|[ دليل الأماكن السياحية للمسافرون إلى سنغافورة ]| - 2017

ملللوك · 28-10-2018, 10:23 AM

اقتباس : المشاركة الأصلية كتبت بواسطة بدران

استاذي انا طالع لها شهر عسل بحول الله
وعندي كم سؤال اتمنى تتقبلها بصدر رحب

_ ابقعد 5 أيام وابغى اليومين الاول بمارينا ساندس منطقة المارينا
والثلاث الاخيرة فندق بشارع الاورشارد

لذلك ابغى تعلمني وين اتمشى باليومين الاولى الاماكن القريبه من المارينا
يعني ضبط جدول بالاماكن والمزارات وكيذا
وايضا الثلاث الايام الاخيرة وين اروح علما بان فيه يوم منها بروح فيه سنتوسا

وبرضوا ياليت تكلمني عن التنقلات كيف الطريقة بالشرح المفصل من المارينا للاورشاد وايضا كيف اتنقل بين الاماكن السياحية اللي بتحددها لي

اول يومين ممكن تروح لحدائق Gardens by the bay الثلاثه وكلها جنب بعض مقابل فندق المارينا
برضو عندك مول Marina square singapore وهو متصل بالفندق الي ساكن فيه

وفيه مول ثاني اجمل واكبر اسمه Suntec City انصحك فيه يبعد 15 دقيقه مشي
وداخله يوجد مطعم The manhattan Fish البحري مشهور ب امريكا أنصحك تزوره

وبرضو عجله سنغافوره الشهيره Singapore Flyer

ايضا لازم تزور تمثال ال Merlion الشهير مكانه خلف الفندق وبالقرب منه يوجد كوفي Starbucks

الأماكن الي ذكرتها لك فوق تروح لها مشي بحكم انها قريبه مره ماتحتاج وسيله نقل

بخصوص شارع الأورتشاد مافيه مكان محدد انزل للشارع وتمشى فيه
كله اسواق ومحلات ومطاعم + انصحك تزور حديقه Singapore Botanic Gardens قريبه من شارع اورتشاد
برضو انصحك تزور حديقه ال Night Safari جدا جميله تفتح بالليل الساعه 7 ولازم تاخذ تاكسي عشان تروح لها

بخصوص التنقل بالمترو فهو سهل جدا وفيه شروحات باليوتيوب اذا حاب
فقط تحدد اسم المحطه الي تبغى تروح وتقص التذكره وخلاص

سنتوسا صغيره وماراح تتوه فيها
عندك ملاهي يونيفرسال ستديو + متحف سنغافوره + متحف الشمع
+ اماكن ترفيهيه كثيره بجانبهم مثل حديقه الفراشات + 4D

اذا جيت تروح من المارينا للأورتشاد الأفضل تستخدم التاكسي
واسعارهم جدا معقوله المشوار تقريبا بحدود ال 30 ريال او اقل برضو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
\|[ دليل الأماكن السياحية للمسافرون إلى اليابان ]\| (جديد)	Prince Kytu	بوابة اليابان	35	22-08-2025 04:45 PM
~* دليل أهم الأماكن السياحية في تايوان *~	السفيرة ب	بوابة تايوان	19	30-12-2020 10:44 AM
~[ الأماكن السياحية في كابرون ]~	السفيرة ب	بوابة النمسا	8	27-06-2016 02:03 AM
\|[ دليل الأماكن السياحية للمسافرون إلى اليابان ]\|	Prince Kytu	بوابة اليابان	21	29-03-2016 03:56 PM
❖~ \|[ دليل المواقع الإلكترونية للمسافرون إلى اليابان ]\|~❖	Prince Kytu	بوابة اليابان	11	14-01-2016 08:03 PM