رحلتي الى استراليا اغسطس 2016 ملبورن سيدني قولد كوست - الصفحة 4

ام احمداني · 15-08-2017, 03:31 PM

تقرير رائع

آخـــرفـــرصـــة · 06-09-2016, 01:25 AM

ملبورن تنحب من أول نظرة
و أعتقد أنها تحتاج أكثر من زيارة
زيارة واحدة لا تكفي

روعة وادي يارا و المزارع اللي فيه
هذا لوحده محتاج يوم كامل خاصة أني أحب مزارع

اللاما كثير بتشوفونه في استراليا و نيوزلندا
اذا رحتوا لمنطقة المزارع

تصويرك رائع يا علي وكل صورة احلى من الثانية
متابعين معاك يا عسل

ali pontiac, أبو سعد, توبليرون و 1 آخرون معجبون بهذا.

فارس من خيال · 06-09-2016, 03:40 AM

ماشاء الله التقرير كل جزء أجمل من اللي قبل
والصور رائعه جدا اعجبتني جولة المزارع والمناظر على الطريق رائعه جدا
ليش ماركبت القطار البخاري اعتقد انها تجربة حلوه

تسلم الايادي علاوي ... متابعين

ali pontiac و توبليرون معجبون بهذا.

ali pontiac · 06-09-2016, 11:03 AM

اقتباس : المشاركة الأصلية كتبت بواسطة فارس من خيال

ماشاء الله التقرير كل جزء أجمل من اللي قبل
والصور رائعه جدا اعجبتني جولة المزارع والمناظر على الطريق رائعه جدا
ليش ماركبت القطار البخاري اعتقد انها تجربة حلوه

تسلم الايادي علاوي ... متابعين

بو ركان، ماكنت مهتم له كثير وكنت ابقي اوصل اليارا واقضي فيها وقت اكثر ، وان شاءالله بقية التقرير تعجبك اكثر

فارس من خيال و توبليرون معجبون بهذا.

ali pontiac · 06-09-2016, 02:45 PM

في هذي اليوم و بالتحديد تاريخ 12 اغسطس عملنه check out من الفندق و رجعت السياره الى مكتب Thrifty عبيت خزان السياره تقريبا كامل و رجعت السياره كان عداد البنزين تحت خط الـfull بشي بسيط وخبرتهم بهذي الشي وقالت الموظفه احتمال ينسحب من بطاقتك 7 دولار وفعلا سحبو

اجرائات المطار سلسه، وركبنه الطائره الأيرباص 300-330 التابعه للخطوط الأستراليه العريقه Qantas طاقم الطائره كان كامل من الجنس الناعم، و اعمارهم كانت تقريبا فوق الـ40 الخبره واضحه و حسن الضيافه لا يعلى عليه، الأستراليين جدا ودودين، اثناء تقديم الطعام، المضيفه كانت تسأل زوجتي فقط من بين باقي الركاب هل تريدين اي شي آخر؟ واعطتها علبة ماء،والأبتسامه لا تفارق وجوههم شي بسيط بالنسبنه لنا و لكن يعني الكثير ابد ماحسينه انهم ينظرون للمرأه المتحجبه انهي مختلفه عنهم...الرحله قصيره مدتها ساعه واحده تقريبا

سعر التذكره الواحده 26 دينار بحريني !!

ظهرت علامات سيدني، وسواحلها و نزلنا ، مطارهم الرائع ، والإجراءات بسيطه والشنط لم تتأخر، اخذنه تاكسي ووصلنه الفندق، لاحظت شي ذكره الأخ بو غسان في تقريره، تاكسي المطار يبتدي من 4 دولار وشوي زياده. سعر التوصيل كامل الى الفندق 52.5 دولار

في هذي اللحظه الي اكتب فيها التقرير دخل علي الوالد وعطاني ورقة مخالفة من شركة Thrifty ! السرعه 15 كم/في الساعه !! وسوف يتم سحب مبلغ 66 دولار

