الغرفه والجناح حلوين شكراا للفيديو
وحلوو الفن على المباني
متابعين معاك للآخر بومشاري

تقرير رائع وفي وقته بالنسبه لي

بحكم اني قريب بكون فيها وكانت عندي استفسارات كثيره وقل عددها بعد زيارة هذا التقرير الرائع حقيقه ..

عوافي ابو مشاري ..

بريستول جميلة وتصويرك زادها حلا يا بومشاري
هذي جامعة بريستول واغلب الطلبه يدرسون فيها ميديا

القعده على الرصيف في الكافيهات ولا اروع
منطقة السوق وايد حلوه
ترا مو بعيده عن كارديف [emoji854] خمسه واربعين دقيقه بالقطار
تسلم الايادي ومازلنا متابعين


Sent from my iPhone using Tapatalk

اكملنا جولتنا بالسوق









وكان الانطباع المبدئي للسوق مرضي جدا

حل الظلام وطلب مشاري ان العشاء يكون بمطعم فرايديز

المحل كان زحمة وناخذ رقم انتظار وبعد تقريبا 15-20 دقيقة
فضت طاولة وكانت بزاوية المطعم ومرتفه وكاشفة لكل من في الطعم يعني كان المكان حلو جدا

قلت لمشاري انت تفاهم معهم واطلب اهم شي يكون طلبي دجاج
انتم بكفيفكم









بعد العشاء خرجنا ومعظم المحلات اغلقت
واحنا بالطريق نزل المطر واجواء روعه

قلنا بكره باذن الله الصباح بعد الفطور موعدنا السوق

ومن اصبحنا بدري علشان مشاري يفطر معنا ونجلس جلسة
مع بعض قبل لايروح المعهد واخر يوم له بالمعهد





















وقت ماكنا نفطر نشوف كم واحد ينزل يفطر ولابسين بدل رسمية
ومعظمهم معهم علب بلاستيك فاضية
اذا خلص يعبي علبته فطاير ومعجنات ويخرج













بعد الفطور انطلقنا للسوق
والجو كالمعتاد روعه



هنا كل ماشفت هالصورة اقول الحمد لله اني ما تهورت
احسبها كور وكنت بشوتها وبالاخير صارت صبة خرسانية للجلوس





واول محل نصيناه كان دبنهامز بس مافتح قلنا بريماك فاتح اجل لين يفتح دبنهامز وخصوصا ان داخله بالدور الرابع
محلي الرياضي سبورت دايركت





صورة من داخل دبنهامز





وهذا محل ابو واحد باوند المقابل لدبنهامز
كبير المحل



ام مشاري اخذت راحتها ببريمارك ودبنهامز
وبحكم انه اخر يوم لها قامت تخم من الهدايا واغراض لها

وابومشاري راح ياخذ لفة بالسوق
وقبلها رجعت ولدنا الصغير للفندق لان عدوة شي اسمه سوق






هنا تمنيت ان العائلة مجتمعه معي
محل العاب عائلي جميل قولف وفرفيرة







اكملت طريقي ونظره من فوق





على العصرية رجعنا للفندق وقلنا نبي نروح للجسر المعلق حقهم






يتبع...

ايام الدراسه يا بومشاري كنت ازورها بحكم اني ادرس في كارديف وقريبه مني

ياسلام جزء حلوو وماشاءالله يوم تسوق
عوافي فرايديز والريوق


Sent from my iPhone using Tapatalk

الله يعطيك العافيه

على العصرية قلنا نبي نروح للجسر
واسال المكتب اللي بالميناء ووصفوا لي مكان الباصات
وكان باصين اللي يروحون للجسر
من ضمنها اللي اتذكره رقم 8



لما وصلت قالوا لا مش من هنا تاخذ الباص
هنا اللي يرجع
رح خذه من المحطة اللي قدام الماريوت
وبالفعل وقفنا وجاء الباص قال الباص الاول اعتقد انه رقم 2
قال خذ الباص اللي بعدي
وصل باص 8



وهب العالم فوق بعض زحمة ولا قدرنا نركب
قلت اطلب اوبر يابومشاري
وبالفعل طلبته شوي وهو محضر
واعطية اسم الجسر Suspension

ونزلنا التاكسي هنا وقال انصحك تنزل هنا علشان ما يحسب عليك زيادة بالسعر
لانه اذا طلعت فوق بناخذ لفة
لكن اذا نزلت هنا خطوات بسيطة
وبالفعل كان كلامة صحيح
ولا عرف كيف يوقف الطلب وشكله الغاة وقال باخذ منك
6 باوند
وكنت وقتها مراقب العداد وبالفعل اعتقد انه اخذ اقل من تسعيرته



حوالين الجسر مناطق جلوس











نبذه عن الجسر قبل عبورك له
طبعا عبور السيارات عليها رسوم























































المشوار لم يعجبني ولا فية شي مميز او شي يستحق العنوة

حان وقت الغروب واريد العودة للفندق
هنا حصل لنا موقف من سائق تاكسي
قهرني والمصيبة انه طلع يتكلم عربي واسمة محمد
من جنوب افريقيا

طلبت اوبر من نفس المكان اللي نزلنا فيه هنا



اشوف السيارة قريبه مني ويمر من عندنا ولا اعرف سيارته
لان سيارات الاوبر سيارات عادية
وحسب تتبع السيارة يمر من عندي ويتعداني
ويتصل فيني على رقمي السعودي لاني مثبت اوبر على جوالي السعودي
ويحسب على مكالمة دولية
واحاول ادق عيه من الجوال البريطاني يقول غير صحيح
المهم على هذاا لحال
وبعد 24 دقيقة اكنسل الطلب وللاسف يخصمون علي
4 باوند رسوم الالغاء اذا تجاوز الطلب 4 دقائق

قلت لام مشالاي والولد مشينا لاقرب محطة باص
واشغل قوقل ماب
وكانت تبعد عنا تقريبا 10 دقائق
والحمد ركبنا وكان اخر باص يمر بهذا الوقت
وبكم الاجرة كانت 4 باوند لنا جميعا








يتبع ...

التسوق حلووووو يابو مشاري وعليها بالعافيه ام مشاري
المحلات الكبيره تحصل كل شي فيها وهذا اللي يخلينا نمر في كل الاقسام حتى لو مانبي نشتري بس نتفرج ان شاءالله

سايق اوبر هذا يستهبل عليكم
اما الجسر عجبني ليش ما عجبك
المناظر من فوقه جميله وتجربه المشي واحساسك انك معلق شي حلوو
بريستول عجبتنا من تصويرك ماشاءالله مبدع والصور كلها تشوق للمكان
ربي يوفق مشاري بدراسته
متابعين معاكم للآخر