يسعد صباحاتكم كلكم ،،،،،،،،



هااااااااااااااااا هي ملكة السفرات العائلية

تطل عليكم من جديد
من بعد غياب طويل عن التقارير

( كيفي بدلع نفسي وأعيش الأجواء بأني ملكة )







واللي عنده اعتراض يقول

رحلتنا هذه لهذا الصيف بعيد الفطر السعيد 2016

اعذروني لخطأ مطبعي مكتوب على الصور 2015 والمفروض 2016

ترددت كثيرا في كتابة هذا التقرير
لأنشغالي بالدوام بعد الإجازة
ولمرضي والحمد لله على كل حال


لكن عشان خاطركم وخصوصا اللي مسافرين بالعطلة بعد الامتحانات
الله يهنيكم مقدماً وان شاء الله رحلة سعيدة يارب



واهداء خاص لــ غاليتي ( بيبي فيس ) كرستالة سابقاً بنت البحرين الحبيبة
لأنها طلبت التقرير مني من زمااااااااااااااان وانا مشغولة


فإعذروني لو قصرت بالتفاصيل او الصور
خخخخخ لا الصور لا تحاتون اكثر من الف صورة ما شاء الله




البداية
الاهل حابين يعيدون بره الكويت
من باب التجديد
مع ان كان لي اعتراض على التوقيت لأن الجو حار بشهر 7 بماليزيا

عادة سفراتنا كلها بأواخر اغسطس (شهر 8 ) ونقعد ليه نص شهر 9
فالجو كان ابرد والمطر اكثر

لكن ما باليد حيلة مجبووورة اروح
واذا مارحت انقهر بظل بروحي
فتوكلنا على الله


فكانت المفاجأة لهم ان السفر ليلة العيد
وكل يوم يسإلون
يمه بنسافر السنة والا لا ؟
وانا أقول لاااااااااا
أنا متفقة مع ابوهم ما يتكلم


عشان المفاجأة تكون احلى



الحجز قبلها بفترة بسيطة على ما تأكدت الحجوزات
وتم اختيار الفنادق كلها هالسفرة من مكتب سياحي مع التذاكر
والدفع كاش

ما عدا حجز واحد في البراميد ويست لي ولعيالي
بكيج عائلي مع تذاكر الصن واي
وكان اختيار موفق جدا والحمد لله


ولسوء الحظ ان هالسفرة كانت ببتكنسل بسبب ظروف احد اخواني بالعمل
لكن اصرينا
يا اما نسافر مع بعض او نقعد كلنا ربي لا يفرقنا ويحمينا


ترا السفرة العائلية اونس للي مجربها



عرض على الإماراتية السعر 185 دينار ان ما خانتني الذاكرة
ترانزيت في دبي 3 ساعات
السفر على فلاي دبي من مطار الشيخ سعد الله يرحمه ويغفر له


ومن دبي الى كوالالمبور على الإماراتية ( ام دورين )
رهيبة الطيارة اول مرة نجربها
حسيت اني راكبه سفينة

(((( 18 يوم بشحمهم ولحمهم بماليزيا العشق الكبير )))))



لكن ،،


بما ان العيد صادف يوم 6 يوليو
فسافرنا يوم 4 الفجر
وطبعا ما صمنا بيوم السفر لأن الرحلة طويلة
والعيال اخر زقططة عشان بيفطرون




تم تجهيز الشنط على قدم وساق
ولأخر لحظة واحنا نحط الأغراض


لكن هالمرة صج فرقت معانا
حرصت ان الشنط تكون خفيفة بدون زيادة ملابس واغراض مثل كل سفرة
وليه ردينا نتوهق بالوزن بالمطار


طبعا انا شنطتي اثقل شنطة بالعالم
وهذا انا خافة منها وايد


خخخخخخخ طبعا زوجي هاوشنا لين قال بس
بس اذن من طين واذن من عجين

وصرفنا البيزات كلها تقريبا الى رنجات
والفيزا اخذتها احتياط بالاضافة غلى مبلغ مالي بكرت البنك للطوارئ




طلعنا من البيت الساعد 12 بالليل
الى المطار
واحنا متضايقين ليش ما بنروح المطار الأساسي لأنه اونس وتحس انك مسافر من قلب
لكن حمدنا ربنا ان رحلتنا من مطار الشيخ سعد




وذلك بسبب الزحمة والنظام الجديد في إجراءات المطار
والزحمة على الكاونترات وقطع البوردنق


وصلنا مبجر
خلصنا الإجراءات على السريع مافي زحمة كلش
والأهل قعدوا يتبادلون اطراف الحديث ( حلوة يتبادلون هاااااااااا اشرايكم فيني )


وسلمنا عليهم واستودعنا الجميع عند الرحمن الكريم

المطار مافيه الا ستار بكس ومحل مثل البقالة الصغيرة


اذن الفجر وهم قاعدين معانا ولا تسحروا حرام ،،
وانطلقنا

طيارتنا

رحنا لها مشي
























ركبنا طيارتنا ونااااااسة





الله يا الابتسامات شقاقية تتوزع مجانا
ومعانا 2 من خواتي اول مرة يروحون شرق اسيا
متعوددين على اوربا الحبيبات






الطيارة حلوة مجكنمة
ونظيفة










المنيووووووووووووو
وطبعا كل شي بفلوس
التذكرة بدون وجبة





واقلاعنا كان الساعة 4 الفجر

والحمد لله استودعنا الجميع عن العزيز الرحمن

وطااااااااااااااارت الطيارة




طلبت شاي مع حليب








سبحان الله المنظر بالحقيقة رهيب وخيال






((( ملاحظة : السفرة جات على البركة من دون سابق تخطيط للرحلات مثل ما تعودنا بسفراتنا السابقة ))))