X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...




العودة   شبكة و منتديات العرب المسافرون > العرب المسافرون ( بوابات السفر الى دول اوروبا ) > بوابة بريطانيا

عدد المعجبين38الاعجاب
إضافة رد
 
LinkBack أدوات الموضوع انواع عرض الموضوع
قديم 05-05-2016, 05:25 PM   #1

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 454



Post مانشستر - برادفورد - ليدز - ويندرمير - جلاسجو -إدنبرة (يحتاج إنترنت سريع+إنتظار الصور








عدنا لكم من جديد فتقرير إن شاءالله يعجبكم
وآسف لثقل الموضوع وكثرة الصور
احب انزل موضوع مره وحده

مانشستر - برادفورد - ليدز - ويندرمير - جلاسجو - إدنبره

صوره تلخص المدن والتواريخ.,,








مسار الرحلة







بتاريخ 24 اوكتوبر الساعه 2:55 صباحا الاقلاع من جدة الى مانشستر
الناقل الخطوط السعودية
المخطط كان 10 أيام شامله يوم الوصول و المغادره في بريطانيا موزعه على النحو التالي

3 ايام برادفورد
3 ايام ويندرمير
3 ايام جلاسجو
يوم مانشستر

تخللها زياره سريعه
لـ ادنبره و ليدز








الناقل الخطوط الجوية العربية السعودية








الاقلاع من مطار الملك خالد الدولي بالرياض الى مطار جدة الدولي ترانزيت 3 ساعات ثم الى مطار مانشستر




الاقلاع من جدة الساعة 2:55 am
الوصول الى مطار مانشستر تقريبا الساعه 10am


للآسف بكل ما تعنيه الكلمة صالة الرحلات الدولية من مطار جدة فاشله بكل ماتعنيه الكلمه
والله اني اشوف الاجانب واستحي منهم كان ودي امسك كل واحد فيهم واعتذرله عن قبح وفشل الخدمه فالصاله الدوليه
ولا شي ناهيك عن تدخين موظفين الخطوط فنص الصاله فالدرج الي ينزل للبوابة الي تحت
و تدخين فالحمامات
…….. الخ







الرحلة غير مزحومه









وصلت مطار مانشستر وعلى الجوازات وما كان فيه زحمه واول مره اخلص سريع سريع
مع اني كنت خايف انهم يكثرون آسئله علي لان سفرياتي واجد عندهم
لكن تفاجأة بموظفة جوازات فنص العمر اخذت الجواز والبصمه
وقالت كم بتجلس ومتى آخر مره جيت هنا وبعدها قالت يا هلا ومرحبا امزح قالت ويلكم

و انا كنت مجهزلهم مخطط ورحلات وشغل مرتب علشان لا اتوهق او يشتبهون فيني

المهم رحت اخذت شنطتي ولقيت ناس كانو معي فالطياره جو عندي وسلمو وقالو نبي قروش عملات معدنية اذا معك علشان ياخذولهم عربه بغيت افزعلهم خصوصا ان معهم عوائلهم لكن للآسف ما كان معي لا قروش ولا كاش
كلو فالفيزا
اعتذرت منهم وقلتلهم مو لازم كاش عادي بالفيزا وجربو بطاقة الصرافة العاديه لان الجهاز فيه كذا وسيلة دفع بس شكلهم اول مره يجون وما عرفو كانو متلخبطين
حسيت بشعورهم
ايام اول سفره لي


المهم هوبا على اول تاكسي
والى محطة البيكاديلي
واخذت تذكره لبرادفورد
بقيمة22.50 باوند

اذا اخذتو التذكره فالشاشه دورو قطار ليدز Leeds west junction وبعدها من ليدز تغيير القطار الى القطار الي وجهته bradford interchange

التذكره بحدود 22 باوند مدة الرحلة ساعة ونص










السبت 24 اكتوبر 2015 الى 27 اكتوبر
مدينة برادفورد





برادفورد هي إحدى مدن غرب يوركشير شمال انجلترا ، وهي ملاصقة لمدينة ليدز، يتميز طابعها المعماري باللبنات الصخرية. عدد سكانها حوالي 293 ألف نسمة كثير منهم مسلمون أصولهم من جنوب اسيا. وتحتضن جامعة برادفورد


يبلغ عدد سكان برادفورد 293,717 مما يجعلها المدينة ال13 الأكثر اكتظاظا بالسكان في المملكة المتحدة



وصلت برادفورد ونزلت فمحطة bradford forester Square لانه على بعد خطوات من الشقة







وصلت الشقة اتصلت فيهم وخبرتهم اني موجود عند الباب





استقبلني صاحب الشقق او المسؤول عنها وكان هندي الجنسيه مسلم وجدا محترم
سولف معي شوي وقال اطلع لشقتك وفيه وحده تنتظرك معها المفتاح
وبالفعل لقيت بنت بريطانيه اتوقع طالبه
من اخلاقها وحسن تعاملها وابتسامتها بغيت اقول تتزوجيني ههههههه امزح امزح بس كانت محترمه





موضوع وتقييمي للشقق
http://www.arabtrvl.com/vb/t12983.html


رتبت اغراضي واخذت شور ومافي نوم ولا تعب
وسيده لـ nero عنده هوت شوكلت خلاني انزله مشي
المهم تقهوية عنده وكان على وشك يقفل الساعه 8 طلعت اخذت اغراض خفيفه وللشقة













