صباح الخير
يا اعضاء شبكة ومنتديات العرب المسافرون

اخواني وخواتي

اليوم يبت لكم تقرير عن مطعم معروف ومن زمان فاتح بالكويت بمجمع الراية

يمكن صار له سنتين او اقل مادري
بس هو لشيف الكويتي" حسين العلي " الملقب "بكونسبت "بدأ عمله من المنزل
وبعدها فتح له اول مطعم وهو كونسبت كوزين في
مجمع الراية الدور الثالث
وبعدها فتح عدة مطاعم وأسماء مختلفه وعنده أهمها الأن مطعم كومار الهندي بالمروج
وكذلك اعتقد فتح بالشارقه
الله يرزقه ويرزقنا من حيث لا نحتسب

نرجع لمطعمنا
انا اول مره اجرب كونسبت كوزين
بعد جولتنا بمعرض الدراريع حق رمضان (( رأيي عن المعرض بموضوع الديوانية ))
في فندق الراية
طلعنا ورحنا نتعشى بكونسبت كوزين

نشوف الصور مع بعض
شعار المطعم بصورة الشيف ... يقول عن نفسه انه يشبه الكولونيل صاحب كنتاكي








يهتم كونسبت بملابس العاملين عنده ويميزهم بتي شيرتات من لاكوست
وأحذية من أديداس





نشوف المنيو ... ترى التصوير سريع سامحونا

























هذه كل صفحات المنيو





الكراسي حلوة ولها طابعها الخاص .... ترى ما صار لها كم شهر واصله حديثا
دايما يجدد للتميز وراحة الزبائن
الجلسات بالساحة المقابله للمطعم
مقابله ويتشارك بالساحة مطعم p+ f







وصل عصيري موهيتو بالبلوبري ....يعني خيااااال حبيته

والبنات دايت كولا







جراغي البطاط= العاب ناريه = مفرقعات يعني حار




صورة معدلة





المشروم بالبقسماط مع الجرجير والصوص الخاص








الأثنين مع بعض






اللزانيا بالجوسي صوص



الصورة معدله



بورغر البنات
جبريت شيكن = كبريت ههههه. يعني حار
وكريسي بورغر = البورغر المينونه
اشوه اني ما أكلتهم مو ناقصه جنون ههههه






صور سنابية










طلبت يحطون عصيري بكوب بلاستيك علشان اخذه معاي
ما اقدر اشربه كله الا بعد الأكل بمدة





وهذه الفاتورة يابوها لنا بهالطويسه الصغيرونه






وهذا حسابنا





هالمرة الحساب علي وكان الأكل لذيذ يستاهل الصراحة


بعدها رحنا نحلي بماكرون الرايه

هذا اهو المحل

مصورته سيلفي ههههههه صار بظهري
ماكو الا هالطريقة علشان جذيه طلعت الصوره عويه




وردتنا





وورد بوتيك تناغرا اللي مقابلني
عجبوني





طلباتنا
كيكة العسل





و قطع من الماكرون تشكيلة من اختيار العامل










وقهوة فرنسية




أكلنا بس كيكة العسل ونصها مع الماكرون اخذناه تيك اوي

ووصلت الفاتوره




وتوني بفتحها الا بنتي تصورني سناب وتنقز علي يبونه على حسابي




وهذا الحساب





وعصيري للحين مقاوم خخخخ

وصل معانا البيت




ووردتنا اهداء لكم





ملاحظة :
واحنا كنا قاعدين نتعشى بالمطعم
سمعنا شخص يصارخ على الموظف ( مو جرسون لانه لابس بدلة ) يقوله :
رووح يلا بصوت عالي

التفتنا وطلع زبون في مطعم p+ f
معاه زوجته وبنته عمرها يمكن سنوات

المهم سكت شوي ورد يصارخ بعدين
وقام ويبي يتهجم على الموظف

وبعدها كل شوي يتكلم ويتحلطم
وزوجته مسكينة ساكته

بعدين قام يحذف اغراض اللي على الطاوله بالارض وعلى الموظف
وقال لزوجته يلا قام ومر يم الموظف ومد ايده على الموظف هذا الثاني دزه
والحمدلله كانو ريايل واقفين بعدوه عنه
والحرمة مسكينة قامت تلقط اغراض زوجها من على الأرض

