم ...

ما شاء الله عليك يبو عبدالله
إبداع وخفة دم وشرح وافي