اليوم الثاني 25 اكتوبر 2015



الساعه 2 الظهر نزلت اتمشى في السنترال وكان فيه حديقة جميله ومرتبه bradford city park
ستاربوكس وكذا مطعم منها Nando’s










بعدها كان قريب متحف National media museum






واخذت فيه جوله وكان ممتع وفيه اقسام تفاعليه جميله للصغار والكبار
وبعض الصور من المتحف













بعدها طلعت وجوله في سنترال المدينه وكان كل شي هناك تقريبا
مبنى البلدية للمدينة
والحديقة
وساحة احتفالات
ومكتبة المدينة
ومسرح
وحلبة تزلج على الجليد
























لفلفت حوالين السنترال الى الساعه 8 وبعدها عودة للشقة




اليوم الثالث 26 اكتوبر 2015

صحيت متاخر واخذتها تمشية خفيفة














بعدها قلت ياولد ليدز قريبة خليني اعطيها زياره سريعه عن قولة اني رحتلها
وسيده على bradford interchange
واخذت تذكره الى leeds
محطة leeds station
السعر رايح راجع بحدود 5.20 باوند
والمدة 18 دقيقة








وصلت وتوجهة الى متحف المدينة وللاسف كان مقفل




leeds town hall









بعدها شفت في جامعة قريبة Universtiy of Leeds
وكان فيه زحمة طلاب قلت ياولد معهم يالله خلني اشوف جامعتهم تمشيت شوي وانسدت نفسي كتب وطلاب ودراسة





رجعت واتجهت الى مول the merrion centre




كان فيه متجر آبل كنت بشتري منه شغله واتضح انه مول كبير وجميل تمشيت فيه واخذت قهوه وعلى متجر آبل وبعدها
الى متجر 3 واخذت من عندهم شريحة انترنت مفتوح لمدة شهر
لان بيانات التجوال عندي على وشك تخلص وكالعاده ما انصحكم الا بشركة 3
من ناحية الانترنت والعرض والسعر وسهولة التفعيل
وكل مره اخذ من عندهم ولا قد ندمت




من خلف المول فيه اسياب طويله وكمان مليانه محلات





وبعدها عودة الى برادفورد




والله يكرم الجميع












رحت السينما وبعدها رجعت سجلت خروج من الشقة او بالاصح اخذت شنطتي ومشيت وخليت المفتاح فالشقة
ما يحتاج احد يسويلك تشك اوت






الثلاثاء 27 اكتوبر 2015 الى 30 اكتوبر
الليك ديستريكت ويندرمير





توجهة الى محطة
bradford interchange
اخذت تذكره من الجهاز الى
Windermere
بـ 33 باوند






فيها تبديلين للقطار
من
bradford interchange
الى
preston
ونغير هنا
من
preston
الى
Oxenholme Lake

وبعدها نغير من
Oxenholme Lake
الى windermere

المدة 2:30







وصلت الساعه 7:30




ويندرمير البحيرة الأشهر والاكبر في منطقة الليك دسترك
منطقة الليك ديسترك المعروفة بمنطقة البحيرات الواقعه فالشمال الغربي من انجلترا
فيها ما يقارب 15 بحيره

والاشهر والاكبر هي ويندرمير windermere

تندرج تحت مقاطعة Cumbria
صوره توضح موقعها في بريطانيا







بعد الخروج من محطة القطار فيه محلات كثيره من ضمنها
محل تأجير سياكل
محل تأجير سيارات للمغامرات
محل تأجير اكواخ
مركز معلومات لخدمة السياح
وفيه محل للرحلات فالارياف
ومحلات خاصه بالملابس ومستلزمات الرحلات










صوره لبحيرة ويندرمير




خريطة بجودة عالية لمنطقة البحيرات pdf

http://www.lakedistrict.gov.uk/visit...elief_2010.pdf



خريطة بجودة عالية لبحيرة ويندرمير والفعاليات المتواجده حوالينها والقرى التابعه لها وبعض لاماكن المطاعم والسكن والقوارب مهمه ومفيده جدا pdf
http://www.lakedistrict.gov.uk/about...lans/?a=348818



وهنا خرائط كلها بجوده عاليه لمنطقة البحيرات بشكل عام
وخرائط لكل القرى فالمنطقة
وفعاليات وغيرها
موقع مهم جدا

Lake District National Park - Maps


وهنا رابط للموقع الشهير tripadvisor
للفعاليات الي متواجده هناك وتقدر تسويها وموقعها وتقييم الناس لها

https://ar.tripadvisor.com/Attractio...a_England.html





وكان الفندق قريب من محطة القطار واخذتها مشي






كانت اول مره لي ازور ريف او مدينة ريفيه وكان من زمان نفسي اروح الريف الانجليزي بس كنت أقول لحالي ماينفع والمفاجأة إنّو لحالي ينفع واستمتعت وتحسفت أني من زمان ما رحت
الي بيطلع مغامرات وتخييم وبيكون عنده مخطط كبير هذا لحاله ما ينفع