SYDNEY

اليوم الأول - يوم الوصول

وصلنه الفندق ، واهوه Travelodge wynyard الفندق قديم اعتقد تم بنائه منتصف الثمانينات حسب تخميني، لكنه مجدد و محافظين على صيانته و نظافته، اللوبي دائما فيه حركه خصوصا مطعم الفندق مزدحم سعر الليله 52.5 دينار بحريني الفندق موقعه ممتاز قريب من The Rocks منطقة حي الصخور ، ومن الجهه الثانيه مشي لمسافة 25 دقيقه خط مستقيم توصل الهايد بارك و مجمع الـ Westfield

الإطلاله من نافذة الفندق

لاحظو نظام الستائر ابواب جراره خشبيه

جدول اليوم فقط اكتشاف المنطقه المحيطه و الأوبرا، الجو معتدل وادفئ من ملبورن

دومينوز بيتزا مقابل الفندق

فندق الفور سيزون

وصلنا

عجبتني المنطقه وايد، وصرت يوميا الصباح ادخلها، في الصباح هيه اجمل،

حي الصخور شوي اكبر مما توقعت

وطلع الجسر وابهرني منظره

المقاهي لا تخلو من الزبائن

احس امشي على خطواتك بو غسان

الماره دائما يتوقفون و يلقون نظره على المعجنات

وصلنه وسط حي الصخور The Rocks center و الصدفه عندهم سوق الجمعه ـ Friday foodie market

معجنات تركيه السعر 10دولار

زاوية العصائر

هذي كان اومليت ياباني على ماعتقد

اطلالة الجسر جميله من كل مكان

سفينة كروز سياحيه متوقفه في منطقة Circular quay

الأوبرا

الـ Circular quay

شفت هذي الطائر الغريب، منتشر بكثره خصوصا في قولد كوست

الأستعراضيين

استعراض السكان الأصليين

هذي المسكين ماعتقد حصل دولار من استعراضه

المكان مزدحم على الآخر يا ترى هل دائما الزحمه بهذي الطريقه !!

شفت هذي الدرج وكان يوصل الى Royal botanic garden وقلت حلو حق اليوم الثاني نزور الحديقه من هذي الدرب

ظلم الوقت ودخل وقت المغرب وصار الجو شوي بارد، رجعنه الفندق نصلي ونلبس شي يناسب الجو و رجعنه نفس المنطقه لإلتقاط الصور الليليه

وهذي نهاية اليوم الأول في سيدني، لحسن الحظ انتهت بطارية الكاميرا على نهاية اليوم

يتبع ،،،،

فارس من خيال, مجدي, فيصل و 2 آخرون معجبون بهذا.

ali pontiac · 06-09-2016, 05:31 PM

SYDNEY

اليوم الثاني

اتوقع هذي اليوم اكثر يوم مشيت فيه فالسفره، بعض الأماكن مخصص لها يوم محدد مثل الـ Darling harbour و السيركولار كواي، لكن غطيتهم كلهم في هذي اليوم هذي الجزء دسم بالصور ، 123 صوره

انطلقنا من الصباح على بركة الله نتمشا رايحين حي الصخور من درب ثاني وشفنه ماكس برينر قريب من الفندق

مواقف ويلسون في كل مكان في الرحله

وصلنه حي الصخور

وصلنه مقهى فرن الخبازين وفطرنه عنده

طمعت وطلبت اشياء اكثر من الي في الصوره اكلت فوق حاجتي، فطيرة اللحم لذيذه، السعر كامل 61دولار

واكملنا المشوار

وسوق الأكل موجود ايضا اليوم من 9 صباحا الى 3 مساء

الدراجه الهوائيه من ايام القرون الوسطى

صورة صباحيه للسيركولار كواي

و الأوبرا في الصباح

صعدنه الدرج الي صورته في اليوم الي قبل رايحين الحديقه Botanic garden

استقبال صباحي بصوت محرك الفورد موستنج

ودخلنه اطراف الحديقه

الأوبرا من زوايا مختلفه

نمشي على زاوية البحر متجهين الى النقطه الي يسمونها mrs macquarie's chair واهيه نقطه مثاليه لإلتقاط صوره الأوبرا مع جسر الهاربور

هذي العالم كلها حق تصور في المكان

وصلنه عند عربه تبيع دونت و قهوه جلسنه شوي واخذت لي قهوه وكان في طيريين جميلين، جذبهم الآسيوي بشي من قطع السكر على ماعتقد، السيده الي كانت تبيع القهوه تقول هالنوع من الطيور يعشق السكر، والأطفال يعطونهم حلويات وسكاكر ، وانه افضل احط لهم تفاح افضل لهم...

