X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين13الاعجاب
إضافة رد
 
LinkBack أدوات الموضوع انواع عرض الموضوع
قديم 27-08-2015, 01:49 AM   #1

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,420



أوسـمـة: ابو عبدالله

كل الاوسمة:1 (more»)
افتراضي زيارة لـ عين لندن + مغامرة شريك


عين لندن :
المكان : هي معلم مشهور يستدل به على ضفاف نهر التايمز قرب الساعة الأشهر ( بيق بن )
https://www.google.com.sa/maps/place...91f3172409ea92

- اقرب محطة انفاق (تيوب) : محطة ويستمنستر ، او محطة واترلو ... بس هي اوضح لمحطة ويستمنستر ...
- الموقع الالكتروني : https://www.londoneye.com
- الحجز : بواسطة الموقع الالكتروني او الحضور لمكتب التذاكر بجانب عين لندن
- بالنسبة لنا تم الحجز من موقع متحف مدام توسودز وهنا تقرير عن المتحف http://www.arabtrvl.com/vb/t10086.html
- عند الوصول للمكان تم التوجه لمكان التذاكر وتبديلها بدون الانتظار في الطابور وذلك لوجود موظف يحمل تذاكر جاهزة لمن هم في مثل حالتنا ... وكان معنا تذاكر لشريك والاكواريوم واخبرونا انه نبدلها من عندهم هناك ...
- كنت اقول لمهند ( مميز المملكة المتحده ) لاتحط الموضوع مره وحده ، خله على اجزاء ، بس كني صرت اناقض نفسي ... فلا تضحك يامهند علي ... والا اضحك في سرك ...











هذاك المبنى تباع فيه التذاكر لعدد من الاماكن السياحية وعلى امتداد يوجد ( شريك ) و ( الاكواريوم )


الطابور كان طويل شوي ، وعند الوصول فيه اجراءات امنيه وتفتيش للشنط والاشخاص بس جدا محترمين الموظفين



طبعا كان ذاك اليوم شي غريب لاحظناه في محطات القطار وهو وجود الشرطه بشكل كبير على غير العاده ، بالعادة نجي للمحطه ونطلع مانشوف شرطي واحد يمكن ، والمره هذي كانوا كثيرين ، وبعد مارجعنا بالليل عرفنا عن سالفة قطار باريس وان فيه داعشي حاول يسوي شي بس فك الله الناس من شره ...
ثلاجه بالطابور



والطابور قسمين ، قسم للتذاكر العادية وقسم للدخول السريع ، وكلها فيها طابور بس العادي اكثر زحمه ...

وتشوفون في الصورة اللي فوق تقسم الطابورين ، يمين العادي ويسار السريع ...

كباين العين ايضا يفتشونها قبل ركوب الزوار في كل مره ينزلون الزوار يتم تفتيشها بالاجهزة بسرعه قبل دخول مجموعه جديدة ...









الجو جدا صافي










بيق بن والبرلمان البريطاني بمجلسيه




منطاد





بدينا نقرب لاعلى نقطه هنا



اعتقد اللي في الافق هناك ملعب ويمبلي



الرحلات النهرية موجوده بكثرة



من اعلى نقطه



فيه شاشات تعطيك نبذه عن الاماكن اللي تشوفها حدد المكان ويطلع لك نبذه عنه






هذي العربة والاماكن الحمراء اللي فيها صور خطوات هذي قبل نهاية الجولة فيه كاميرت برا تصور الموجودين في المنطقة هذي وطبعا محطوط علامه برا على اماكن وجود الكاميرات عشان الواحد ينتبه لو حب يصور



بعد ماطلعنا تقريبا الساعه 11 ونص قلنا نروح لشريك ونخلي الاكواريوم الاسبوع القادم ان شاء الله ...



رحنا لشريك وهو انك تخلي العين على يمينك وتمشي قدام الين توصل لمكانه في المبنى اللي يسارك ....



دخلنا ...



كلش ممنوع يا ساتر









وصلنا للكاونتر .... وقالوا ماتدخلون الحين لازم موعد .... قلنا متى اقرب شي ... قالوا الساعه 4 العصر ... قلنا اوك ... وحجزنا وعطونا تذاكر جديده ....
باقي 4 ساعات تقريبا ... قلنا نطلع نشوف لنا كوفي نريح شوي ...

