|
![]() | #1 |
مسافر جديد ![]() تاريخ التسجيل : Jan 2015 رقم العضوية : 1228 الدولة : السعودية الجنس : ذكر المشاركات : 74 | ![]()
المغادرة لبينانج ... على جزئين .اسعد الله أوقاتكم بكل خير نكمل اليوم احداث الرحلة والتوجة الى بينانج إمكن هالجزء يعتبر الأطول لأن بينانج كلامي عنها يطول بينانج جزيرة لها معزة خاصة عندي منذ أول زيارة لي عام 2007 وما أتخيل نفسي اروح ماليزيا وما أزورها تجيني نفاضة الله يدفع البلا ![]() ![]() اصبحنا في ايبوه واخر يوم فيها افطرنا وسنعت دلتي وتقهويت وعينت خير من ربي زهبنا الشناط... وحملتها في السيارة وجهزت الوجهه في برنامج ويز وتوكلت على الله الطريق كان سالك وما فيه اي اشكالية وروعة السفر صباحا في منظر من الخضرة والجمال حولك والاجواء الرائعة كان ودنا الطريق يطول من جمالة.. عيالي مستانسين تصوير وشيلات واناشيد ولا سواق تكسي يغثك ولامطارات تتعبك عفش وانتظار وزحمة .. ![]() ![]() ![]() ![]() لزوووم الطريق ![]() ![]() ![]() ![]() ![]() ![]() ![]() ![]() ![]() ![]() ![]() ![]() المهم بعد حوالي 180 كيلو بدت تظهر معالم بينانج وأول مرة اجيها برا بالعادة طيران كان في بالي جسر بينانج الشهير ومتحمس اوصله وخصوصا ان البرنامج يعطي أني لازم أمر عليه للوصول الى الجزيرة ثم إلى باتوفرينجي .. ![]() ![]() ![]() ![]() ![]() ![]() ![]() ![]() كان وصولنا للجزيرة الساعة 12.30 ظهرا وكان فيه شوي زحمة خصوصا الطريق الرئيسي المؤدي للشاطئ لكن سهالات ولله الحمد ![]() ![]() ![]() ![]() ![]() ![]() لين وصلنا لمنتجع قولدن ساندس (حبيب القلب) ![]() ![]() ![]() دخلونا للاستقبال الداخلي يعنني vip وهي صالة مكيفة بجانب الاستقبال الرئيسي مافي فرق الحقيقة غير عصير صناعي وجلسة مكيفة لو خلوني برى احسن من هالهياط عطلونا عشان قدامي قروب مدري منين جاي هذا مكان الاستقبال العام ![]() ![]() ![]() وهذا استقبال ال vip ![]() ![]() كان فيه واحد اعتقد مصري أو يمني اسمه عبدالله العام الماضي واللي قبلة لكن هالمرة لقيت سوري اسمه عمر بدالة يساعدون في اللغة والترجمة والاسئلة والاستفسارات ولو انك ماتحتاجهم كثير لكن سبحان الله يمكن يحصل شي أو شي .. كان الحجز فيه جناح مطل على البحر لمدة 9 ليالي مع الافطار انا والزوجة ولكنهم ضمو الاولاد لنا بدون مقابل انهينا الاجراءات وتوجهنا للجناح وطلبت يكون نفس جناح العام اللي بالدور الخامس لكن قالوا مشغول لكن نعطيك نفسه بالدور الرابع دخلنا الجناح واسع ومريح بالنسبة للي معاه أطفال مثلي ( غرفة نوم أساسية مع حمامها وغرفة ثانية جلوس مع مكتب ![]() ![]() وفيها سرير إضافي وبعد بحمام وأنتم بكرامة وبلكونة كبيرة مطلة على البحر والمسابح ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() بعدها طلبوا العيال النزول للمسابح لكن قلنا أول نتغدا وغداء سريع من ماك المقابل للفندق (ميزة انه مقابل لك حذفة حصاة ماتعوق).. بمجرد ماتخرج من بوابة الفندق بالواجهة ![]() بعدها للمسابح هجوووم أولهم أنا وأخرنا ابو 3 سنين .. ![]() ![]() ![]() ![]() ![]() ![]() في هالوقت حسيت اني ماش معي قل صح اصلن انا جاي لماليزيا وكان معي تعب في صدري وكحة شديدة وزادت علي في هاليوم وكان لازم اني اروح لمستشفى او عيادة وياشين انك تتعب أو تمرض في السفر أو اي احد معك من أفراد الرحلة. سألت في الاستقبال عن أقرب مستشفى أو مستوصف قالوا لي عندنا عيادة طبية موجودة في الفندق مايحتاج تروح لاي مكان ومجهزه هي تفتح من 7 صباحا لين 5 عصرأ لكن الدكتور مايجي الا من 2 الى 4 العصر وباقي الوقت تكون موجودة الممرضة تقوم باللازم لو كان الحالة بسيطة أو مستعجلة .. ناظرت الساعة واذا هي 4.30 عصرا قلت خيرة بكرة نراجعهم الامر سهل ان شاءالله. ثاني يوم كان موعد تسليم السيارة للأسف ... وكان لازم اروح للمطار اسلمها في مكتب هرتز عبيت بنزين فل لاني اخذتها فل ووصلت المطار الساعة 11.30 وموعد التسليم الساعة 10 لكنهم حليلين ماقالوا شي الأجراءات سهله وبلغوني ان التأمين راح يرجع للبطاقة بعد شهر وهو ماحصل فعلا وكلمت البنك قالوا هذا اجراء عادي جدا.. خذيت تكسي ورجعت للفندق رحت للعيادة كان باقي 30 دقيقة على وصول الدكتور لقيت ممرضة ماليزية عجيز الله يسعدها مسلمة سولفت انا وهي وجابت لي الحيين والميتين سواليييف كانت تشتكي بعض الاحيان من بعض تصرفات العرب وعدم حرصهم على عاداتهم وتقاليدهم وعدم محافظتم على الصلاة اعوذ بالله فهمتها انهم قلة قليلة جدأ لايجب ان تحكم على الكل وأننا لسنا ملائكة فهناك نماذج مشرفة جدا للاسلام والعادات والتقاليد وهناك غير ذلك كان حلمها تحج الله يكتب لها حج بيت الله يارب ولكل مسلم.. المهم وصل الدكتور (هندوسي) لكنه شاطر كشف علي وقال عندي اللتهاب في صدري واحتاج مضاد حيوي وشراب كحة وجلسة بخار لمدة 3 ايام كل هذا كلفني 300 رنقت .. ماليزيا لا تختلف في اسعار العلاجات والادوية عن السعودية ومستشفياتهم الحكومية كشفهم بسعر رمزي وزحمة يمكن يجيك الدور أو لا حسب كلامهم طبعا لم اجرب والله لايكتبها عليكم ولا علينا وللامانه 3 ايام والممرضة تتصل على الغرفة وتطمن على صحتي . بعد العيادة رجعت للغرفة ومستغرب العيال وامهم كل شوي متصلين وينك ومتى توصل ماهي العادة ووصلت وعرفت السبب الفندق مسوين احتفالية خاصة لي بمناسبة عيد ميلادي جايبين كيكة وعصيرات وبطاقة جميلة ![]() ![]() كاتبين فيها عبارات لطيفة وتهنئه لي بهالمناسبة وانا والله ماعلمتهم بالتاريخ لكن يبدو انهم شافوه من الجواز سبق وان (اسكوت) في كوالالمبور العام الماضي سوو لي احتفالية علبة شوكولاته وبطاقة تهنئه لكن قولدن ساندس كانو اطلق. فدعنا بالكيكة انا وعيالي وكملنا على المسابح مسابح الأطفال تقفل الساعه 6 نظامنا اليومي بعد هالوقت ناخذ دلة القهوة والحلى وعلى الشاطئ وجلسة لين المغرب ![]() كل الاماكن والحدائق في بينانج زرتها في زياراتي السابقة لها لذا قررنا تكون اقامتنا فقط للراحة والاستجمام وكل يومين ننزل لسوق قرني بلازا نتغدى ونتسوق نروح بالباص ونرجع بالباص وهذي عادتي في بينانج لا استخدم التاكسي الا في اضيق الحدود. محطة الباص أمام بوابة الفندق ( ماأقولكم كل شئ حول الفندق ) ![]() ![]() عيالي شايفينها متعه ركوب الباص ماعمرهم جربوها بديرتهم الله يديم النعمة على بلادنا عادة يكون الباص مزدحم في الرجوع يمكن لاني ارجع بعد الظهر وهووقت ذروة لاني اشوف طلاب المدارس يركبون الباص معنا. لكن مايخالف تجربة ممتعة . ![]() ![]() ![]() ![]() ![]() ![]() ![]() نظام يومنا المعتادكالتالي : نصحى الساعة 7 وعلى مانجهز وننزل للفطور 7 ونص روقان نحاول نتحاشى الزحمة اللي تكون عادة من 9 إلى 10 فطورهم منوع ويناسبنا كخليجيين وخدمتهم رائعة الكل مبتسم وخدوم فطور القولدن ساندس هو ثاني اجمل فطور بعد الصن واي لاقون ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() نهاية الجزء الأول من زيارة بينانج . .
|
![]() |
| |
![]() | ||||
الموضوع | كاتب الموضوع | المنتدى | مشاركات | آخر مشاركة |
وجهتي القادمة الى أوربا .. خططو معي | سكوب | البوابة السياحية | 5 | 11-08-2016 02:40 AM |
أنتم من تحددون وجهتي ,, يالله اقلطوا | الانيق | البوابة السياحية | 11 | 02-05-2016 02:08 AM |
محتاااااره احدد وجهتي | abrar11920 | البوابة السياحية | 16 | 25-11-2015 07:19 PM |