من اول ما تطلع من محطة القطار تشعر بشعور جميل بعيد عن المدن الكبيره والازعاج
كانت المحلات واشكال البيوت ريفية وجميله وبسيطه
كنت اشوفهم مظلات والجزم الطويله الي لنص الساق زي هذي





والبلاستيك الحامي من المطر

واكتشفت بعدين انو اذا ما اخذت احتياطاتك واخذت جزمه خاصه بالرحلات
لبعض الفعاليات بتاكلها وبتودع كل الكشخه والزين الي انت فيه
اكلت مقالب فالمطر والارض والطين مع اول يوم لين قلت اتسوووووووو ( واحد يعطس )

المهم كملت طريقي للسكن مرورا بمحلات كثير طابعها ريفي بحت
وكان فيه شارع رئيسي فوندرمير فيه كل الخدمات مطاعم وصيدليات وكافيهات ومحلات متنوعة بطابع ريفي جميل وبسيط
وصلت للبيت ( كوخ ) الي كنت حاجز فيه

واغلب السكن يكون فبيوت يديرها أصحابها وفيه كذا فندق بس بعيد شويتين من ويندرمير



وهذا موضوع عن القيست هاوس وتقييمي له

http://www.arabtrvl.com/vb/t12987.html




اكتفيت بجوله حوالين السكن وعشاء خفيف وبعض المستلزمات من السوبرماركت
وكان فيه أثنين كلها قريبه من بعض

وخلصت الجوله فوقت سريع من صغر المدينةوحسيت نفسي فاضي
استغليت الوقت رحت امشي مع كم تمرين وبعدها نوم





الإربعاء 28 اكتوبر 2015
الليك ديستريكت ويندرمير




صحيت وكان هالمنظر




وصاروخ ادور على الفطور ابغى اجرب فطور انجليزي ريفي







والي يديرون البيت جدا خدومين سيدتين كبيرتين فالعمر
بعد الفطور قالو عندك مخطط تعرف اماكن تروح لها تبغى خريطة


المخطط كان
الذهاب الى مطل واسمه
Orrest Head Viewpoint
وفيه مطل ثاني على البحيره
وفيه فعاليات قريبه فـ Bowness-on-Windermere
طبعا احب انوه انو وندرمير الي فيها محطة القطار وهي عبارة عن قرية صغيرة

ومسافة ربع او ثلث ساعه مشي للقرية الي بجنبها اسمها
Bowness-on-Windermere
والافضل الواحد يسكن فيها وياخذ باله اذا يحجز عن طريق البوكنق او اي موقع اخر
لان فعاليات الزوارق والرحلات تنطلق من Bowness

ومن ثم المرور على متحف للقوارب
ثم رحلة فالكروز


وهذا كان مخطط اليوم كله مشي



طلعت وقلت بسم الله و الوجهه كانت للمطل الاول the orrest head
وبعدها المطل الثاني
وبعدها اتوجهه الى Bowness
واشوف وضع القوارب والكروز
وبديت فالانطلاق












حديقة صغيره واشوف مالها داعي لان كل وندرمير عباره عن حديقة كبيره







وصلت للمطل الاول بس فعليا وصلت لنهاية الطريق كان فيه اشجار كثير ومبنى انا قلت يا ولد ما فيه مدخل ولا فيه طريق كيف يقولون فيه مطل ؟
وما شفت ناس يدخلون ولا يطلعون ولا يمشون كان شارع وسيارات قلت شكلي غلطان ولا الطريق طار







وسويت نفسي ما سمعت بالمطل مع انو هو لاجمل
وكملت للمطل الثاني وبدت تمطر
وماكان معي مظله كان مطر خفيف
وصلت للمطل الثاني على البحيره وكان يمشي حاله اخذت كم صوره ووقفت اتفرج وكانو ناس كثير يجوون بسياراتهم يوقفون ويتفرجون من السياره ويمشون انا لحالي الي نازل امشي
تحسون المطل زي المطلات الي فمدينة أبها
بس مع فارق الاشجار والبحيره وكل شي

وشكلهم نسو يقصون الشجر علشان الواحد يستمتع فالمنظر
وضعي كان قدام وجهي شجر واشوف وراه بحيره بس مو مستمتع




بعدها توجهت لبونز وكان نفس الشارع الي فيه المطل هو الي يوصل لبونز

وكانت البحيرة على اليمين واشجار واماكن مخصصه للمشي للبحيره بس سحبت عليها وخليتها لليوم الثالث













اورق الخريف فكل حته










وصلت لبونز





المتحف للآسف مغلق للتجديدات





وصلت وكان فيه كوستا كوفي والجو بارد فقلت لازم ناخذ شي نسخن فيه
وكانت زحمة اكثر من وندرمير وفيها كم فندق لكن غاليه حبتين



















وصلت وكان فيه رحلات بالكروز ( المركب )
مثل الي موجود بالصوره فيه 3 خطوط لسير الرحله






1- المسار الأحمر : من Bowness بأتجاه قرية Ambleside مرورا بقرية brockhole

تستغرق الرحلة حدود 70 دقيقة
وبأمكانك النزول في
Ambleside
و
brockhole


السعر لـ 2016
بالغين 10.50باوند
الاطفال 6.30 باوند

جدول الرحلات وحجز التذاكر اونلاين و خريطة توضح المسار

https://www.windermere-lakecruises.c...es/red-cruise/






2- المسار الأزرق : تنطلق من Bowness ويكون خط السير حوالين الجزر الموجوده فالبيحره تستغرق الرحلة حوالي 45 دقيقة
السعر لـ 2016
بالغين 8باوند
الاطفال 4 باوند


جدول الرحلات وحجز التذاكر اونلاين و خريطة توضح المسار
https://www.windermere-lakecruises.c...slands-cruise/





3- المسار الأصفر: تنطلق من Bowness الى الــ lakeside

يستعرق بحدود 90 دقيقة

مرورا على عدد من الفنادق و المعالم التاريخية مع تعليق يشرح كل منطقة

و الـ lakeside يوجد فيها متحف السيارات و أكواريم

و القطار البخاري الذي يبدأ رحلته من Haverthwaite إلى منطقة Lakeside
و العكس
السعر لـ 2016
بالغين 11باوند
الاطفال 6.60 باوند


جدول الرحلات وحجز التذاكر اونلاين و خريطة توضح المسار
https://www.windermere-lakecruises.c...yellow-cruise/



4- مسار أخضر: يبدأ من Brockhole إلى Ambleside
مرورا بـ Wray Castle Pier

يستغرق 50 دقيقة

السعر لـ 2016
بالغين 8باوند
الاطفال 4 باوند


جدول الرحلات وحجز التذاكر اونلاين و خريطة توضح المسار

https://www.windermere-lakecruises.c.../green-cruise/



المسار الاخضر بتشوفونه في Ambleside أو Brockhole










والي يبغى ياخذ العرض ويوفر لل 3 مناطق بيكون افضل له
اخذت تذكره للخط الاصفر
lakeside
بقيمة 10.80 باوند


وهنا اسعار المراكب والزوارق الصغيره





وهذا مخطط لسير الرحلات الي اخذتها














طبعا اول واخر مره ركبت مركب فبحر كانت فالجبيل
فقلت اجدد العهد
المدخل الخاص بالخط الاصفر وكل خط سير له مدخل خاص












انتظرنا شويتين جاء الكروز






ركبنا فيه وشي لا يوصف كانت مناظر جميله ما تدري وين تطالع يمين ولا يسار
وكان في المركب كوفي فيه اكلات خفيفه وجلسات من البرد والمطر وكان فيه دورات مياة
وكانت اغلب العوائل تحت منحاشين من البرد

























البحيرة كلها مليانه مواقف مراكب ويخوت صغيره خاصه وللايجار
وبعض الفنادق المطله على البحيره






























وصلنا الى الـ lakeside
والي كان فيه اكواريوم وفيه سكن
وفيه كذا محل ومنها ستاربوكس

وكان متواجد ايضاً رحله بقطار قديم شغال على البخار الى الان
ينقلك من ال lakeside
الى قرية Haverthwaite وبالتحديد الى محطة Haverthwaite railway
والركوب فالقطار مجاني للي كان فالكروز


والي جاي بالسياره وحب يجرب هذي الاسعار من الموقع
Standard Tickets | The Lakeside & Haverthwaite Railway
وفيه تفاصيل وكل شي عن القطار

واول ما توصل راح تلاقي لوحة للقطار

















بالنسبه لي كانت متعه جميله خصوصا انه يعيشك فالايام القديمه على بداية القطارات
شي جميل يستحق التجربه وراح تشوفون سائق القطار وهو شغال يحط فحم والدخان الكثيف المتصاعد من القطار ومسموح انك تتصور معه


وفالمحطة موجود كذا محل للهدايا وفيه مطعم ودورات مياه وفيه باص ينقلك للقرية Haverthwaite
الرحله بالقطار تاخذ تقريبا من 20 الى 30 دقيقة
ووقت الانتظار على بال ما يرجع القطار من 40 دقيقة الى ساعه

طريق سير القطار





بأمكانكم تضيعون الوقت بزيارة القرية بالباص او وجبه فالمطعم او التمشيه بجانب الخط السريع بين القرية والمحطة وهذا الي سويته وما يصلح للعوائل لانه اجتهاد مني
القطار والمحطة بالكامل كان ظاهر فيها وواضح تجهيز للهالوين وكان مضيف جو جميل




































الحمامات من الداخل على الشكل القديم

























هنا فيه شخص عنده كم نوع من البومه و كم طير
يخليك تحطها على ايدك وتتصور معها بس بفلوس






بنوته لابس لبس تقليدي قديم





بعدها رجعت بالقطار الى الـ lakeside
ومن البرد لازم ستاربوكس







وطلعت على الكروز الي راجع لقرية bowness
ولحد يخاف كل ساعه تقريبا فيه كروز راجع

وطريق العوده































وصلنا بالسلامه











للايجار كنت بجرب ،بس الي ما يعرف يسبح دايم يخاف ولو انقلب ولا صار شي رحت فيها







واخذتها مشي من bowness الى windermere







وبريك خفيف وفيمين الصوره دفايات معلقه تطلع هواء ساخن كانت شي خرافي ودك تتحضنها














واخيرا القيست هاوس













الخميس 29 اكتوبر 2015




لا يخفيكم اني كنت متحمس من المره الاولى علشان المطل الي يطل على windermere و البحيره the orrest head
بحثت على السريع فالنت وابغى اشوف وين هالمطل
وطلع المطل له اكثر من طريق بس صغيره ومو مبينه
فيه فندق قريب من المطل تدخل من عند الفندق وتلاقي الطريق
وهذي اللوحة تبين مكان المشي للمطل والوقت المستغرق للصعود 20 دقيقة
والارتفاع 784 قدم عن سطح البحر
ومكتوب الاماكن المطل عليها







ولا يخفيكم ان ركوب الكروز وسط البحيره والتنقل بين قرية وقرية اعجبني وقلت ليش ما اجرب الكروز بس يكون خط سير ثاني
اليوم الاول اخذت الخط الاصفر والمره هذي الخط الاحمر الى قرية ambleside

وكالعاده بسرعة بسرعة للفطور
واخذت مظله من نفس البيت الي ساكن فيه وهوووبا على المطل
كان الطريق الى المطل شي خورافي داخل غابة صغيرة واشجار وكانت اوراق الاشجار ما بين خضراء وصفراء وحمراء من فصل الخريف
كان المنظر والجو ابداع من الخالق





لوحات ارشادية كثيره محد بيضيع ابدا وكل مكان مخصص للمشي يكون له اسم































فيه بوابات كثير لاحد يخاف هذي علشان الحيوانات ، افتح وادخل
عاد اذا مكتوب ملكية خاصه حاول تتجنبها لا تجيب العيد









آحلى جلسة فالجو الخريفي







كراسي بين فتره وفتره تلقونها للي يتعب يريح





ووصلت للقمة والحذر الحذر اذا كان الجو ماطر
احتمالية ان تزحلق 100%






وصلت للمطل وكنت انا لحالي جاي بدري استمتعت فالمنظر شي جميل للتصوير
ومنظر مهما اتكلم عنه ما اقدر اوصفه ولا الصور توصفه
وفيه كراسي للجلوس للاستمتاع بالمنظر
فالصيف بيكون الوضع حلو لكن الايام الباقيه بيلفحكم الهواء
ولحد ينسى ثلاجة القهوه














































بعدها نزلت واخذت طريق للي يحبون المشي يمر من عند اكواخ وبيوت ريفية جميله الى ان وصلت للبحيره
وبعدها مشي بجانب البحيره وكانت المناظر جميله ناس طالعين علشان يمشون
وناس طالعين ومعهم عزبتهم وجالسين بجنب البحيره وناس تتشمس وناس راكبه قوارب
الى ان وصلت bowness



























ممرات جميله للمشي تفتح النفس على بساطتها












































وآخيرا وصلت للمطل الي لكم عليه وما لقيت له الا صوره
و بعد الخضار والوان الخريف الجميله اشتقت لشوفت الطعوس والرمال الذهبيه في ممكلتي الحبيبه









وبعد المطل
التوجهه الى bowness
عن طريق ممشى بجانب البحيره
وفيه كثير مداخل واسماء واحد منها زي الي فالصوره الجايه




































































هنا قفل الطريق ولازم الرجعه واكمال الطريق مع الشارع العام




















وهنا صوره لممشى آخر
دف البوابه واستمتع














وصلت الى bowness
رحت لمحل التذاكر وقلت تذكره للخط الاحمر قالت لحظة انت جاي امس وماخذ تذكره للخط الاصفر
قلت ايه وناسه وكذا شي جميل عاد استحيت الحين تقول هذا اول مره وكذا

وكان فيه زحمه ليش ؟
آكيد يوم مشمس وما صدقو الانجليز وطلعو بس رجع الجو وغيم

ركبت الكروز والى ambleside بصراحه الرحله جميله ولكن المناظر تكررت ونفس القرية كانت ممله او اني انا مليت ما ادري جلست فكوفي قلت احلل حق التذكره ورجعت بعدها

ونصيحه للي رايح
اذا ما عندك فعاليات فالقرى المذكوره فوق
فخذ الخط الاصفر وبتدعيلي





























وصلنا bowness وكان وقت المغرب والشمس غابت والمنظر جميل مع الانوار والبحيره













وطريق الرجعه طويل
قلت لابد من حبيب الشعب فالبرد










وبعد كوستا الى القست هاوس الي كانو مرقيني لغرفة مزدوجة















الجمعة 29 اكتوبر 2015




نزلت افطرت واخذت عفشي وودعت صاحبة البيت الي كانت جدا طيبه
وتوجهت لمحطة windermere الي كانت قريبة مني 5 دقايق مشي












وكانت الوجهه الى glasgow


المدة ساعتين ونص
قيمة التذكرة 53 وكل ما حجزت بدري كانت ارخص وتجنب وقت الذروه بتكون ارخص

