طلعنا من المعبد وصادفتنا زحمة مووووووصج
شي يملل
الشارع واقف بالمرة ما يتحرك خطوة
3 ساعات ونص بالشارع عشان نوصل مزرعة الفراولة
والسبب حادث الله يكفينا الشر
وهذه هي الصدمة الثانية اللي صادفتنا بهاليوم المحطة الثانية :
((( مزرعة الفراولة )))
وهالسايق مسكين كل شوي ينام وهو يسوق
واخوي يقعده
أكثر من مرة بغينا ندعم
والا يطفي الباص !!!
امبييييييييييييييييه السايق وسيارته كارثة هاليوم
استغفر الله
ولما رجعنا بهذلنا مكتب الكونسيرج على هالسايق والباص القديم
ووعدنا لرحة اليوم الثاني باص اكشخ واجدد
وصلنا المزرعة
ويا فرحة الصغار
عشان تقطيع الفراولة
اسعار التذاكر على الشباك
طبعا السعر زايد شوي
الكبير 8 رينجنت
الصغير 5 رينجت
المربى طبيعيه لازم اشتريها كل زيارة سعرها 10 رينجت
والعصير المركز ( فراولة - باشن فروت - توت - مانجو - فواكة مشكلة ) سعر العلبه 20 رينجت
وايد لذيذ جربوه يستاهل
لونها يشوووووووق
وهذه حصيلة العيال
ما كثرنا
خذوا شويه عن خاطرهم بالتقطيع
الممرات حلوة
مسوين جزء جديد بالمزرعة للزهور
شي يشرح النفس
للأسف انا ما شفته كنت مشغولة بالفراولة
وماعندي له صور
زهور اللافندر خواتي يقولون ريحة المكان عجيييييييييييبة تهبل
وايد مطورين المزرعة
تستحق الزيارة للي معاه صغار
شوفوا هالطير بالواقع نتفة صغييييييييييييييييييييير سبحان الله
شوفوا لون هالورد تركوازي بالطبيعة يجنن
ولازم نمر على منتجات المزرعة
حليب بنكهات مختلفة ( فراولة - كاكاو - فانيلا)
حليب الفراوله وايد لذيذ
انا مجربته شريت حق العيال
وعندهم انواع من الأعشاب والشاي حلوة بس ما شريت منهم
عندهم عرض :
تشتري 5 علب حليب اي نوع تختار + علبه مجانا + الشنطة مجانا
بقيمة 150 رينجت
انا شريتها بالسفرة السابقة 2013
لكن لو اشتريتوا علبه واحدة بس سعرها يكون 30 رينجت 
سألت عن التشيز كيك كان بخاطري
كنت شايفته بتقرير بالمنتدى القديم
لأحد الأعضاء لا يحضرني اسمه حاليا مع الأسف
قالوا غير موجود حاليا للأسف
واشلون نشم ريحة الوافل القاتلة وما نشتري
لذيذ لذيذ وايد
لا يطوفكم
وعقبها دور صالة العروض
وهذه اللقطات الجميلة
وللعلم الصالة مكانها جديد ومرتبه افضل من السابق
كلهم خوااااااااااااااات
وهذه منطقة جلوس جميلة
مجسمات دببه وايد حلوة
وتي شيرتات للبيع
ومنطقة كاملة للزهور
الألوان وايد حلوة
تم تطوير المزرعة بشكل جميل جدا
وتصوير العيال مع الطيور
هذه مجسمات جديدة معلقة للتصوير تكون كأطار للشخص اللي بيصور
فكرة حلوة وايد
مسوين مكتب لطباعة الصور الملتقطة لك من قبل المصورين اللي بالمزرعة
وهذا شي جديد
ما كان موجود
شي مرتب ومنظم عجبنا وايد
هذا سقف مكتب طباعة الصور
تعليقات الزوار مدونة بالمكتب
فيه اكثر من كمبيوتر
يطبعون لك الصور اللي تخصك وتختار اي صورة تبي تطبع بأي حجم تختاره
وطبعا كل حجم له سعر
ابداااااااااااااااااااااع
تعاملهم جدا راقي
اخذنا سعر ممتاز وخاص
لأن الصور كثيرة وطلبنا ناخذ الصور على ( سي دي ) خاص لنا بس
واحنا في مكتب الطباعه صار مطر غزير
.gif "(3)")
بشكل يخوف
ولما سألناهم عن التلفريك
قال احتمال كبير مع المطر الغزير ما يشتغل
ضاق خلقنا
وقعدنا تقريبا ساعة على ما اخترنا الصور وخف المطر شوي
وطلعنا توكلنا على الله واحنا ندعي ان التلفريك يكون شغال على مانوصل
وقريبا من بوابة الخروج هذه الكراسي الجميلة
لأخر لحظة توثيق الزيارة بالتصوير
.gif "(22)")
شغل عدل ترتيب وتنسيق
كراسي بشكل جديد
وهذا السايق ناطرنا مع ابتسامة بدون اسنان ( والله يكسر الخاطر )
تقييمي للمزرعة :
المكان حلو وتستحق الزيارة وبقوة
جو جديد ومكان شرح والكل راح يستانس فيها
وسعر الدخول مناسب
اعطيها بعد التطوير 10/10
ثالث مرة ازورها
تحياتي لكم ،،
وانتظروني في بارت جديد عن محطتنا الأخيرة في اليوم الثاني بكوالالمبور ،،،،،،،،،،،،،،
2283الاعجاب
10-01-2017, 11:08 AM
العرض الشجري
المواضيع المتشابهه 
