الله يعطيك العافية يابوخالد ومثل ما ذكر مراقبنا العزيز ابوغسان ان الموضوع راح يفيد اللي يخطط للرحلة ومحتار بين البلدان .

بالنسبة لي زرت البلدين .. وكل بلد له ميزات تختلف عن الثاني ، ولكن اللي يجمعهم انهم بلدان اسلامية ولله الحمد .

ماليزيا لازالت في قلبي إلى اليوم
بلد جميل ومتنوع .. لفيت فيه كل المدن والجزر .. تحس فيه بالامان .. الشعب لطيف والحياة فيها سهلة ومنظمة .. والاسعار معتدلة والفنادق فخمة ونظيفة .. بلد ينفع للعائلة والاطفال .. والشباب ... لكن يعيبه الاكل ما يناسبنا كعرب .. والجو في الغالب حار ورطب .. ما عدا الاماكن المرتفعة مثل كاميرون هاي لاند وجنتنق ..

تركيا بلد جميل ويتميز بالتنوع الثقافي والتاريخي .. فهو يجمع بين الآثار والطبيعة ... الأكل فيه مميز ويناسبنا كعرب .. الشعب محترم ولكن ليس ودود او مبتسم وهذه طبيعة بعض الشعوب .. الطبيعة في الشمال التركي لا توصف .. وتركيا تتميز بقرب المسافة .. لكن يعيبها الغلاء شوي ووجود بعض المحتالين خاصة التكاسي .. الفنادق ماتقارن بشرق آسيا والغرف ضيقة شوي .

وكل شخص يختار البلد اللي يناسب رغباته السياحية وطبيعته .