تغيير واحد للقطار في Oxenholme lake District

وتأخرت كمان ساعه القطار كان واقف ويعملون له صيانه كان فيه عطل












اذا معك حيوان اليف وتبغى تشربه او تأكله فيه مكان مخصص ياعيني على النظام







و فالقطار اي لوحة فالمقطورات او الحمام يوجد فيها كتابه بلغة برايل للمكفوفين

















الجمعة 30 اكتوبر 2015 الى 2 نوفمبر مدينة جلاسجو

جلاسجو مدينة تعجبني وكل مره اروح لها احس اني مرتاح فروحتي لها علشان الراحه وتجديد العهد بكذا صديق
جلوسي فيها كان يشمله يوم الهالوين عندهم
كانت اول مره احضر هذا اليوم عندهم
وبصراحه ما فوته شي جميل من ناحية انه يكون يوم فعال تشوف الناس تستهبل وملابس غير شكل
والشي الي مو جميل ان الناس اخر الليل تكون فعالم ثانيه والله يكرمكم ويعزكم تشوف البارات عندها طوابير كل طابور بدون مبالغة طوله كيلو وعليها
المهم انه كان يوم ممتع والي يبغى يضحك ويلحق على الاسكتلنديين وهم صاحين
ابد ياخذله جوله حوالين محطة قطارات السنترال والاندرجراوند لها
ويضحك

السكن في اول يوم كان في شقق فندقية Fraser Suites Glasgow

وهنا تقييمي لها

http://www.arabtrvl.com/vb/t16986.html








بعدها تم التغيير الى فندق Apex City of Glasgow

وهذا تقييمي له
http://www.arabtrvl.com/vb/t13003.html









بعض الصور المتفرقة من الجولات






مول كبير فالسنترال






محل كامل كان يبيعون كوز بلي وتجهيزات للهالوين

























آكبر متجر ابل فجلاسجو فشارع Buchanan st مكون من طابقين








وهنا شارع التسوق المعروف argyle st

































جوله حوالين نهر كلايد
















Nero ومبنى جميل














1 نوفمبر 2015 زيارة سريعة الى إدنبرة Edinburgh


من محطة Glasgow central الى محطة Edinburgh waverley
قيمة التذكرة 12 باوند المدة ساعة وربع مع عدة توقفات








اول ما تطلع من المحطة راح تكون على شارع Princes street وكله محلات تسوق وماركات عالميه ومطاعم
وفيه مول على نفس الشارع Princes mall
وفيه نصب تذكاري كبير اسمه Scott Monument

وفنفس المنطقة الي فيها النصب حديقة وجلسات جميلة جدا
ومتحف national war

وكمان فنفس محطة القطار فيه مول كبير تحت الارض اسمه Waverley mall




































توجهت بعدها الى Edinburgh Castle القلعه قريبه من المحطة ما يحتاج سياره ولا تاكسي
والطريق جميل لها وبيكون صعود لأعلى تل
وبعض الصور من الطريق للقلعة




















وصلت كان فيه مجموعة كبار فالسن مع بعض معطينها قصايد وهجيني اسكتلندي
وكانت القلعه كبيره اخذت كم صوره ،

























دخلت احسب الدخول مجاني طلع بفلوس قلت مدام وصلت لهنا يالله ناخذ تذكره
وقيمتها 16,50 باوند من دون الجهاز الصوتي الي يعطيك عن تاريخ القلعة
وهنا الاسعار

















كانت جوله جميلة خصوصا اني متابع لمسلسل جيم اوف ثرونز فحسيت بالمتعه وكانت القلعة كبيره ومقسمه لاقسام كثير
وكل قسم تدخله آخره محل هدايا وتذكرات
شي جميل
وكانت فيه اطلاله على بحر الشمال
وفيها جانب المواني والجانب السكني كان منظر جميل

دخلت الساعة 2 ونص خلصت الجولة 4 ونص وكمان مستعجل بعض الاقسام سريع سريع






















































































































القلعة شي فاخر يبغالها زياره بدري



بعدها الى كاتدرائية سانت جايلز قلت خلني ادخل اشوف وش وضعها اول مره لي ادخل كاتدرائيه
كان التصوير مسموح بس بمبلغ رمزي
قلت تعقبون ما تاخذون ريال صورة كم صوره بدون محد يدري وصورة فيديو وقلت سلام عليكم


























بعد القلعة والكاتدرائية مرورا بشارع التسوق والى تل كبير اسمه Calton Hill
وفيه كم نصب تذكاري National Monument of Scotland
و نصب اسمه The Nelson Monument وهذا عليه صليب ينشاف من اي مكان فالمدينة
وكمان نصب Dugald Stewart Monument
وصلت على غروب الشمس وكان المنظر جميل من اعلى التل بس مدري وشفيها الصور خانتني وطالعه ماش ينصح بالصعود له مع العلم ان الطريق له درج طويل











وبعدها عودة الى محطة القطارات والتوجهه الى جلاسجو




















الاثنين 2 نوفمبر 2015 الى 3 نوفمبر مانشستر


العودة الى مانشستر وتقضية الوقت فالتسوق و اخذ كم هدية
وسينما كم فلم ما شفتها
وبعدها رجوع للشقة
























اليوم الاخير 3 نوفمبر 2015

التوجه لمطار مانشستر بواسطة القطار من محطة البيكاديلي الى محطة مانشستر آيربورت
قيمة التذكره 5 باوند المدة تقريبا من 15 دقيقة الى 20 دقيقة
وبعدها الاقلاع لمطار الملك فهد بجدة ومن ثم للرياض






















الطائره شبه فاضيه


























اتمنى اني وفقت فالطرح
شهر نوفمبر جميل للسفر واعتبر نفسي محظوظ لاختياري لنوفمبر ( الخريف )
مناظر والوان تمر عليك ولا عمرك شفتها الجو حلو ويغلبه البروده

