استفسار

الشبح100000 · 06-01-2017, 03:14 PM

جزاكم الله خيرا علي المعلومات المفيدة
بالنسبة للفيزياء أنسب وقت للتقديم قبل السفر بكم وهل كل شخص له طلب علي حده لاننا 3 اشخاص

فيصل, توبليرون و Prince Kytu معجبون بهذا.

ملللوك · 06-01-2017, 04:49 PM

اقتباس : المشاركة الأصلية كتبت بواسطة الشبح100000

جزاكم الله خيرا علي المعلومات المفيدة
بالنسبة للفيزياء أنسب وقت للتقديم قبل السفر بكم وهل كل شخص له طلب علي حده لاننا 3 اشخاص

الفيزياء >> شكلها متعبتك بالثانويه والجامعه ههههه امزح

ايه كل شخص يكون له (نموذج لحاله)
ونفس الشي لبقيه الأوراق يعني تجهز 3 نسخ من حجوزات الطيران + السكن
واذا انتم عائله يكفي شخص واحد يجيب (تعريف العمل وكشف الحساب)
ويكون هو المتكفل بمصاريف السفره

اما اذا انتم زملاء فلازم كل واحد يجيب (تعريف من العمل + كشف حساب) خاص فيه

ويكفي تقدم عليها قبل السفر بشهر
مايحتاج حجز موعد ولاشي , فاضين ماعندهم احد
اهم شي تجيب فلوس كاش (95 ريال) رسوم الفيزا لكل شخص
وماتاخذ وقت مثل ماقلت لك بالكثير 4 ايام عمل وهي جاهزه
وراح يعطونك ورقه يقولون فيها راجعنا باليوم الفلاني عشان تستلم الجوازات

بس فيه ملاحظه دامك من اهل جده
" الي طلعوها من عندكم القنصليه هناك طلبو برنامجك اليومي باليابان "
يعني تكتب لهم كل يوم وين بتكون
مثلا من تاريخ كذا الى تاريخ كذا بكون في اوساكا ويتزور هالأماكن
ومن تاريخ كذا الى كذا بكون في طوكيو وتذكر الأماكن
واسماء الأماكن السياحيه ( يكفي تحط لهم مكانين سياحين لكل يوم )
طبعا مثل ماذكرنا يكون 3 نسخ على عدد الأشخاص

طلب غريب صراحه
لأن حنا بالرياض ماطلبو هالشي لكن الي طلعوها من جده طلبوها منهم !!

ايضا راجع موضوع العضو sandmoon ذكر بتقريره
اجراءات الفيزا يوم طلعها من القنصليه في جده من ضمنها الجدول السياحي لك
تقدر تسئله وراح يفيدك ان شاء الله
http://www.arabtrvl.com/vb/t24143.html

Prince Kytu, فيصل و توبليرون معجبون بهذا.