التسوق حلووووو يابو مشاري وعليها بالعافيه ام مشاري
المحلات الكبيره تحصل كل شي فيها وهذا اللي يخلينا نمر في كل الاقسام حتى لو مانبي نشتري بس نتفرج ان شاءالله

سايق اوبر هذا يستهبل عليكم
اما الجسر عجبني ليش ما عجبك
المناظر من فوقه جميله وتجربه المشي واحساسك انك معلق شي حلوو
بريستول عجبتنا من تصويرك ماشاءالله مبدع والصور كلها تشوق للمكان
ربي يوفق مشاري بدراسته
متابعين معاكم للآخر

نزلنا تقريبا بنفس المكان اللي انطلقنا منه

ونشوف ناندوز قلنا ناكل العشاء فيه والمحل فل زحمة
وننتظر تقريبا 5 دقائق ونجد طاولة نجلس

الشباب طلبوا قالوا هذه المرة نبي نضيف رز
وكان الحساب فوق الاربعينات باوند
والصورة بالمطعم اخذتها وكاني اصور الديكور
لاعتقادي ان تصوير الاشخاص عندهم جريمة
رايت مقاطع كثيرة باليوتيوب والاحظ ان التصوير يبتعد عن الاشخاص



وثناء الانتظار تاخر الطلب على غير العادة وامسك اقرب موظفة تمر من عندي
سلامات وين الطلب تاخرتم اعتذرت وتقول شوي ويجي

ولحظات واقول للعائلة اشم ريحة حرق عشانا انحرق
واقل من خمس دقايق
الا الدخاااااان بكل المحل واسال قالوا ان احدى مراوح الشفط
اختربت وصار الدخان مايخرج للخارج

هنا العالم انسحبت من المحل والطاولة اللي ورانا كانوا حريم ثنتين كبار بالسن
ماخلصوا اكلهم طلعوا برا المحل واخذوا نصف فلوسهم

ام مشاري هنا دخلت بحالة ضحك هستيري
على ابومشاري
تقول اطلع العالم كلهم طلعوا الا انت
وابومشاري ولا كانه صار شي متكي على الكرسي وفارش ايدينه

ووقتها ام مشاري اخذت جوالها وتصور الموقف وتضحك

شوي ويجي رئيسهم ويقول اسفين ويعتذر
خاف من ام مشاري يحسبها تصور بتشتكيهم
هذا توقعنا

قلت طيب عطونا قروشنا خلونا نروح
قالوا نصف طلبك جاهز ما يصير تروح وتخليه
وبنفس الوقت قالوا لاتخاف فلوسك بترجع كاملة لك
والطلب اللي جهز لكم ببلاش

وهذا الاكل اللي اكلناه ببلاش



وهنا واحنا ناكل جابوا الفلوس
المضحك انهم مرجعين لنا فلوس اكثر من اللي دفعناه



اكلنا وانبسطنا وضحكنا من الموقف

هنا المحل بعد ماخرجنا وفاكين كل الشبابيك والباب
وطاولتنا كانت اول شباك من اليسار



بالطريق للفندق وقفت ام مشاري وولدها عند محل يبع رز ومكرونه
بطريقة جميلة وكانها صينية
اكل الولد الصغير بالمحل



وصلنا الفندق وكان من الغد يوم المغادرة



بالصباح نزلنا للافطار
وبعدها عمل التشيك اوت
وكنت حاجز تاكسي الى المطار وقت المغادرة حسب الاتفاق مع الشركة 9.45 صباحا
تعاملت معهم بالقدوم والمغادرة
اسعارهم ممتازة وعلى الموعد

expressairporttransport

وبالفعل لما نزلت الساعه 9.40 وجدته واقف عند باب الفندق
وسالته كم لك قال تقريبا 10 دقائق
واسالة لية ما طلبتني يقول فعلت ولكن الفندق رفض
يقول هو على وشك الخروج انتظر













انطلقنا ولله الحمد بفضل من الله ورحمته
ومتفقين مسبقا مع مشاري يقابلنا بالمطار
لان المعهد راح يوصلونه للمطار

الجو طبعا اليم لابومشاري
اعشق هذه الاجواء



















وصلنا بوقت مبكر للمطار قلت فرصة نمر التاكس
وزحمة غير طبيعية
وفوق الزحمة غلطت غلطة كبيرة اخرتني تقريبا ساعه
ماعبيت النماذج وهذا بسبب جهل مني
طبعا يوجد موظفين عرب وللاسف ما يبلغون الجميع
كثير ناس تاخرت والسبب هو عدم تعبئة النموذج قبل الوصول
لموظف المطار
والتصوير هنا تعتبر جريمة
ممنوع التصوير
ومسكوا صيني بغوا يصادرون الكاميرا
بس كانوا قروب وتساهلوا معه
طبعا ما خلو الصور امسحوها

خلصنا وبالاخير يقول الموظف مافيه ريالات سعودية
بنحولها لك على البطاقة
طبعا اللي يسوي هذه الحركة يعتبر خسران كثير
التاكس بيرجع ناقص 8%
تحويل البنك من الباوند للدولار للريال شف كم بيخصم عليك

انتهينا وبسرعه نلحق نشحن العفش
وبالأخير تتاخر الطيارة عن موعد اقلاعها كالعادة
تاخرنا ساعه





بعد تاخير ساعه عن الاقلاع اعلنوا الصعود للطائرة



تشوف الجو ودك ترجع





وخط الرحلة وبحكم ان الرحلة تاخرت وكان الترانزيت ساعه وربع
من وصلنا للدوحه الا العالم من هنا الرياض
يعني من باب الطائر الى باب الطائرة الثانية











وفووووق هام السحب













وللامانة وجبة الاكل هذه المرة كانت حلوة واعجبتني







اختم التقرير بلحظات اقلاع الطائرة من مطار هيثرو



بهذا اختم تقرير الرحلة
واعتذر عن تاخيري بانهاء التقرير

شاكر ومقدر لكم جميعا على تشجيعكم ورفع المعنوية
وتقييمكم للموضوع بخمس نجوم

دمتم بحفظ الرحمن

الله ستر من ناندوز
وعليكم بالعافيه
وزين سويت للتاكس فري
ماشاءالله بومشاري أمتعتنا في هالتقرير صج انك طولت بس كان وايد حلو من سرد وصور وتفاصيل
قواك الله وان شاءالله نشوف تقارير اكثر منك [emoji1360][emoji1362][emoji253][emoji253]


Sent from my iPhone using Tapatalk

يعطيك العافيه يابو مشاري
نتيجة الدخان وجبه على حسابهم وفوقها زياده تمام عليكم بالعافيه
التاكس فري لازم تملأ الوصولات قبل ماتروح المطار وزين انك كتبتهم هناك
انا اول سنه رحت جمعت الفواتير بس ماعرفت شسالفه وراحت علينا بعدين تعلمنا

والحمدلله اني استفدت من التقرير وايد معلومات وصور جميله
مانقدر نصور مثلها
كانت جوله بريطانيه رائعه
ربي يرزقكم رحله احلى واحلى بعد علشان نستفيد من التقرير
قواك الله

جزاك الله خيرا

جزاك الله خيرا