واكملنا المشوار على اطراف البحر وجهتنا الهايد بارك

وهذي بركة سباحة Andrew boy وجنبها مقهى اسمه Pool Cafe اطلالته جميله على البركه و البحر

مع المشي و تفصلنه دقائق عن حديقة الهايد بارك وصلنه الى معرض الفنوف Art gallery of New south wales

كنيسة St Mary's Cathedral

يعجبني التصميم المعماري، ولكنه لا يتقارن مع الهندسه المعماريه الإسلاميه في بناء المساجد

وصلنه الهايد بارك واهيه مقابل الكنيسه

هذي الـ Anzac memorial تم الإنتهاء من بنائه في سنة 1934 لتخليد ذكرى العساكر الأستراليين

جلسنا على الكراسي شوي نرتاح و نشوف الأطفال والمتزجلين على الألواح

واصلنا المشي وجهتنه الـ Market Street

هذي الطيب يقول شعر بـ 4دولار

شطرنج حجم XXL

برج مجمع الـ Westfield

الشارع يضم اشهر الماركات العالميه

دخلنه المجمع شوي نلقي نظره

المكان حيوي جدا و ممتع

ماركة UGG الأستراليه الشهيره للأحذيه

شفت هذي البنايه وتوقعتها Victoria Building

من الداخل ذكرني بالـ Block arcade

وهذي مبنى Queen Victoria building

جميل و مرتب

الساعه العجيبه

واختفت زوجتي و عرفت انهي دخلت احد المحلات، وقلت اخذ كم صوره على ماترجع

و خرجنا واتفقنه نروح الـ Darling harbour لأنه وصلنه قريب منه مسافة عشر دقائق مشي

وصلنا

وجلسنا على الكراسي وصار الجو معتدل مائل للحراره بشي بسيط، المكان حيوي وجدا حلو للعوائل، تحتار من وين بسبب كثرة المطاعم و اختيارات متعدده و متنوعه، ومازال في المنطقه اعمال إنشائيه لبناء فنادق في المنطقه

هذي صورة Harbour side shopping centre

هذي الجزء اسمه Cockle Bay Wharf

يوم كنه في الفندق اخذنه بعض الكتيبات السياحيه الموجوده في اللوبي، وعجبنه شي واهوه Chinese garden of friendship و مكانه في الدارلنق ، وتوجهنه له

وصلنا الحديقه الصينيه

ودخلناها، رسوم الدخول 6دولار للشخص

المكان جميل ويستحق الزياره

شفت هذي الأخت و توقعت انهي من العاملين في الحديقه

اتضح انه في الحديقه تقدر تلبس الزي الصيني التقليدي بسعر 10دولار وياخذون لك صور في المكان وتتمشى فيه على راحتك وترجع لهم وقت الي تنتهي منه

امبراطور الصين

اخذنا بعض الصور التذكاريه وصارت الساعه 5:00 مساء واهوه وقت اغلاق الحديقه الصينيه، خرجنا وتوجهنا الى الدارلنق نتمشى فيه

انظف طيور نورس شفتهم في استراليا

دخلنه السنتر وفي اختيارات متعدده من المطعم مثل ماكدونالدز و غيره واشياء متنوعه من الأكل العربي و الهندي

هذي السفن واقفه جنب متحف Australian National Maritime Museum كنت ابي ادخله لكن يغلق ابوابه الساعه 5:00 مساء

