العرب المسافرون الامارات

بسم الله الرحمن الرحيم
حي الله أعضاء العرب المسافرون << صب القهوة يا ولد
أول شي احب اشكركم نفر نفر على الفائدة والتقارير الي تقدمونها,, مع اني كنت عضوة صامتة وما ارد ولا لي وجود بس صج استفدت منكم حييل
طبعاً هذي سفرتي الثالثة لدبي, المرة الاولى الي سافرنا فيها كانت الرحلة لمدة 3 ايام فقط بسبب الزهق والملل, لاننا كنا ندور ع خور دبي طول هالثلاث ايام شنسوي ما كنا نعرف شي

بس الحين ابشركم صرنا ندل دبي عدل

المهم ,,,

كانت رحلتنا برية بالسيارة
وكنا حاجزين لـ3 ايام فقط بس مددنا بعدين
طبعاً بما اني مسئولة السفريات بالعائلة بدت رحله البحث عن السكن, ورسيت على الجوهرة للشقق الفندقية, ما كانت عاجبتني حيل بس اغلب الشقق الزينة كانت محجوزة
طبعا مميزاتها انها كانت قريبة من الديرة ستي سنتر, فكنا نروحله مشي + الشقه كانت واسعة وتصلح لعائلة + وجود حمام سباحة < شروط البابا

ومن عيوبها انها مظلمة شويات ,,

كان سعرها لليلة 105 دينار كويتي, يعني 315 دينار لـ3 ايام

^ البخيلين ما عطونا الا ماي المفروض يعشونا

وكان فيه غرفه غسيل وكوي,, كان من ضمن السلبيات الي قريتها في بوكنق انه فيه ريحة الصرف الصحي, بس الحمدلله احنا كنا ساكنين بآخر دور العاشر فما كانت توصلنا الريحة

طبعاً اول يوم وصلنا ع المغرب فما كان يمدينا نروح مكان واساسا كنا تعبانين من الطريق الطويييييييييل ,,

بسس

هيهات هيهات

ارتحنا ساعه وبعدها ما صبرنا رحنا للديرة ستي سنتر تمشينا شوي وتعشينا وردينا نرتاح لرحلتنا لليوم الثاني

^
^
^

الله يحيج يا هاوية الاسفار

بدايه قويه وجميله
وإسلوبك في الكتابه ما شاء الله ممتع
كل التقرير من أوله يدل أنه سيكون تقرير من العيار الثقيل
فسجليني في الصفوف الأولى من المتابعين ،،،،

الفندق ما شاء الله جميل وغرفته تستحق لقب جناح ملكي
وحديقة الزهور في غاية الجمال والتنسيق والترتيب
وصورة برج خليفه بدل ما أقلب الشاشه إنقلبت أنا وشفتها ههههه
وبالهنا والشفا عليكم الغدا والشيكولاته

مستمتع بالتقرير وسأتابع بإذن الله

تعجبني القرية العالميه بدبي
تنظيم رائع وإسلوب عرض مرتب ومنظم بشكل رائع
يعطيكي العافيه صورك جميله جدا ومتنوعه

أستمري متابعك

ماشاءالله
ومتابعه بصمت وخاشه عنا هالموهبه باسلوب السرد الجميييل
ربي يهنيج خوش صور وخوش سفرة
زين سويتي صورتي كل شي
وان شاءالله متابعين معاج للآخر