انا قلت الحمدلله ان الحرمة منقبة والا انفضحت من تصوير الناس
والأهم ان عجبني كونسبت نفسه وقف وصور الهوشة
وبعدها
شفته يراوي واحد اعتقد مباحث او امن الهوشه
علشان يبين من هو المعتدي
لان حرام بس تاخروا عليه بالطلب
تصرف هالتصرف العصبي خرب على نفسه وعلى زوجته وضايق خلق الله

ما راعى زوجته ولا بنته ولا احترم هالناس اللي قاعده
بمجمع راقي ومطاعم فيها عوايل
والأهم ما احترم نفسه

عجبني كونسبت ما استغل شهرته ونشر الهوشة على برامج التواصل
والا في ناس تستغل شهرتها في التشهير بالغير على اقل شي

اووووه ما صارت ملاحظة
صارت قصة عنتر
سامحونا بس حبيت انصحكم بالتحكم باعصابكم
والتمسوا العذر للأخرين

شكراا لاستماعكم ومروركم


Umhusoon
ارسلت بواسطة Tapatalk

ياسلام سلللم
الظاهر انا وياك اليوم عندنا يوم تقارير المطاعم

عوافي يارب
زين عجبكم
انا اختي تقول عادي
الناس اذواق
وماشاء الله عليه انفتحت له طاقيه السماء من بعد طباخ البيت
ولكل مجتهد نصيب


وبالنسبه لقصة عنتر [emoji12][emoji85]

للريال الله يهداه بس اشحقه يتهجم ع العامل والا ليش انه وافد يسوي جذيه
الاخلاق مهمه مع كل البشر بغض النظر عن اللون والجنسيه وووووو....... الخ

الله يعين زوجته بس



[emoji177]قصة حب[emoji177]

آخر مواضيع قصة حب

- شاركوني باختيار فنادق جديدة - ملكة السفرات العائلية في رحلتها الرابعة الى ماليزيا 2016 - برنامج تاباتوك - فندق هوليدي ان بينانغ - عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم أنت لك بصمة ، عش بما يرضي ربك ، ثم يرضيك ويرضى طموحك

---

التعديل الأخير تم بواسطة توبليرون ; 22-04-2016 الساعة 11:17 AM

عوافي ام حسون
الاكل شكله يشوق والعصير ياسلام شكلي بغير عن الماي واطلبه


واكيد ام حسين ماتقصر عجبني تعليق البنات ههههههه
وهذا اللي قاعد يصرخ الله يعينه على نفسه ويعين اهله عليه
نكد عليهم وخرب الطلعه

الله يعطيك العافية مشرفتنا
زرت المطعم تقريبا قبل سنتين أو سنه ونص
بس ملاحظتي على الكراسي والطاولات في ممر للمجمع هذا اللي ما حبيته
الأكل جيد بس مو واو

شكرا لسردك القصة اللي صارت
==============================
أنا شفت موقف بجمعية حولي دخل وافد ( من جنسية عربية) وجلس يفتح في أكياس الفاكهه ويخرب الأكياس عشان ينقي الزين
شافه مواطن وقال له ليش تخرب الأكياس - قال له وأنت مالك

أهو قال له وأنت مالك وعينكم ما تشوف ألا النور
وينزف من فوق لتحت بصوت عالي جهوري أنا أنصدمت
وجاب المواطن مدير الجمعية
الزبدة الوافد وده أن الأرض بلعته هههههه

ماشاء الله
شي راااااقي والطعم يبدو شهي جداً

كل الشكر مشرفتنا الكريمة

بالعافيه عليك
وما دامه من حسابك بيكون طعمه لذيذ
الاستثمار بالمطاعم جدا مربح ولكن يحتاج العنايه والأختيار المميز
التحكم بالأعصاب مطلب لكن عندي للأسف ينفذ الصبر بسرعه