اهلا فيك اخوي

دبي مول ممكن ياخذ منك نص يوم او يوم كامل حسب ميولك الفعاليات اللي بتدخلها فيها فيها الاكواريوم وفيها كيدزينيا وفيها ملاهي للاطفال وفيها مطاعم وشوبينق واذا بتدخل برج خليفه ويوجد ملاصق فيه سوق البحار وطبعا الاهم النافوره و يحيط بالمول شارع اسمه بوليفارد الشيخ محمد بن راشد مطاعم ومقاهي وجو جميل عن نفسي احب ازوره نهاية العصر واقضي باقي اليوم فيه

الامارات مول يوجد داخلها سكاي دبي اقل باقه لسكاي دبي ساعتين واحسب ساعتين الى 3 ساعات داخله من وجهة نظري ما ازوره الا لسكاي دبي ومحل ابل وحلبه التزلج او اذا ابي اتناول الغدا او العشا يعني كحد ادني 4 ساعات

فيستيفال سيتي هو عباره عن مول وملاهي على الخور وتقدر تستاجر قارب ياخذ فيك لفه وفي المواسم تقام فيه
عروض حيه مثل السيرك واشياء ثانيه وفيه مطعم الفنر الاماراتي جميلة
يعني يتحمل 3 ساعات

بالنسبه للاماكن القريبه من بعض راجع ردي فوق حاولت ازين لك جدول تكون فيه الاماكن قريبه


الاي ام جي بعيده عن مركز دبي تحتاج يوم كامل لحالها او اقلها من الصبح للمغرب قريبه من القريه العاليمه لكن ماانصح تخليهم يوم واحد لان ماراح يمديك وراح تتعب

حديقه الزهور وحديقه الفراشات والقريه العالميه على طريق واحد خلهم يوم واحد بالترتيب اللي حطيته لك لان القىيه العالميه تفتح 4 العصر


بالنسبه للديناصورات اذا قصدك دبي جاردن جلو اللي تكلمت عنها ممكن تخليها يوم وصولك اذا وصلت وارتحت روح لها حلوه بالليل وهي طريقها متوسطه بين دبي مول وفيستفال سيتي لكن انتبه وقف عن بوابه 6 علشان ماتتعب انا العام وقفت عند3 ومشيت مشوار مرهق جدا


بالنسبه للبيانات كنت افعل تجوال شريحتي
وبالنسبه للقوقل ماب كنت احمل برامج الملاحه المجانيه واستخدامها 10 على 10 بدبي عن تجربه وراح اذكرها لك اليوم
نعم ممكن تروح الاتلانتس يوجد فيهاةاكواريم خاص فيها ويوجد فيه مدينه مائيه متكامله للسباحه وشاطئ عام للزوار ممكن تزوره

القريه العالميه كل يوم تدخلها العوايل والشباب وبالنسبه ليوم الاثنين لا يدخلها الا العوايل من غير شباب عن نفسي صادف زيارتي لها يوم اثنين فمايفرق اي يوم تروحها دام معاك العيله



نعم يسمح بدخول عربية الطفل للمترو انا شخصيا مدخلتها
بالنسبه للبطاقه الافضل لك حسب استخدامك اذا تبيها مشوار واحد للتجربه خذ بطاقه النول الحمراء وعذا عجبك الوضع وحبيت تستخدمه اكثر من مره خذ البطاقه اللي تقدر تعبيها رصيد حسب حاجتك ادخل موضوعي المثبة بالبوابه عن المترو وشوف اللي يناسبك


بالتوفيق




أرسلت من SM-G935F بإستخدام تاباتلك