ابريل 2016 //

لا يزال الأب منهمكاً أمام الحاسب الالي ..

ماذا بك يا حبي يابو عيالي !! شكلك متضايق !! طله خفيفه من المدام .

فيرفع الأب رأسه / باقي جدول الرحلة !!

تذاكر وشرينا .. والسكن وانتهينا منه .

لكن فين ومتى نروح !! ماهي الفعاليات ؟

نركب باص ؟ ولا تاكسي !!

وين المطعم الزين !! وين الاكل الحلال ؟؟

الملاهي افضل يوم السبت ولا تكون زحمه !! فين موقعها ؟ وشلون نوصلها ؟

المتاحف الساعه كم تفتح ؟ كم يكفيها ؟

جولة المركب السياحي بنهر التايمز بكم سعر الشخص ؟ ومن فين ينطلق ؟

وغيره , وغيره , لازم أحد يدلنا .. يساعدنا .. بدل ما نخبص ونتوه , أو يفوتنا شئ زين !!!

تعلق الزوجه / بسيطه .. عندك المسافرون العرب .

يتنهد الأب وتبدوا عليه علامات الحزن والاسى ويقول بصوت حزين / قفلوه .

قفلوه !! تصرخ المدام .. كيف ؟ وليه ؟؟؟

يرد الأب / لا أعلم لماذا !! ولكن قفلوه بمنتصف 2014 م !!

فأنا عضو به منذ عام 2005 م .. نجاح أغلب سفراتي يعود الفضل بعد الله لهذا الموقع ..

اه على اه .. كان يوم بالنسبة لي يوم كارثي .. يوم حزين .. يوم الاحباط .. يوم القهر !!

مجهود سنين .. تقارير مفصله .. صور رائعه .. صداقات ومعارف .. ذكريات جميله جداً

ذهبت أدراج الرياح !!!

تهون عليه زوجته / وماذا ستصنع الان ؟؟

فيلتفت الأب على الحاسب الالي / بعد اقفال الموقع , فتح العديد من الاشخاص مواقع مشابهه ..

المسافرون العرب .. العرب المسافرون , اللي يزود حرف واللي ينقص !! وكلاً يدعي أنه الاصلي !! واللي يقول أنه الحقيقي !!

تفرقت الجهود !! وتشتت التقارير .. وتبعثر المراقبين أصحاب الخبرة !!

وأصبح البحث متعباً وطويلاً .. بعد أن كان في موقع واحد !!

ما حدث كان جريمه بحق الموقع الأول في عالم السفر والسياحه !!!


يتبع ..