هذا الاكواريوم



كان كل شي في المنطقة مزحوم والوقت شمس ومايناسنا نجلس برا ... فقلنا نروح لاكسفورد مشي ... شفناه لقيناه نص ساعه مشي ... قلنا نمشي واذا لقينا مكان حلو بالطريق وقفنا ... طبعا معنا تذكرة للمترو يوم كامل بس نحب نمشي ونشوف ... المشي هناك حلو مره وتشوف اشياء جديده ... وتقريبا المنطقة مجهزة للمشاة من ارصفة كبيرة واشارات للمشاة ... وكوفيهات منتشره ومحلات بالشوارع .... يعني الانتقال من مكان الى اخر يعتبر تمشة بحد ذاتها ...
طبعا ماندل بلندن بس الجوال وخرائط قوقل قايمة باللازم ...



هذولي على الجسر










هذا جا وزعق هنا ووقف شوي



بعدين دخل جوا ومشوا وراه ناس ... دخل له في زاوية ودخلت حرمه وراه ... الا ويزعق ذيك الزعقه ... وماتشوف الا غبرة الحرمه ... طبعا هو موب لمها ... وما قصدها ... بس هو نظامه كذا ...







مشينا في ظلال الحديقة وفي النهاية كان فيه كشك ، اخذنا ايسكريم



وسوينا تصويت ، نجلس شوي او نكمل ، قالوا الصغار نجلس ، بس كانت زحمه الحديقة ومافيه ظلال فاضي ، فقلنا نكمل ...


واحنا نمشي وصلنا هنا



البيكادلي

اعجبنا الشارع ... وكنسلنا فكرة اكسفورد ..







اخترنا المحل هذا للغداء













وكان غدانا بـ 29 باوند عبارة عن ( صحنين سوشي و 2 شوربة وصحن رز مع سلمون ) بالاضافة للمشروب
طلعنا نبي نرجع لـ شريك عشان موعدنا بقي عليه تقريبا ساعه








ومرينا من عند هذا









وصلنا لـ شريك قبل الموعد بـ 10 دقايق ودخلنا طابور الدخول وماكان زحمة ...











طبعاً نظامهم بدون تصوير .... المهم هو انكم تدخلون لاول صالة فيها وحدة تمثل شخصية سندريلا ترحب بكم وتتجلس تتكلم شوي بالمشاركة معكم ومع الصغار ثم تحولكم لصالة اخرى ...
اكثر صالاتهم اللي تمرون بها حلوه .... بس صالة عرض الـ 4D في الباص اللي يسوقه الحمار شريك شي حلو مرررره وممتع جدا ( ثاني مرة ادخل عروض الـ 4D والاولى كانت في مدام توسودز بس في شريك احلى بكثير ) اللي بيزور لندن لايفوت زيارة شريك

اجمالا المكان حلوبس عيبه ان العرض صاير في البداية فمخرب على بقية الصالات ... وهو طبعا موجه للصغار بس الكبار بينبسطون بعد ....
بعد ماخلصنا طلعنا وكملنا جولة وقابلنا شريك وبعض الشخصيات





















كذا انتهى التقرير بس جد اللي يجي لندن لازم يزور شريك ادفانتشر ...
نلقاكم في موعد اخر من مكان اخر
كونوا بخير ....

 

ابو عبدالله غير متواجد حالياً   رد مع اقتباس
قديم 27-08-2015, 03:59 PM   #2

مراقبه عامه

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 21,970



أوسـمـة: توبليرون

كل الاوسمة:3 (more»)
افتراضي رد: زيارة لـ عين لندن + مغامرة شريك


خلاص ان شاءالله السفرة اليايه شريك ضروري
كله علشان الباص 4D
وعلشان التصوير للحركات
ربي يحفظهم العيال صورهم وحركاتهم تشوق
عليكم بالعافيه
بس ترى تعب من لندن أي للبيكاديلي
منتظرين تقارير واماكن حلووه منك

 

الايمانمعجبون بهذا.

توقيع : توبليرون

لا أكتب الا في العرب المسافرون
اختكم : ام حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون متواجد حالياً   رد مع اقتباس
قديم 27-08-2015, 05:54 PM   #3

المدير العام

 
 
تاريخ التسجيل :  Dec 2014
رقم العضوية : 15
المشاركات : 15,889



افتراضي رد: زيارة لـ عين لندن + مغامرة شريك


لا هنت يا غالي
تستاهل مميز لندن
غريبه شريك ما سمعت عنه من قبل

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 28-08-2015, 12:29 AM   #4

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,420



أوسـمـة: ابو عبدالله

كل الاوسمة:1 (more»)
افتراضي رد: زيارة لـ عين لندن + مغامرة شريك



خلاص ان شاءالله السفرة اليايه شريك ضروري
كله علشان الباص 4D
وعلشان التصوير للحركات
ربي يحفظهم العيال صورهم وحركاتهم تشوق
عليكم بالعافيه
بس ترى تعب من لندن أي للبيكاديلي
منتظرين تقارير واماكن حلووه منك
ننتظر رايك بعد الزيارة اجل ... امين على دعائك وجزاك الله خير .... وبالنسبة للمشي ماعندنا مشكلة نمشي ونوقف وندخل المحلات اللي بالطريق يعني المشوار ابو نص ساعه ناخذه بساعتين ونشوف بعد اشياء جديده

لا هنت يا غالي
تستاهل مميز لندن
غريبه شريك ما سمعت عنه من قبل
هلا ابو خالد ... شكرا على اللقب والله يرفع قدرك ... توني جديد على لندن يعني اللقب يخب
بالنسبة لشريك على حسب علمي المحتوى العربي مافيه شي عنه والاجنبي قليل ... مدري هو جديد او ليش محد تكلم عنه مع انه بالنسبة للاطفال جدا فخم ومسلي حتى للي مايعرفون انقليزي ...انا عجبني مره خصوصا الباص حقه تحفه ... وفيه شي نسيته اللي هو صالة كلها مرايات تجي بين مرحلتين ولازم تنتقل عن طريقها ... وطلع عمرك عاد ( وعدد الصعارير )<<<< خلو الغردقاوي يترجمها

الف شكر لكم ولدعمكم...

 

ابو عبدالله غير متواجد حالياً   رد مع اقتباس
قديم 28-08-2015, 11:08 PM   #5

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: زيارة لـ عين لندن + مغامرة شريك


يا سلام عليكم يا مميزنا والف مبروك التميز تستاهل يا ابو عبدالله تقرير جميل وتقسيمك حلو كثير كل معلم فموضوع احسن من كلها فموضوع واحد ومقسمه لعدة ردود فالموضوع

وابد ترا ما ضحكت

عين لندن من المعالم الي لازم الواحد يمر عليها ويركب فيها شي جميل جدا


لاهنت يا مميزنا

 

توقيع : MOHANAD

نقره لعرض الصورة في صفحة مستقلة

التعديل الأخير تم بواسطة MOHANAD ; 28-08-2015 الساعة 11:14 PM
MOHANAD غير متواجد حالياً   رد مع اقتباس
قديم 29-08-2015, 12:44 AM   #6

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,420



أوسـمـة: ابو عبدالله

كل الاوسمة:1 (more»)
افتراضي رد: زيارة لـ عين لندن + مغامرة شريك



يا سلام عليكم يا مميزنا والف مبروك التميز تستاهل يا ابو عبدالله تقرير جميل وتقسيمك حلو كثير كل معلم فموضوع احسن من كلها فموضوع واحد ومقسمه لعدة ردود فالموضوع

وابد ترا ما ضحكت

عين لندن من المعالم الي لازم الواحد يمر عليها ويركب فيها شي جميل جدا


لاهنت يا مميزنا
هلا وغلا
هين ماضحكت ... والله اني اخاف ابلشكم كل شوي طالع بموضوع عن مكان او اثنين ... بس كان ازعجكم ترا منيب اخالف علموني واحط لندن بموضوع لحاله
... شاري شنطه واستغفر الله افكر بالصلاة اقول لاتصير بنية مثل شنطة الرجال اللي انت خابر
عاد ترا الحين بديرتك والسناب معي من اليوم كان تبي امر شي اذكرك به والا شي...

 

ابو عبدالله غير متواجد حالياً   رد مع اقتباس
قديم 29-08-2015, 02:14 AM   #7

مراقبه عامه

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 21,970



أوسـمـة: توبليرون

كل الاوسمة:3 (more»)
افتراضي رد: زيارة لـ عين لندن + مغامرة شريك


مبروووك التميز يابو عبدالله
والله تستاهل اللقب
السناب ممتع ننتظر السناب بالنهار ان شاءالله
شكراا لك

 

توقيع : توبليرون

لا أكتب الا في العرب المسافرون
اختكم : ام حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون متواجد حالياً   رد مع اقتباس
قديم 29-08-2015, 07:46 PM   #8

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: زيارة لـ عين لندن + مغامرة شريك



هلا وغلا
هين ماضحكت ... والله اني اخاف ابلشكم كل شوي طالع بموضوع عن مكان او اثنين ... بس كان ازعجكم ترا منيب اخالف علموني واحط لندن بموضوع لحاله
... شاري شنطه واستغفر الله افكر بالصلاة اقول لاتصير بنية مثل شنطة الرجال اللي انت خابر
عاد ترا الحين بديرتك والسناب معي من اليوم كان تبي امر شي اذكرك به والا شي...
ههههههه الله يسعد قلبكـ بالعكس بيكون اجمل بالمواضيع

الله يستر عليه ابو شنطه بنيه الكل صار يعرفه

متابع معك على السناب وجالس تقلب المواجع كل شي يذكرني بشي ما يحتاج تصور شي مخصوص الله يسعدك يكفي

 

توقيع : MOHANAD

نقره لعرض الصورة في صفحة مستقلة
MOHANAD غير متواجد حالياً   رد مع اقتباس
قديم 29-08-2015, 10:57 PM   #9

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,420



أوسـمـة: ابو عبدالله

كل الاوسمة:1 (more»)
افتراضي رد: زيارة لـ عين لندن + مغامرة شريك



مبروووك التميز يابو عبدالله
والله تستاهل اللقب
السناب ممتع ننتظر السناب بالنهار ان شاءالله
شكراا لك
الله يبارك بعمرك وايامك ...
حياك الله ... وان شاء الله اقدم شي بمقام العرب المسافرون

ههههههه الله يسعد قلبكـ بالعكس بيكون اجمل بالمواضيع

الله يستر عليه ابو شنطه بنيه الكل صار يعرفه

متابع معك على السناب وجالس تقلب المواجع كل شي يذكرني بشي ما يحتاج تصور شي مخصوص الله يسعدك يكفي
... لا ترى محد درى انه انت
الله يحييك ... وجالس يومين هنا ... الله يعينك ع النكد يعني وش رايك اغير الباسوورد عن فيصل

 

ابو عبدالله غير متواجد حالياً   رد مع اقتباس
قديم 02-08-2016, 11:18 PM   #10

مسافر متميز

 
 
تاريخ التسجيل :  Jul 2016
رقم العضوية : 10790
الجنس : انثى
المشاركات : 350



افتراضي


يعطيك العافية على التقرير ، بس مافهمت الباص اللي يسوقه لحمار عبارة عن ايش؟؟؟؟

وبالنسبة للصالات فيها ايش؟؟؟

وكم من الوقت استغرقت الزيارة داخل ؟؟؟؟

 

أعشق السفرflowers5 غير متواجد حالياً   رد مع اقتباس
إضافة رد

الكلمات الدلالية (Tags)
لندن, المسافرون, التايمز, العرب, ادفانتشر, بيكادلي, بريطانيا, eye, london, شريك, عين

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
استفسار بسيط بخصوص المصروف اليومي في لندن .. الى خبراء لندن !! omar1987 اوروبا 7 05-10-2015 09:28 PM
تقرير عن مغامرة دبابات الدفع الرباعي بلنكاوي ATV EXTREM ZONE himzmz ماليزيا 35 10-05-2015 08:13 AM
مغامرة زجاج الموت بالصور في حديقة ( داروين ) بأستراليا عامر بوابة نيوزلندا واستراليا 8 30-04-2015 02:03 AM

الساعة الآن 09:39 PM
Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO