يا دار لاهنتي و لا هان راعيج ( الكويت 2013 )

هاوية الاسفار · 20-02-2015, 12:10 AM

ودعتكم ياليت ماكان يوم الوداع القلب ممحون
تسالني وش الذي كان المفارق احبابه وش يكون

انا مليك الحب سلطان مضنا ضنين الحب وشلون
قلبي عليكم دوم ولهان دايم بكم مغرم ومشطون

اليوم يوم الوداع

صحينا الصبح او بالاصح ما قدرت ارقد طول الليل الجو يومها كان باااااااااااااااارد و احنا اول مرة نصادف بروده بهالدرجه

تجهزنا و جهزت دلال الشاي و القهوة و نزلنا الاغراض للسيارة و بديت مشوار التصوير
و هذا الاستقبال

و هني طلعت صوب المسبح

في اثنين واحد للصغار و الثاني للكبار

و هاي الجلسة فضيييييييييعه في هالجو الحلو

و هني استقبال خاص للمقيمين في الشقق اقامة دائمة

و خلصنا تصوير و بغينا نغادر وقف لنا موظف الاستقبال و قال ما تمشون قبل لا تتريقون قاله زوجي خلاص بناكل في الدرب و اصر انه ما نطلع الا و احنا متريقين و كلمهم و قال 10 دقايق و بيجهز الريوق و قعدنا برع

و كنا متوقعين انه عندهم بوفيه و شوي الا نشوف العاملة يايبة الريوق لمكاننا

بصراحه ما قصروا ويانا و الريوق كان لذيذ على بساطته خلصنا و انطلقنا مودعين احلى ايام قضيناها في الكويت

هذي مخيمات على طول الدرب و تشوفون منسوب مياه الامطار

وصلنا المنفذ و الحمدلله الاجراءات كانت سهله جدا

طلعنا من حدود دولة الكويت و استودعناها على امل اللقاء بها قريبا ان شاء الله

و طبعا في طريق العوده مرينا محطة سحاب و اكلنا احلى بخاري دجاج

و كملنا المسير و وصلنا الحمدلله بالسلامة لدارنا و ما احلى العودة الى ارض الوطن

انتهى التقرير و اتمنى اني افدتكم في هاي الرحله و انتظروني في تقارير قادمة ان شاء الله

دمتم سالمين

ابا رواءمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي اللندنيه ( 2013 )	هداوه	اوروبا	77	09-02-2016 11:54 PM
الكويت ...وما ادراك ما الكويت	توبليرون	بوابة الكويت	32	21-01-2016 12:38 AM
جورجيا - يونيو 2013	الركيب	بوابة جورجيا و اذربيجان	32	25-05-2015 05:34 AM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM