الله يرحم عبدالعزيز ويسكنه فسيح جناته

والله يابو عبدالعزيز موضوعك مليء بالاحاسيس والمشاعر الصادقة ، انت حركت فينا المياه الراكدة اللي كنا نخشى احد يحركها ... نخاف من الحنين نخاف من الذكريات نخاف نبحث عن الاحباب ونعجز عن لقياهم او على الاقل الوصول الى اخبارهم ونتطمن عليهم ..

صدقني يابو عبدالعزيز بعض الاشياء اجمل مافيها انها تبقى ذكرى ، والبعض لو حبيت تشوف حاضرهم راح تتألم لسببين الاول التغيير اللي شفته سواءا بمرض او حال ... الخ من صودايف الايام ..

والسبب الثاني ان الذكرى الحلوة ذهبت او تشوهت ..


بالنسبة لي كثير هم الناس اللي لهم ذكرى جميلة في مرحلة من مراحل حياتي ... بعضهم يمرون عليك وكأن الله مرسلهم مخصوص لك علشان يساعدونك ويرحلون بصمت وهدوء ... وناس يطلعون في اوقات غريبة ويرحلون في اوقات اغرب ..


وفيه ناس هنا بالمنتدى اعرفهم من عام 2006 ويمكن قبلها بكذا سنة ... لهم ذكريات حلوة وجميلة لايمكن نسيانها ... مهما رحت وابتعدت واشغلتك الدنيا لابد ترجع تشوفهم وتطمن عليهم .. وفيه ناس غابوا وماتدري وين راحوا وتشعر بالحسرة .. وودك تتطمن انهم بس بخير ... علشان هم جزء من ماضيك جزء من ذكرياتك الحلوة ..