الحمد لله على السلامة أخوي فهد
طيران الإمارات فعلا لا يعلى عليه ( انا أنام في أي مكان ولله الحمد )
والله تعب مرة توكم واصلين كوالا وعلى لنكاوي حتى لو شباب الراحة أهم

منتظرين تغطيتك يا عسل ودعواتي لك بالتوفيق

الحمدلله على السلامة يا فهد
لو خيرتني بين ماليزيا وتركيا أكييييييييييد راح اختار تركيا
لاني احب الدول البارده واكره الحر والرطوبه على قولتك شبعنا من الرطوبة بالكويت

لاتضغط أهل السامسونغ لاني وحده منهم هههههههههه
اما بالنسبة لمطار الكويت ان شاءالله الحين قاعدين يشتغلون بالمطار الجديد
وراح يصير احلى مطار بالعالم

اخوي فهد ..

لو تبي فندق إقتصادي في كوالا .. فندق wolo يفي بالغرض وفي اشهر تقاطع

ولو بتزيد المبلغ شوي وتبي تبعد عن شارع العرب فندق رويال شولان تقدر تصيده بـ 310 رينقيت

آخر مواضيع بو عبدالله

- ❖~ |[ منــتـجع ذا تاراس The Taaras - جزيرة ريدانج ]|~❖ - فنــدق ولـو Wolo Bukit Bintang ـ‗_¨°‗۩ - فنــدق سانت ريجـيـس .. St Regis KL ـ‗_¨°‗۩ - ✗ فنـدق جرانـد Ⓗ Ⓨ Ⓐ Ⓣ Ⓣ حيــاة ✗ - ↩ فندق الدانا ♛ - لؤلؤة مضيق ملقه ↪

توقيع : بو عبدالله

*** ** * * ** ***

الحمدلله على السلامه فهدطيران الامارات ماشاءالله ممتاز ماعليه كلام
وسالفة المطارات صج اتعب لو بايتين ليلة في كولا بالمطار يتراوالي احسن واريح
بس ما عليه دامكم شباب تقزر
ماشاءالله نقل حي ومباشر
حلو فندقكم باين عليه

بسم الله الرحمن الرحيم

اليوم الثاني بـ لنكاوي .. كان يوم فيه نشاط .. قعدنا الساعة 5 الصبح
اخذنا شور وصلينا وانتطرنا يشق الزراق شوي ( تشرق الشمس شوي ) عشان ننزل تحت نتمشى وعقبها نتريق لان الفندق مافيه ريوق او بالاصح اللي معاي شكله مو حاجز مع الريوق
عموما انا واحد ما اتريق بالبيت ونادرا يعني اتريق فـ عادي

امس انا ما حطيت صورة للغرفة من الداخل

وهذي للي طلب وسأل عنه
فيها عيب ان تقدر تشوف اللي داخل
لدرجة الحين حاطين غطاءات على الشباك وهذي صورة للغرفة مع الغطاءات ( الصورة ملتقطة حاليا يعني تخيلوا مع اني حاط غطا عليه )



هذي صور الساعة 6 ونص الصبح تقريبا نزلنا نتمشى على الشاطئ .. وكان فيه مطعم اسمه مطعم الشلال انا ماتريقت فيه بس اللي معاي تريق ( ذوقي بالأكل صعب ماحب اي شي اكله ) فأنا تمشيت بروحي لين يخلص




بعدها اتصلنا على السايق محمد اللي اسف اني مدحته لكم امس .. لأنه صار موقف معاه بنص الرحلة قطنا على صخر بس خيره ( راح اذكرها بوقتها )
انا ما ادري شلون يسوقون عكس وشوارعهم كله عكس .. شكثر غلطنا وجينا نبي نركب بالمكان الخطأ



رحنا نبي نسأل عن رحلات الدباب على قولتهم ماشالله اخوانا السعوديين معلمينهم عالكلمة ..
بس ماعجبني للأمانة .. يعني صج يوديك للشلالات بس مبالغ بالسعر يعني 300 رينجت للشخص الواحد عشان تأجير بقي ( دباب ) لمدة ساعتين .. غير جذي انها خطرة شوارعهم عكسنا .. فما اخذناها ورحنا للمانغروف اللي صج ما راح تتحسف على ولا شي فيها
فيها اكثر من مكان
روعة جداا اعجبتني وهاذي صور متنوعة
سعرها 450 للعبارة اقل شي واخذناها









ومرينا على مكان اسمه كهف الخفافيش .. ما تجرأنا ندخله الا قروب لان صج شي يخوف بس وناسة وتجربة والمضحك ان في عايلة كورية محتمين فينا ( بقلبي اقول لو جاهم شي انا اول من يشرد [emoji125] )





بعدها توجهنا لاكثر من مكان للتماسيح والنسور بس عاديين جدا



ورحنا للمكان الحلو بعد اللي تغدينا فيه سي فود وكان فيه مختلف الجنسيات ومطعم حلو بعد
سعره زين تقريبا 160 رينجت الغدا
شغل فرش طازج
وهذا المكان مع الغدا





الرحلة كانت 3 ساعات تقريبا وخلصنا 2 الظهر تقريبا وبعدها توجهنا الى التلفريك والجسر اللي فوق

يتبع ،


أرسلت بواسطة iPhone بإستخدام Tapatalk