الاثنين 5-9-2016 م
استيقضنا مبكرا وتناولنا إفطارنا بالفندق وتوكلنا على الله
بإتجاه محافظة معان والبتراء ( مدينة وادي موسى )
وكانت النفسية عال العال الحمد لله
ورايحين نشوف البتراء إللي ما حلمنا كثير بشوفتها يوم
كنا ندرسها بالمناهج الدراسية ومن البرامج الوثائقية
اللي كنا نشوفها بالتلفزيون
الطريق كان سالك وكان ممتع جدا وآمن والخدمات
من كل جانب وصحيح إن المنطقة صحراوية لكن لكثرة
الخدمات ماتشعر أبدا باي وحشة ولله الحمد
وصلنا واستلمنا غرفتنا بفندق ليالي البتراء وكان الفندق
محترم جدا ومدير الفندق في قمة الأدب والتعاون
الله يجزاه كل خير وطلبنا وجبة غداء من خدمة الغرف
عبارة عن شاورما وأحضروها لنا في وقت قياسي
صورت بإتجاه البتراء من نافذة الفندق
طبعا لاحظوا كيف تغير لون تربة الجبل فاللون الداكن
هي البتراء وأقرب ماتكون للون الوردي
وعشان كذا سموها المدينة الوردية
ساحة الزوار فيها خدمات وبعض المحلات البسيطة
ودورات مياه ومطعم وفيها شباك التذاكر
سعر التذكرة للفرد 1 دينار فقط في النهار بينما
في الليل سعر التذكرة 17 دينار عشان تشاهد
الشموع والبتراء ليلا ونحنا اخذنا الثنتين
هذي عربة خيل وفيه خيل بدون عربة ونحنا فضلنا
نركب عربة عشان ماحنا خيالين أصلا لأنه ضربنا
بحسابنا لإنه بالليل مافي عربات ولازم تدقها مشي
على رجلك وقلنا نوفر الجهد في الليل
سعر العربة 10 دينار رايح و10 دينار راجع
وقال لنا سواق العربة لازم 5 دينار أتعاب كبخشيش
من البداية وقلنا له حاضر أهم شيئ تكون مبسوط
وحنا مبسوطين
( جزء من الشعب ماديا شوي
محتاجين وعشان كذا بكل حبية أحيانا تفك يدك وتكرم الناس )
الخيل هذا راح يقطع بك ممر طويل اسمه السيق
وهو ممر بين جبلين وزي ماشايفين بالصورة
يبدو إنه صدع زلزال لجبل فأنفلق فلقتين
اول ماينتهي السيق تفتح في وجهك الخزنة
وهي أجمل مافي البتراء ومنظرها مهيب جدا جدا
وتتصور معها وبعد ماتتصور تقدر تركب اكرمكم الله
حمير او بغل أو جمل لما بعد الخزنة من محكمة
ومدرج وبعض الاجزاء اللتي لاتحضرني اسمائها
وسعر الجمل 10 ينار وهناك فيه خدمات كوفي
واما دورات المياه فهو بعد الخزنة حول المحكمة
وفيه كافيهات هناك ايضا
محدثكم راكب جمل وفي قمة الرعب
والسبب إني ماتخيلت قد ايش صعب لما يوقف أو يبرك
ويحتاج شخص لياقي ومتعود على الركوب
عدنا للفندق وارتحنا وصلينا المغرب والعشاء جمع وقصر
ورجعنا مره أخرى
طبعا لازم تكون موجود 8 وربع ليلا تماما عشان ينادي
المرشد السياحي بعدها بي 10 دقائق على الأكثر
ويسير الجميع كقروب وتقطع مسافة السيق كاملة
مشيا على ضوء الشموع ( يعني صعب جدا على
ذوي الإحتياجات الخاصة ) ويوم توصل الخزنة تجد المنظر
جدا مهيب ويمنع منعا باتا الكلام هناك ويطلب منك المرشد
السياحي الجلوس على شكل صفوف الصلاة بإتجاه الخزنة
ثم يقدم لك 3 عروض الأول عبارة عن مزمار والثاني ربابه
والثالث شعر باللغة الانجليزية ويقدم لك شاي وبعد إنتهاء العرض
تضاء الخزنة بنور وردي وتصبح الخزنة مبهرة للغاية
وتلتقط صور تذكارية وتغادر مشيا
طلبنا من البوكينق اقامة مع وجبتين فكانت الوجبتين عشاء
واليوم الثاني فطور وهذا كان العشاء عبارة عن مقلوبة
وكانت جدا هائلة في الطعم
نمنا بهناء بعد ليلة متعبة للغاية
انتظرونا يوم غد الثلاثاء 6-9-2016 م 
197الاعجاب
19-09-2016, 08:45 PM
العرض المتطور
المواضيع المتشابهه 
