السلام عليكم .....
قبل 20 يوم تقريبا كانت زيارتنا لهاري بوتر اللي كنا حاجزين له قبل شهر تقريبا لعدم توفر حجز بسهولة لان كنا نبغى يوم بنهاية الاسبوع وكان الحجز عن طريق موقعهم
https://www.wbstudiotour.co.uk

- تأخرت بالتقرير لظروف انشغالي بس حبيت لو انزل شي بسيط عنه احسن من لا شي لان مافي المنتدى هنا شي عنه حسب علمي .
- حجزنا عن طريق الموقع تذكرة عائلية ( 2 كبار+ 2 صغار ) بـ 107 جنيه استرليني وجتني التذاكر على البريد .
- الوصول له يكون عن طريق الاندر قراوند او القطار ومحطته هي Watford Junction
- بعد الخروج من المحطة الانتظار عند موقف الباص رقم (4) او (6) نسيت والله ... ويجي البص حق هاري بوتر وهذي صورته من النت :



- الباص غير مجاني وتذكرة الصغير والكبير نفس الشي ( 2.5) للشخص .
- بحاول اقرب الصورة لكم قدر المستطاع والهدف من التقرير هو للمساعدة في اتخاذ قرار الزيارة من عدمه وليس للتشجيع او التثبيط ... لان المشوار تقريبا ساعه من لندن والتذاكر ايضا غاليه .

- بحاول اكون محايد واذكر السلبيات والايجابيات قد مااقدر والعذر منكم ان حصل تقصير .

اذا اكتمل تحميل الصور كملت معكم ان شاء الله

ننتظر تجربتك بفارغ الصبر


وشكراً لإثراء المنتدى بتجاربك


جزاك الله خير

ننتضر تقريرك على احر من الجمر وشكرا على تدعيم تقاريرك بروابط وحسابات موثوقة

وعليكم السلام ورحمه الله وبركاته

تسلم والله وافي
الله يوفقك بالدراسه

مرحبا من جديد ... واعتذر عن التأخير ومبارك عليكم الشهر جعلنا الله واياكم ممن يبلغه ويصومه ويقومه ايمانا واحتسابا ويتقبله الله منه ...
بريطانيا تزخر باماكن كثيرة ولعل الكثيرين لهم خبرات تفوق مالدي ولكن دعم هذا المنتدى الرائع بتحديث تقارير الاماكن اقل القليل لايفائه بعض حقه علينا ... فمنكم عرفنا الكثير ومعكم تجرأنا على السفر ... فمن هذا المنتدى نهلنا وله حق علينا ان نعود ...
كثر من يعرفون قصة هاري بوتر وان الدنيا ربما ( حظوظ ) وأن الارزاق بيد الرزاق .. لارزق الا ما رزقنا اياه ... تلك المعلمه التي ربما كانت محبطة في يوم من الايام ... اضحت في سنيات معدوده من اثرياء هذا العالم ... بسبب فكرة .. تشجعت واقدمت ... فشلت في البدايات بسبب عدم رغبة دور النشر بنشر قصتها الى ان وجدت من وافق بشروطه .... لا تستسلموا من اللحظة الاولى .. فلاتدري اي خطوة فيها قفزتك العملاقة ...
لااعرف كثيرا عن تاريخ انشاء استديوهات هاري بوتر في لندن .... ولكن هي مساحة كبيرة جدا مغلقة على مدينة في داخلها معزولة عن العالم الخارجي ... بممرات وشوارع ومباني وغرف شاهدناها في ثنايا افلام هاري بوتر التي تحكي قصة ذلك الساحر الصغير ومغامراته في مدرسة هوجورتس ... قصته بالنسبة لي شيقة ومشوقة وافلامه ممتعه ... قلت في البداية ان بداية الوصول تكون من محطة Watford Junction وعندها يتوقف باص هاري بوتر ( نقل ترددي بين المحطة والاستديوهات ) ولان كنت اعتقد ان سعر التذكرة شامل للنقل وذهابنا بعد جولة في لندن ... كان الكاش المتوفر لايكفي .. بس وش نسوي ... السرا طويل ... والصرافة داخل المحطه ... والناس جالسة تركب ... مالك الا تسوي فيها متنح وخل الرسميات والاتيكيت ... يوم وصل دورنا عطيناه التذاكر ... قال كم انتم ..قلت اربعه ... قال هات 10 باوند حق التذكرة .... قلت ماندري نحسب السعر شامل ... بس يلا .. وافتح محفظتي ... وللي يعرفون فلوس بريطانيا حتى الواحد بنس متوفر ( مثل الهلله في الريال ) ... واجلس اعد له وهو طق تتنيحه ... شحنة فكه وماتكفي وجالس اعدها له ... ووراي سرا طويل .... قال خلاص استسلم انا ادخلو وعطانا التذاكر ... ووفرت باقي الفكه بعد .... الطريق اعتقد من 15 -20 دقيقه بالباص ... واللي يبي يروح بسيارته متوفر مواقف .... في الباص يشغلون نبذة







وبما ان التذاكر معنا واصلتنا بالبريد ... فما احتجنا نصف سرا ... وكل حقين الباص تقريبا راحوا لشباك التذاكر ... وجينا صفينا سرا عند المدخل ننتظر ندخل ... ودخلنا مع اول دفعه ... الدخول كان لقاعه صغيره يتكلم فيها عن هاري بوتر والاستديوهات ... ومايفضلون التصوير هنا ... بس بعد المنطقة هذي خذوا راحتكم












عفوا نسيت ... اللي فوق هذي غرفة قبل الدخول لقاعة عرض ....وفي قاعة العرض يتم عرض فيديو عن هاري بوتر .... ثم يكون الدخول لعالم هاري بوتر .... بعض الصور كنت اعتقد انها معي ... بس كانت في السناب ومااحتفظت فيها بالغلط ...




من اشهر المناطق بالسلسة ( صالة الطعام )



طبعا كل المعروض من ملابس وادوات هي ماتم استعماله في السلسلة ...





مجسمات شخصيات السلسلة















الصورة على جنب طلعت













مدري ليش ختم المنتدى مختفي على الصور !!





























مكتب دمبلدور








هذي الملاعق تدور لحالها

















كثير من الادوات والالات المستعملة في الافلام يوجد عندها شاشة تشرح عملها وكيف سووها









هنا للي يحب يدخل ويجرب العصا السحريه وكيف كان هاري بوتر يسوي حركته







وهنا فيه شاشه تشرح حركة الثعبان وكيف نفذوها




































الحائط الشهير





منطقة الكوفي والمطعم



بعد المطعم فيه منطقة خارجية













سيارة هاري بوتر اللي راح بها للمدرسة ولها قدرات مثل التخفي والطيران







** في اماكن عباره عن استوديوهات صغيره تقدرون تصورون فيها او تصورون عيالكم وكانهم يطيرون على المكنسة ويعطونكم الفيديو مقابل 5 باوند اعتقد موب متاكد

-- التقرير بسيط وما غطى كل جوانب المكان لاني فقدت بعض الصور ..

- المكان تحتاج لتغطيته بشكل كويس الى ثلاث ساعات على الاقل
- عيب المكان سعر تذاكره + بعده عن وسط لندن

بالانتظار
باين ان المكان ماراح يصلح الا لمحبي الشخصية

ننتظر نشوف البقية واخذ راحتك لا تستعجل

ممتع جدا
وتجربة ثرية

للاسف الصور مو طالعة