شاكر لكم متابعتكم
جزء ويندرمير الاطول الي يشوف انه يوضع فموضوع مستقل ياليت يعطيني خبر



 

توقيع : MOHANAD

نقره لعرض الصورة في صفحة مستقلة

التعديل الأخير تم بواسطة MOHANAD ; 12-05-2016 الساعة 07:31 PM
MOHANAD غير متواجد حالياً   رد مع اقتباس
قديم 08-05-2016, 11:20 AM   #2

مسافر جديد

 
 
تاريخ التسجيل :  Apr 2016
رقم العضوية : 8843
الجنس : انثى
المشاركات : 73



افتراضي


تقرير رائع استفدت منه جداً ...

حبيت الكروز في البحيرات ان شاء الله باخذه ، بس سؤال المشروبات مجاناً ؟ وهل لما اوصل للمنطقة الثانيه من الكروز وانزل اتمشى في القريه اقدر ارجع للكروز مجاناً علشان يرجعني منطقتي ؟؟

 

فارس الجبيل و توبليرون معجبون بهذا.
استبرق غير متواجد حالياً   رد مع اقتباس
قديم 08-05-2016, 01:30 PM   #3

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي


وعليكم السلام ورحمه الله وبركاته

أهلا وسهلا بالمميز والخبير ما شاء الله تبارك الرحمن

بس لو ما تثقل الصور
صدقني لو كل جزء حطيته فصلته أفضل علشان الصور بس مره مثقله الصفحه
للحين الشقق عندك هي الأفضل
الموظفين ودودين
أعتقد الباكستانين كثير هناك
يعني بالبحيرات السياره أفضل من المشي

المطل حق السوده أفضل
رحلات الكروز مناسبه سعرها مع الوقت


كيفها بالربيع









حلو يمدي بالقطار البخاري تروح تجربه وترجع بسرعه

ليتني دريت عطيتك السناب بس ابشوف القطار البخاري يوم يحط الفحم

أجل ودك تحضن الدفايات

جلسه ما يحتاج
يبيلها ......................قهوه



لا مع الكراسي يفرق عن السوده






الأجواء ذي تعجب ابوراكان فارس من خيال




قفل الطريق أم خفت منه


لا الموظفه عطتك عين
تسلم والله يا مهند


ياليت تحطه بمووضوع مستقل أفضل

تحياتي لك

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 12-05-2016, 07:28 PM   #4

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 454



افتراضي



تقرير رائع استفدت منه جداً ...

حبيت الكروز في البحيرات ان شاء الله باخذه ، بس سؤال المشروبات مجاناً ؟ وهل لما اوصل للمنطقة الثانيه من الكروز وانزل اتمشى في القريه اقدر ارجع للكروز مجاناً علشان يرجعني منطقتي ؟؟

اهلين استبرق
المشروبات مو مجاناً هو زي الكشك الصغير ويبيع مشروبات وكوفي وحلا و مويه وشغلات بسيطه

وبالنسبه للرجعه آكيد اي وقت خلال اليوم تقدرين تاخذين الكروز الجاي وترجعين او تكملين للمحطة التاليه بشرط انك ما تتاخرين فالرجعه يعني تأكدي متى اخر كروز بينطلق وغالبا يهمك الوقت اذا كنتو فالمساء

ومنوره واكيد بتستمتعون دعواتكـ



وعليكم السلام ورحمه الله وبركاته

أهلا وسهلا بالمميز والخبير ما شاء الله تبارك الرحمن

هلا فيك حبيبنا فيصل

بس لو ما تثقل الصور
صدقني لو كل جزء حطيته فصلته أفضل علشان الصور بس مره مثقله الصفحه

داري والله بس للآسف اني ما اعرف احب اسويه دفعه وحده وخلاص


للحين الشقق عندك هي الأفضل
الموظفين ودودين
أعتقد الباكستانين كثير هناك
يعني بالبحيرات السياره أفضل من المشي

اكيد الشقق الافضل لمثل حالتي البعض ما يهتم للمطبخ او الغساله او الكوايه فماتفرق معه
وبالفعل الباكستنيين والمسلمين بشكل عام
والسياره الافضل جوله حوالين القرى بالسياره ترد الروح توقف وين ما تبغى واستمتع

المطل حق السوده أفضل
رحلات الكروز مناسبه سعرها مع الوقت

السوده هالايام تسوى وندرمير فالجو الحلو عندنا

كيفها بالربيع

اكيد بتكون خضار وجو صافي ولا اجمل









حلو يمدي بالقطار البخاري تروح تجربه وترجع بسرعه

ليتني دريت عطيتك السناب بس ابشوف القطار البخاري يوم يحط الفحم

أجل ودك تحضن الدفايات

جلسه ما يحتاج
يبيلها ......................قهوه



لا مع الكراسي يفرق عن السوده






الأجواء ذي تعجب ابوراكان فارس من خيال




قفل الطريق أم خفت منه


لا الموظفه عطتك عين
تسلم والله يا مهند


ياليت تحطه بمووضوع مستقل أفضل

تحياتي لك
العفو منور الحته بطلتك
تم

 

توبليرون و فارس الجبيل معجبون بهذا.

