بسم الله الرحمن الرحيم
يومي الرابع في كوبنهاجن سويت اتشيك اوت من الفندق واتجهت لمحطة القطار شريت تذكرة تقريباً بـ 36 كرونه وتوجهت الى المطار
كنت حاجز على الطيران النرويجي قبل السفر من النت حضرت قبل الرحله بـ3 ساعات فكل تذاكري مسروقه وكان فيه فوتشر لمن حجزت ارسلوه ع البريد زي حق طلب التاشيره وكان مطلوب مني تعبئته واخذه معي عند السفر فقلت خلوني اروح مبكر للمطار من باب الاحتياط
طبعا كنت مترجم في الجوال ان حقيبتي انسرقت وفيها جميع اوراقي وتذاكري
وعند قدومي لموظفه الكونتربالصاله رقم 2 في مطار كوبنهاقن خليتها تشوف الترجمه فرفضت ان تعطيني البوردنق إلا بالاوراق اخذت الجوال منها ودخلت ع استيديو الصور وطلعت صورة التذكره فرفضت تتجاوب معي
مدري وش كانت تقول كلامها غير مفهوم بس سمعتها تقول جواز السفر
انا على طول طلعت الجواز وعطيتها ابتسمت الموظفه فـ ارتحت شوي
شيكت بالاسم بدون رقم حجز ولا شي سحبت لي البوردنق وطلبت من وضع الشنطه على السير
انا ماصدقت بعد التحطيم لمن رفضت اول واعتذرت عن المساعده اتاريها تفكر ماعندي جواز سفر
وبـ أبتسامه عريضه عطتني البوردنق وتيقات العفش وقالت توجهه لصالة المغادره
بعدها رجعت لي الحياة والامل من جديد
وهذا رابط الخطوط النرويجيه
Cheap flights to Oslo, Copenhagen, Stockholm - Norwegian
نغادر الدنمارك ...من فوق مطار كوبنهاقن
هذيك السويد كنت بتجول وامشي بالسياره من ذاك الطريق الساحلي ع بحر الشمال بس الله م اراد كنسلت السويد
من فوق مطار اوسلو
من مدرج المطار
وصلت اوسلو ولله الحمد وعندي ملاحظه بسيطه على المطار لمن تنزل من الطياره تمشي مسافه طويله فيها نزول وصعود سلالم
حتى توصل صالة استلام الامتعه وكل سير يوجد عليه شاشة عرض موضح رقم الرحله على السير
يمكنك مشاهدة رقم الرحله والانتظار حتى تاتيك الامتعه.. والعربات مجانيه بدون رسوم
من امام محطة القطار هذا النمر اول شي تشوفه بعد خروجك من المحطه
ومبنى محطة القطار من بعيد
ركبت تاكسي مع أن الفندق كان قريب مع سائق باكستاني وكان الحساب ع العداد 139 كرونه
انا كنت حاط في المحفظه فلوسي جزء للعمله الدنماركيه والجزء الثاني كنت حاط عمله نروجيه ويورو
لمن جيت احاسب راح من بالي اليورو واعطيت الباكستاني 100 يورو افكرها كرونه وكنت بطلع 40 يورو زياده بس قال خلاص المشوار قريب هذي تكفي شكرته واخذ المبلغ وراح دخلت الفندق سويت اتشيك ان وصعدت للغرفه واتذكر ان عملة اليورو مع العمله النرويجيه فتحت المحفظه للتاكيد قلت مو معقول الباكستاني يتنازل عن 39 كرونه لله
وفعلا طلعت مدلخ وبقوه الـ100 يورو اللي اخذها تعادل 800 كرونه ..ي حسرتك ي عزوز كل هذي دلاخه
قلت يالله رزق وساقه الله له حلال زلال عليه
الفندق كان بجوار القصر الملكي وموقعه ممتاز جدا
اسم الفندق ورابطه
Thon Hotel Slottsparken 
72الاعجاب
27-12-2014, 03:29 AM
رد: بين جمال الدنمارك وسحر النرويج .. 
العرض المتطور
المواضيع المتشابهه 
