خبراء مانشستر و الليك ديستريكت - الصفحة 3

وجهات أوروبية · 17-02-2015, 08:26 PM

اقتباس : المشاركة الأصلية كتبت بواسطة منيرة

بداية بيض الله وجهك على هالشرح الوافي لمانشيستر

ووجهج ابيض يا الخبيره هههههه
ماشاء الله عليج تحبين تطلعين بنفسج وهذا شي ممتاز

بالنسبة للفندق انا اخترت راديسون لشغلتين اول شي عندي نقاط معاهم ثاني شي ان لي محطة المترو دقيقتين مشي و اللي هي سانت بيتر سيكوير و منا للبيكاديلي جاردنز محطة و كذلك للقرين ماركت قريبة لمجمع ارنديل
ومحطتين الى مانشيستر بيكاديلي (محطة القطارات)

ايوه تمام الفندق ومكانه زين مش بعيد

نروح لبلاك بول و ليفربول بحثت شوي و ابي منكم المشورة

اروح من مانشيستر بيكادلي الى ليفربول لايم ستريت أو لا ليفربول سنترال ؟

افضل شي اذا بتطلعين من مانشستر الى ليفربول
محطات مانشستر يا تطلعين من محطه اكسفورد ستريت او محطه بيكاديلي
و الوصول ليفربول في محطه لايم ستريت
لان كلهم دايركت , لكن لو رحتي ليفربول سنترال تبديل محطه واحده

بس اذا بغيتي الافضل
من محطه اكسفورد ستريت الى محطه لايم ستريت
لان محطه اكسفورد ستريت قريبه من فندقكم اما بيكاديلي اشوي ابعد

يومي اللي بقضيه في ليفربول قسمته بين ليفربول ون و سيفتون بارك خليتها بالنهاية
و اقرب محطة قطارات لها هي موسيلي Mossley عشان مارجع لي ليفربول داونتون مرة ثانية
شغلي عدل صح ؟

ايوه شغلج صح الصح
من سيفتون بارك تطلعين على محطه قطارات Mossley Hill الوصول الى محطه مانشستر اكسفورد ستريت لان دايركت بدون توقف في معظم الرحلات دايركت الا كم رحله بس مب دايركت
واذا بتروحين من من موسلي هيل الى بيكاديلي مافي دايركت لازم تبديل محطه واحده

بعد وشفيه اماكن اروح لها?
هل عندهم Pier ?

بالنسبه Pier قصدج يعني الممر او الفرضيه الخشبيه تكون في النهر او البحيره
اذا هذا قدج مانشستر مافيها لكن في البحيرات موجوده

بالنسبه وين تروحين في ليفربول ذكرتج لج في مشاركه قبل وبما انج بتوصلين من لايم ستريت من اول ماتطلعين من المحطه من الباب الرئيسي بتحصلين قدامج مبنى كبير هذا مجمع سانت جورج التجاري خليها وجهتج الاولى
موقعه الالكتروني
St Johns Shopping Centre | St Johns Shopping Centre

ادخلى على الرابط تحت وسوي داون لود PDF للخارطه الموجوده حقت ليفربول
Liverpool shopping guide and mapCity Central Liverpool

و بلاكبول شرحت لي عنها بس انا سمعت ان اسواقهم رخيصة اكثر من لندن تعرف سوق او شارع معين تدليني عليه

شي معين لا بس في المحلات المقابله للملاهي والكورنيش كلشي فيهااا
لاني مارحت تسوق كنت رايح مركلس وحتى المكان الى ورى المحلات الى على الكورنيش كلها منطقه تسوق
وفي مجمع تجاري لو تبغينه وانتي على الكورنيش بتشوفين برج احمر نفس ايفل المجمع يكون وراه
Houndshill Shopping Centre
Welcome to Houndshill Shopping Centre, Blackpool

وتقدرين تروحين البرج قبل لاتروحين المجمع وتركبين فوق تشوفين بلاك بول من فوق
مع اسعار التذاكر
https://www.theblackpooltower.com/at...tower-eye.aspx

و السرك حلو ؟ اي عرض اروح برايك ؟

انا مارحت السيرك بس هذا موقعهم وفي عرض وقمي المكان
https://www.theblackpooltower.com/at...er-circus.aspx

ولعبة بيبسي ماكس في اي ملاهي فيهم ؟

في اخر ملاهي الرابعه مش على البحر بس بينها وبين البحر شارع
شوفي بقولج لما تنزلين من محطه بلاك بول نورث Blackpool North
اطلعي منها على البحر بتكون قدام المحطه تقريبا مشي ربع ساعه او اخذ تاكسي قولي له
خذني على north pier ( اسم اول ملاهي ) وبعدها بتشوفين الملاهيات متتابعه على الكورنيش عدد 2 بعدها بعدهم بتشوفين على اليسار الملاهي الاكبر نوعا ما على يسار الشارع
هذي الملاهي الي فيها لعبه بيبسي ماكس

في الاخير
حوالين مانشيستر في اوتلت يسوى العنوه ؟

هذا لوري مايحتاج العنوه تقدرين تقولين داخل مانشستر مش بعيد
Lowry Outlet - Stores

وفي ليفربول روحي هذا حلو McArthurGlen Designer Outlets
McArthurGlen Designer Outlets | Cheshire Oaks

اتمنى اني وفقت في الاجابه على اسنفساراتج
وأي استفسار انا حاضر

واليوم ان شاء الله بنزل لج خارطه توضيحيه حق بلاك بول عشان تكون الصوره واضحه عندج
( محطه القطارات - وكل مدن الالعاب - ولعبه بيبسي ماكس - البرج والمجمع - والمحلات التجاريه - والاكواريوم )

منيرة · 17-02-2015, 08:38 PM

ماك أرثر و لورري شفتهم
المحلات ماتسوى

ابي شي في مستوى بيستر فيليج

في الانتظار

ابو عبدالله1 · 17-02-2015, 09:29 PM

بالنسبه لنا زرنا ويندرمير اشوفها مدينه تقريباً ماتستاهل شخصياً والعائله مااعجبتنا
مع العلم الزياره كانت في ذروة وقت الموسم والسياحه لكن هي تقريباً مثل منتجع او منطقه هدوء واستجمام واغلبها كبار بالسن وكلاب اعزكم الله

آخـــرفـــرصـــة · 18-02-2015, 12:30 AM

يسعد مساكم

ما قصر الغالي أبو سعد

البحيرات تنفع للراحة و الاستجمام و مملة لمن يحب ضجيج المدينة
فيها مطل خيالي اتذكر قضينا فيه 3 ساعات من روعته اسمه orrest head
البحيرة جميلة ، سنتر المدينة حالم ، المساحات الخضراء ترد الروح
البحيرات الصغيرة حولها ، المزارع و أهل القرية الرائعين
مثالية لمن يحب حياة الريف الاوروبي

لي تقرير متكامل عنها سابقاً سأعيد رفعه عن قريب

توبليرون · 18-02-2015, 01:23 AM

بلاك بول
فيها البرج الخشبي شبيه ببرج ايفل
فيه فعاليات وسيرك
والعاب اطفال داخليه

في مدينة ملاهي بليتشر بيتش
روعه وفيها أكبر افعوانيه اسمها بيبسي مان اعتقد
والعابهم حلووة
وفيها قسم لنكوليديان شخصيات اسفنج بوب ودورا
العاب عليهم

اما الشارع كله مزين برسوم على اعمدة الانارة
والشارع كله محلات العاي جيمز والعاب اطفال
وعلى البحر بعد مدن ملاهي صغيرة

وبعد يوجد اكواريوم ومتحف صدق اولا تصدق
تقريبا نفس اللي بلندن
بس المنطقه بعز الصيف بااااااردة وجوها خيييال

اسم المول الكبير اللي في مانشستر ترافورد قريب من نادي مانشستر يونايتد
مانشستر حلووة وهاديه

ان شاءالله تستمتعون في سفرتكم

توبليرون · 18-02-2015, 01:28 AM

تصدقين عاد شوقتيني حق بلاكبول
احب هالمدينه حييل رحت لها ٣ مرات وما اشبع من الشارع الرئيسي

وجهات أوروبية · 18-02-2015, 01:43 AM

ماقصرت يا بوغسان
يا الغالي

بأنتظار رفع التقرير

اقتباس : المشاركة الأصلية كتبت بواسطة توبليرون

تصدقين عاد شوقتيني حق بلاكبول
احب هالمدينه حييل رحت لها ٣ مرات وما اشبع من الشارع الرئيسي

والله يا ام حسين صادقه بلاك بول روووعه كفايه بس منطقه وحده على الكورنيش
المشكله رحنا اجلو مغيم والمطر نزل كثير بس بعد كان رووعه

توبليرون · 18-02-2015, 01:54 AM

اي والله جوها حلووو
بس حتى المطر البس واقي المطر واستمتع

في بحيرة اسمها ستانلي بحديقه عندهم
فيها مراكب تأجرونها وتتمشون في البحيرة مع البط
المراكب نوعين
مكينه وفي مجداف
العيال وايد حبوها

وجهات أوروبية · 18-02-2015, 02:09 AM

اقتباس : المشاركة الأصلية كتبت بواسطة توبليرون

اي والله جوها حلووو
بس حتى المطر البس واقي المطر واستمتع

في بحيرة اسمها ستانلي بحديقه عندهم
فيها مراكب تأجرونها وتتمشون في البحيرة مع البط
المراكب نوعين
مكينه وفي مجداف
العيال وايد حبوها

ماشاء الله عليج اي حلوه وحاطها في بالي
ان اذا عندهم وقت يروحون لها وايد حلوووه

وجهات أوروبية · 18-02-2015, 02:12 AM

صوره توضيحيه بلاك بول

العاب

حديقه ستانلي

العاب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شقق في مانشستر Premier Apartments Manchester	MOHANAD	اوروبا	10	26-07-2015 10:38 AM
شقق في مانشستر The City Warehouse Aparthotel	MOHANAD	اوروبا	11	18-06-2015 03:03 AM
ساعدوني بترتيب المدن,لندن,مانشستر.ليفربول,يورك,البحيرات	احب السففر	اوروبا	6	07-06-2015 05:27 PM
قطارات مانشستر - كارديف	منيرة	اوروبا	24	09-05-2015 08:27 PM
شقق في مانشستر Staycity Serviced Apartments	MOHANAD	اوروبا	14	16-03-2015 10:24 AM