جسر المشاة Pyrmont bridge

تصوير من فوق الجسر

نزلنه مره ثانيه و محتارين من وين ناكل، و صار الأختيار على البيتزا

سينما IMAX

دخلنه هذي المطعم واستمتعنه في البيزا كانت جدا لذيذه السعر 34دولار

وخلاص قررنه نرجع الفندق بعد يوم طوييل من المشي

قبل لا نسافر و بالصدفه شفت في الأنستقرام افتتاح فرع محل الجيز كيك الياباني اسمه Uncle Tetsu's اعتقد فتح بأسبوع قبل السفره ، وافضل مافي الموضوع صاير على درب العوده للفندق

وصلنه عنده والمكان عليه زحمه وطابور في الشارع

اخذنه وحده معانه للفندق تجربه وكان سعرها 18دولار

وهذي صورة Sydney town hall

وصلنا لافندق بعد يوم طويل صلينا واكلنا الجيز كيك الياباني، طعمه كأنه بيض مخفوق مع عسل لا بأس فيه، ولكن واحده صغيره تكفي لنهي شوي ثقيله.......

نهاية اليوم الثاني

يتبع,,,,,,,

نبضة ملائكية, فارس من خيال, مجدي و 5 آخرون معجبون بهذا.

ali pontiac · 08-09-2016, 03:53 PM

SYDNEY

اليوم الثالث

اليوم الثالث كان عندنه تور مع شركة Grey line ، التور الي حجزناه اهوه Blue Mountains Tour & Wildlife Experience رحلة للجبل الأزرق ومن ضمن الرحله محمية الحيوانات البريه، و الرجوع عن طريق الفيري.

سعر الحجز للشخص 149 دولار اثناء الحجز يوجد اختيار Priority seating بمبلغ 15 دولار للكراسي الأماميه في الباص و الأستمتاع بالمنظار في الطريق

الموقع الإلكتروني
V
V
V
Blue Mountains Tour & Wildlife Experience - Gray Line

انطلقنا من الصباح الى نقطة التجمع وهيه عند فندق راديسون الي يبعد عن فندقنا مسافة 7 دقائق مشي، وصل الباص وتم توزيع التذاكر، تذاكر التور ـ وتذاكر كراسي الباص الثاني واخذنا الباص للنقطه الثانيه بالضبط عند الدارلنق هاربر لركوب الباص الثاني ، الباص جديد و نظيف وفيه واي فاي، وجلسنه في افضل مكان في المقدمه من الطابق الثاني

الي لابس الأحمر سائق و مرشد الرحله ، اسمه ستيفن

جسر الهاربور

يستغرق إعادة صبغ الجسر 4 سنوات فقط لجهه واحده!! وبعد الأنتهاء من صبغ الجهه الثانيه الي تستغرق 4 سنوات اخرى يرجعون ببدأ الصبغ مره ثانيه و الحركه مستمره

وبعد ساعه تقريبا توقفنه للإفطار في منطقه اسمها Leura

و دخلنا هذي المقهى، وافطرنا فيه

كانت فترة التوقف 20 دقيقه فقط، وكان المرشد دقيق على وقته وقبل النزول قال بنتحرك بعد 20 دقيقه الي فاته الباص يركب التاكسي ويروح مكتب الإستعلامات في الجبل الأزرق وبشوفني هناك !!، وكان فعلا دقيق على وقته

كاتومبا اسم المنطقه الي فيه الجبل الأزرق

وصلنا هناك، واسم الشركه الي تدير المكان اسمها Scenic world

ركبنا التلفريك

التلفريك يوصل للـ Scenic world
المكان فيه مقهى على اطلاله رائعه فوق الجبل محل هدايا ,ومرافق ثانيه ولكن ماخذت صور للمكان

ومن هناك تنزلون، تحت الوادي اما عن اطريق الدرج او عن طريق ركوبه جدا ممتع، ولكن له تذكرته غير شاملة التور ، وشريناها بسعر 78 دولار للشخص

هذي الصخرات اسمهم الأخوات الثلاث Three sisters

صور من تحت الجبل والتجول في الوادي

وخرجنا من Scenic world واخذنا الباص الى هذي النقطه

الثلاث اخوات من جهه ثانيه

عدد كبير من السياح

قبل دقائق كنا هناك

احد الماطعم في المنقطه

مركز الزوار وفيه اوقات للعروض ، الباص يتحرك من Scenic world الساعه 12:45 والساعه 1:00 بعد الضهر، و يوصل هذي النقطه، الي ركبو الباص في الفتره الأولى دخلو العرض وهوه من ضمن التور، لكن احنا اخذنه وقت اكثر في الجبل

انتهينا من جولتنه في كاتومبا والجبل الأزرق وصعدنا الباص واتجهه فينا الى محمية الحيوانات و الطيور Feather wildlife park

وصلنا المحميه

حزين ويبقي احد احد يشكي له الحال

هذي الحيوان اسمه الشيطان التازماني الي له شخصيه كرتونيه اسمها Taz

مكيف مزاجه على الآخر

الأم تلعب مع عيالها، هذي ذئاب من فصيله اسمها Dingo

انتهينه من الجوله في المحميه ونزلنا في عند هذي الرصيف البحري وركبنا الفيري و نزلنا عن السيركولار كواي، وانتهى التور

يوم وصلنه السيركولار كواي، توجهنا لمطعم هندي اسمه Spice room المطعم دخلناه اول يوم لنا في سيدني ولكن كان مزدحم وكل الطاولات محجوزين، هالمره نشوف الحظ لعل وعسى فيه طاولات فاضيه ، دخلناه وايضا مزدحم، وقالو لنا في طاوله فاضيه بعد ساعه ونصف ، على طول حجزناها ورجعنا الفندق نصلي ونرتاح شوي

ورجعنه للمطعم من طريق حي الصخور، في الليل المكان مافيه بشر كأنه مدينة اشباح

وهذي المطعم

الأكل لذيذ ولكن ماكان حار على المستوى المطلوب، اعتقد الأستراليين مايشدون البهارات الحاره

وهذي نهاية اليوم الثالث

يتبع،،،،،،،

نبضة ملائكية, درجه سياحيه, فارس من خيال و 5 آخرون معجبون بهذا.

نبضة ملائكية · 08-09-2016, 04:18 PM

ما شاء الله تقرير جميل و مفصل��
رجعت لنا الذكريات الحلوة كنا هناك في العيد و الحمد لله كانت سفرة موفقة
و أبوغسان ما قصر معنا و كان طالب مني تقرير بس و الله الصور أكثرها شخصية و غير أني لست من هواة التصوير��
زوجي صور بس للحين الصور ما نزلتهم عندي و لا أدري أن كانت تصلح لتقرير خصوصا أني ناسية التفاصيل!
ما اتوقع بيطلع مثل جمال تقاريركم
متابعين بحماس واصل.. تقرير جميل و متكامل ��

فارس من خيال, ali pontiac, مجدي و 4 آخرون معجبون بهذا.

albarood · 09-09-2016, 11:51 AM

لم تكن كافيهات هنا في عام 2007!
المنطقة لم تتغير كثيرا باستثاء الزحام الذي اصبح كثيرا!

مجدي, آخـــرفـــرصـــة, فيصل و 1 آخرون معجبون بهذا.

درجه سياحيه · 09-09-2016, 09:40 PM

مستمتع جدا في طرح تجربتك

احييك على الأسلوب عيشتنا اللحظه

ali pontiac, مجدي, آخـــرفـــرصـــة و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير PDF سياحي شامل لمدن سيدني وجولد كوست وملبورن	عبدالله الحمودي	بوابة استراليا ونيوزلندا	15	28-01-2020 11:07 AM
متاهة Infinity الممتعة (قولد كوست)	زهرة نيسان	بوابة استراليا ونيوزلندا	27	15-04-2015 07:40 AM
استئجار سيارة في قولد كوست وبرزبن	قوسي	بوابة استراليا ونيوزلندا	2	10-04-2015 08:15 AM
شهر سيحاحة في قولد كوست؟ رايكم	ابو عبدالله1	بوابة استراليا ونيوزلندا	7	20-02-2015 01:39 PM