توقيع : MOHANAD

نقره لعرض الصورة في صفحة مستقلة
MOHANAD غير متواجد حالياً   رد مع اقتباس
قديم 15-05-2016, 02:04 PM   #5

مسافر جديد

 
 
تاريخ التسجيل :  May 2016
رقم العضوية : 9421
الجنس : انثى
المشاركات : 5



افتراضي


تقرير رائع ومفيد
شكراً

 

آخر مواضيع Gold

Gold غير متواجد حالياً   رد مع اقتباس
قديم 19-05-2016, 06:11 PM   #6

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : وطن النهار
الجنس : انثى
المشاركات : 16,410



أوسـمـة: q8ya metnaqla

كل الاوسمة:2 (more»)
افتراضي


كعادتك يامهند في تقديم التقارير الحلوه
سلمت أناملك على التقرير الحلووو ��������
برادفورد يسمونها أهل بريطانيا باكستان من كثر الجالية الباكستانيه فيها من جذي اهي معروفه بأكثر نسبة مسلمين فيها ..
لما زرتها ما حسيت أني في بريطانيا بصراحه ..
كافيه نيرو صاحباته مصريات كانوا عايشين في ايطاليا وبعدها انتقلوا بريطانيا واهما يدرسون في بريطانيا كان ودهم يفتحون الكافيه حاولوا ياخذون تمويل من احد البنوك بس مدير البنك رفض لان مافي ضمان انهم يردون هالمبلغ مع انه حاولوا يقنعونه انهم راح يمشون في مشروعهم بس تم الرفض لما رجع مدير البنك بيته يسولف على زوجته القصه ويقولها تخيلي يدرسون ويبون تمويل وماكو اي ضمان وقالها انهم في الجامعه اللي انتي تدرسين فيها قالت شنو اساميهم ذكرهم لها چان تقوله مولهم وعلى ضمانتي هالبنتين يشتغلون صح وراح يكسبون صح طبعا ما صدق ريلها بس اصرت عليه ثاني يوم اتصل عليهم وقالهم الموضوع كله وزوجته كلمتهم ومن بعدها افتحوا الكافيه كان بس واحد نسيت والله اي مدينه وبعد النجاح اللي حققوه توسعوا في كل بريطانيا ومعروفين بقهوتهم �������� بس هذا اللي اعرفه عاد ما يندرا لما الحين اهم أصحابه ولا تغيروا الله اعلم ..

أسفه عالاطاله بس حبيت أضيف هالمعلومات ����
والله يعطيك العافيه

 

توقيع : q8ya metnaqla


كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html


في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

q8ya metnaqla غير متواجد حالياً   رد مع اقتباس
قديم 20-05-2016, 07:34 AM   #7

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,317



افتراضي


تقرير روعة يا مهند

ذكرتني بمطل اورست هيد الروعة
و البوابات ترى تلخبط ماتدري هي خاصة ولا عامة

و كمان كافيه كوستا و المطاعم اللي قدامه يا سلام
شكلي اعيد تقريري عن البحيرات

جزء اسكتلندا برضه حلو و القلعة الطلوع لها متعب
الا اذا رحت من المايل ستريت
انا طلعتها من الدرج الصعب من وسط الحديقة خخخخخخ

الله يسعدك على الصور الرائعة

 

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 21-05-2016, 03:13 AM   #8

مراقب عام سابق

 
 
تاريخ التسجيل :  Dec 2014
رقم العضوية : 220
المشاركات : 2,031



افتراضي


تقرير رائع
تستاهل 5 نجوم وننتظر مزيد من التقارير

 

أبو طلال* غير متواجد حالياً   رد مع اقتباس
قديم 24-05-2016, 01:55 AM   #9

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,441



أوسـمـة: ابو عبدالله

كل الاوسمة:1 (more»)
افتراضي


ماشاء الله عليك مهند ... بس وين الشنطه ذيك عند ولد مثلك يقدر المتاحف وماشاء الله عليك سريع وخفيف وادارة الوقت عندك حلوه مره .... واوفقك الراي من ناحية انترنت شركة 3 ...
.. مااشوفك رحت لسوق ترافورد في مانشيستر ؟

 

ابو عبدالله غير متواجد حالياً   رد مع اقتباس
قديم 05-06-2016, 01:12 AM   #10

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


من زمان ودي ادخل التقرير واتعايز ليش الصور ماتفتح بسرعه
بس اليوم دخلت ماشاءالله كل الصور مفتوحة وجميله
حسافه الواحد يطوف النظر عليهم

شكراا لذكر تجاربك بالفنادق والانشطه
وشكراا ابرار على معلومة مقهى نيرو

 

فارس الجبيل و MOHANAD معجبون بهذا.

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
إضافة رد

الكلمات الدلالية (Tags)
مانشستر،ويندرمير،جلاسجو

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
مفضله نيوزيلندا ( بقلم / إنتظار ) فريق التطوير بوابة استراليا ونيوزلندا 10 14-08-2019 05:16 AM
كيف تستخدم خرائط جوجل "google maps" بدون إنترنت على هاتفك الذكي ! احمد الحربي البوابة السياحية 34 07-02-2017 12:13 AM

الساعة الآن 11:38 AM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO