18-08-2016, 05:04 AM
|
#1 |
مسافر جديد
تاريخ التسجيل : Jan 2015 رقم العضوية : 1601 الجنس : ذكر المشاركات : 18
| 
مرحبا حبايب قلبي
الموضوع ماهو تقرير بالمفهوم السائد ولكن هي نصائح اقولها لكم في مصر الحبيبه...
راح اكملها معكم...الان يعني الحين...
في مصر اذا كنت من النوع اللي يتنقل بكذا تكسي احذر تمشي ورا صاحب التكسي يعني يقولك اوديك المطعم الفلاني او النيل للمركب الفلاني او اذا كنت تدور شقه مفروشه تخليه يوديك بكيفه او يفاصل مع اي احد نيابه عنك...احذر احذر احذر... بالثلاثه...هههه طلاق مو تحذيرهههه
حاول ان السوق يكون سواق بس وماينزل معك في اي مكان...
وانا افضل اذا ماتحب الارتباط تحاول تاخذ سواق تكسي شايب اولها امين ومو طماع...وبتلقاه قافله معه الدنيا... من غير شي... واخرها مامنه هذره ....
اصلا لو تكلمت معه حيقولك فيه ايه ياخووووويه هو انتا لوق لوق وينزلك بوسط الشارع...هههههههههه
وفيه شي مهم جدا جدا جدا اذا كنتم تهوون الشقق مو الفنادق....
حاولوا اول شئ تاخذون شقه تكون على الشارع العام مثل شارع جامعة الدول او في ابو الفدا في الزمالك فيها شقق روعه واسعارها مناسبه جدا يعني ماتتعدى افخم شقه 300 جنيه في اليوم وخاصة هالايام لانه مافيه سياح والمنافسه موجوده يعني لاتستعجل واذا ماوافق سو تفسك جاد بتمشي وهو بيناديك ههههه...
هذا وجهي اذا ناداك ههههههههه امزح والله
جد حاولوا ماتستعجلون لما تستأجرون شقه.. فالشقق في مصر ازيد من الهم على القلب....
وعلى فكره انا انصح هالايام بالذات مثل ماقلت لكم الشقه تكون على شارع عام وحبذا يكون قدام العماره حركه....وايضا تكون العماره فيها سيكرتي او بواب محترم لأن فيه بعض البوابين والله مدري شقول تحس ان بينك وبينه شي ويستقعد لك هههههه......هههههه
ياتدهن سيره يامايعبرك ابد بس مايمنع لو عطيته اكل او مبلغ بسيط واحتسبها صدقه اقلها ينتبه لك...
وفيه شي لابد تاخذونه بعين الاعتبار من باب السيفتي بعض اصانصيرات مصر نكبة قولوا لي كيف.... بعض الاصانصيرات يفتح الباب ومافيه اصنصير يعني انتبه اذا فتحت الباب لاتحدر بالدور الارض طيران...اسمله عليكم
جعل مايجيكم شر... بس واحد من الشباب صارت له..بس ماصار له شي بس انكسرت رجله وحطوا بها اصياخ وجبهته صار فيها شمخ مستديم ويده ملفوفه من ثلاث شهور بس مثل ماقلت لكم ماصار له شي هههههههه
وانتبهوا ايضا من بعض الحيوانات مثل القطط والفئران والبعوض وخاصة البعوض غريب مره.... تضربها تطالعك بغضب واتقولك اصلا مايعوووور هههههههه بعوض غريب لسعته تخليك تتذكر ايام المراهقه تطلع لك حب شباب... يعني لابد تشوف شقه فيها النظافه باينه...
ايضا افضل عدم استخدام المفارش او البطانيات الموجوده... حبذا الله اعجبتني حبذا .... معليش ممكن اعيدها.. ههههههه
حبذا تجيبون اشيائكم معكم وخاصة الشخصيه.... وايضا لابد من معرفة كيفية تشغيل السخانه اللي بالغاز والفرن اللي هو البوتاجاز وكل شي
ودائما وانتم بالشقه تخلون المفتاح بوسط الباب وشووووله تشيلونه خلوووه علشان مايدخل عليكم احد يعني تخيل وانت نايم البواب يصحيك واتقوم فااااااز واتقول بسم الله وتسئله... انت انت انت انت مين ملائكه العذاب ههههههههههههههههه
مع اني افضل وبقوة السكن بالفنادق... ليس تباهي بس اضمن واحسن واريح نفسيا الا اذا كنتم راعين طبخ ونفخ وانتم كثير فالشقه احسن...وارخص
وبقولكم شئ اذا رحتوا تستاجرون شقه وانتم كثير لاتروحون كلكم بس يروح اثنين علشان مايضربونكم بالسعر والسواق لاينزل مثل ماتفقنا مهما كانت الاسباب.....اقضبووووووه يعني امسكوووووه
فيه شي بالقاهرة مهم جدا ولابد يؤخذ بالحسبان وخاصة هالايام هذي لاتمشي في نافذ او مكان مظلم....واي احد يجيك يبي يحول لك عمله لاتكلمه ولاتلتفت له
ولا تغلط عليه ابتسم وشكرا وبس... لاتسوي قوي وشرس واتقوله طس ولا تتفوه بكلمة نابيه ياغريب خلك اديب هههههههههه الابتسامه وكلمة شكرا تنجيك من اي شي بعد الله سبحانه..حسن الخلق حتى عند الاساءة...
واذا جيت تحول عمله لاتحول من المطار او الفندق تراهم غاليين وسعرهم يحبطك....
المشكله حتى الاسعار في اماكن الصرافه تختلف
بس فيه فيه واحد بجنب فندق اطلس بشارع جامعه الدول بالضبط يخاف الله وسعره ممتاز ويصرف لك بسعر ترتاح له غير الثانيين اللي تتفاوت اسعارهم ...
ونصيحه مو تعد فلوسك وانت ماشي او تحط فلوسك بجيبك وانت ماشي بالشارع عد فلوسك وحطها بجيبك داخل مكان الصرافه.... لاتسوي عاد ها اني مليان فلوس.... تراك ان سويتها ماراح يردك الا المطار عووووده ههههههههههه
وانتبه تعطي شحات في شارع جامعه الدول بالذات.... لانك لو عطيت واحد راح تشوف شحاتين ماتدري من وين اطلعوا لك ....ومو بعيده واحد يطلع من جيبك ههههههههههههههه
طبعا ومن الافضل انك تتخلص من المبالغ الكبيره في السيفتي بوكس في الاوتيل او تجبها امسكها لك هههههههههه
لا بجد حاول ماتشيل معك الا اللي يكفيك في يومك فقط والافضل تحدد لك ميزانيه يوميه....وتمشي عليها وراح ترتاح....
المصريين عشريين جدا وودودين جدا جدا وطيبيين جدا يعني مو كل واحد تخونه او تحس انه بيضحك عليك بس الحرص مطلوب... يعني احرص ولا تخون
طبعا انصحك نصيحه لما تحب تسهر في مكان انك تعرف اللي لك واللي عليك واللي راح ينزلك من طلبات ولا تحاول تبين ان عندك فلوس كثيره علشان مايتم ابتزازك او استنزافك.... يعني اذا بتكون بعقلك اوكي بعقلك محد بيضحك عليك... اما اذا حسيت انك بتخربها.... اممممم قبل كل شي اوزن الامور...
فاهمين مايحتاج اوضح.....ههههههههه
وللحديث بقيه المره القادمه راح اقولكم امور عن الاسكندريه....
واتمنى ماعورت راسكم.....
فاصل ونواصل
| توقيع : فالها بقوووة | | سر إنشراح الصدر يا ناس وإعزازه .. الحاجه اللي لغيري بعد ما انجزها
افرح بها فرحة اللي حقق إنجازه .. كني ملكت السما والأرض حايزها | |
|  |
58الاعجاب
العرض المتطور
المواضيع المتشابهه 
