يا دار لاهنتي و لا هان راعيج ( الكويت 2013 )

هاوية الاسفار · 18-02-2015, 11:09 PM

صبحكم الله بالخير

اليوم الخامس ( الجمعه )

صحينا اليوم و متحمسين حق سوق المباركيه و انطلقنا و اول شيء سرنا نتريق

طلبنا بيض و طماط و صحن حمص بالنخي انا اول ما شفت الاسم قلت الحمص هو النخي ما في فرق بينهم بس بعد ما جربته حبيت الطعم و كان لذيييييييييييذ

و هذا غوري الشاي مع حليب

خلصنا ريوق و تسوقنا و أذن الظهر فتميت انا ويا اليهال يلعبون و زوجي دخل يصلي و ما متأكدين اذا شي مصلى للنساء سألنا و محد يعرف
هاي السياره كسروها تكسير الاولاد ما شاء الله عليهم

و اذا ركبوا البنات نزلوهم

و بعد الصلاة كملنا تسوق و خذنا حلويات

اليوم حصلنا سماط و شنط و سوالف وايد حلوة عند سوق الزل و خذت منهم هذيل

خلصنا تسوق و يعنا عيالي قالوا يبغون فريج صويلح و سرنا بدون تردد
و بما انه اليوم الجمعه فالمطعم مزدحم واااااااااايد و انتظرنا وايد اكثر عن نص ساعه و اخيرا حصلنا كابينه و كانت هالمرة داخل عند الجدار

هاي بعض البراويز معلقه

طلبنا مجبوس دياي و مرق بس نسيت اذا كان دياي او لحم

خلصنا و توجهنا لسوق شرق

يلسنا فترة برع على الكورنيش

و القطاوة تحصلونهم في كل مكان حتى هني

غربت الشمس و طلعنا و على طول سرنا مقهى الشميمري و اليوم كنا بنودع المقهى لانه باجر بنرد البلاد

اخترنا جلسه على البحر

خذنا بعد كباب و خبز رقاق باللبنه و الزعتر

و لازم غوري الشاي

خلصنا و ردينا المهبوله و اليوم كان لقائي الاول باختي و حبيبتي ام حسين

و لقائنا كان في شوكليت بار نسيت اسم المجمع

و هذا البودينج بالكراميل لذيييييييذ و للاسف ما عندنا نفسه مب موجود في افرعنا

و حتى الكاندي بار عندهم غيييييييييير

كابوتشينو

تركش كوفي

و خلصت المقابله بسرعه و كان ودنا انها تطول بس للاسف ورانا سفر و دعت ام حسين و كان احلى شيء سويته في الكويت هو لقائي بالغاليه و الطيبه ام حسين

ردينا الشقه و كانت جريبه وايد من المجمع و قلت بكتشف المكان و بصور المسبح بس كان ظلام و الجو بااااااااااااارد

و هاي هدية من الغاليه تسلمين و ما قصرتي يام حسين و الله يجمعني وياج على خير ان شاء

رتبنا الشنط و جهزناهم و خلص يومنا الاخير في الكويت و باجر ان شاء الله راجعين بلادنا
تصبحون على خير

ابا رواءمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي اللندنيه ( 2013 )	هداوه	اوروبا	77	09-02-2016 11:54 PM
الكويت ...وما ادراك ما الكويت	توبليرون	بوابة الكويت	32	21-01-2016 12:38 AM
جورجيا - يونيو 2013	الركيب	بوابة جورجيا و اذربيجان	32	25-05-2015 05:34 AM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM