بسم الله الرحمن الرحيم

أبو علي / قريت الخبر ذا !!

نجم / اي والله .. غريبه 120 سعودي مره وحده !!

( رابط الخبر المزعج )

ط£ط®ط¨ط§ط± 24 | ط§ط¹طھظ‚ط§ظ„ 120 ط³ط¹ظˆط¯ظٹط§ظ‹ ظپظٹ ط¥ظ†ط¯ظˆظ†ظٹط³ظٹط§.. ظˆط³ظپط§ط±ط© ط§ظ„ظ…ظ…ظ„ظƒط© طھطھط¯ط®ظ„ ظ„ط¥ظ†ظ‡ط§ط، ط§طXXXطھط¬ط§ط²ظ‡ظ…

نجم / تصدق كان في نفس اليوم اللي رحنا فيه للجبل

أبو علي / الحمدلله .. الله ستر علينا .. احنا مشينا بدري

نجم / وش السالفه ؟؟ وكيف مسكوا العدد ذا كله ف يوم واحد !!

أبو علي / آخر خبر .. يقولوا .. أنهم مسكوهم في مطعم الساعه 10 مساء وقت مباراة الهلال السعودي مع الاستقلال الايراني

3 شباب سعوديين تناولوا مشروبات روحيه !! وعملوا مشكله !! وجاء البوليس واخذ كل السعودين اللي بالمطعم .. وبالمره لفوا على كم كافي ومطعم !!

وحطوهم في باصات وارسلوهم جاكرتا !! وجاء السفير السعودي وفزع لهم وفكهم

نجم / يا سلام !! وش ذنب الباقي !! ايش الافتراء ذا !!!

أبو علي / هيا سواقنا جاء .. خلينا نمشي

( السواق تم الاتفاق معاه من جاكرتا عن طريق صاحب الشقه = 400 ألف = 120 ريال باليوم )

كان يوم مشمس حار .. للأسف

توجهنا نحو الألعاب البحريه

( الألعاب البحريه في بالي موجوده في شاطئ نوسا دوا فقط .. ووقتها من الصباح إلى الساعه 5 العصر )





وصلنا الساعه(12.30 ) وكانت الشمس قادحه ومافي غيوم !!! ورمال الشاطئ لهب !!

اخترنا 4 ألعاب ( البراشوت - الموزه - الدونات - المشي تحت البحر ) كل لعبه لها سعر

وبدأت المكاسره والحركات والأفلام .. وتم الاتفاق النهائي بعد نشفان الريق على سعر = 800 ألف = 240 ريال للشخص الواحد

الله يعين اللي معاه عائله !!! كنت اتوقع سعر أقل من كذا !!

( أسعار الكشك من كوتا كان الشخص = 400 ألف لنفس الألعاب لكن البراشوت لشخص واحد .. أما البراشوت اللي اخترناه الان أبو اثنين وهذا كان غالي )



البدايه بالبراشوت وكانت لعبه ممتعه جداً جداً .. محلق في السماء والبحر والفنادق تحتك .. قمة الروقان

وسواليف أنا ورفيقي وصفقنا وغنينا

شعوري لا يوصف .. كنت سعيد جداً .. تحقق حلمي بالطيران

لكن للأسف مدتهاقصيرة جداً ( 6 ) دقائق فقط !!! وممكن تزيد المده مقابل مبلغ زياده ( هذا الكلام ينطبق عل كل الألعاب .. تدفع زياده وتاخذ وقت زياده )





وبعدها الموزه .. لعبه بايخه عاديه .. كأنك راكب بوت .. مافيها أي متعه ( ربع ساعه )



ثم الدونات .. وهذي رهيبه ومثيره وما تتفوت أبداً ( ربع ساعه )



واخيراً السير تحت الماء .. تنزل على عمق ( 5 - 6 ) متر وعلى رأسك خوذه تنفس

وتمشي بين الشعب المرجانيه .. والسمك الصغير يحيط بك من كل جانب ( 20 ) دقيقه







في لعبه أخرى اتوقع أنها مثيره .. لكن ما ركبناها اسمها ( فلاينق فيش )



انتهينا الساعه ( 3 ) تقريباً

بعدها توجهنا نحو شاطئ ( باندوا )

شاطئ جميل كله اندونيسيين .. وجلسات وكشكات أمام الشاطئ

ارتحنا فيه وشربنا واكلنا جوز الهند حقهم











بعدها توجهنا نحو شاطئ ( جمباران ) لمشاهدة غروب الشمس

وصلنا الساعه ( 6 )

مطاعم تقدم وجبات بحريه على الشاطئ مباشرة .. وجلسات بمظلات

جلسه جميله جداً وراقيه وروقان ورومانسيه أمام الغروب وأمواج البحر والنسمه الجميله التي جاءت مع الغروب

كان يوجد عائلات سعوديه وخليجيه قليله بدون أطفال













طلبنا عشاء سمك مشوي .. قمبري مقلي .. رز أبيض .. كولا = 500 ألف = 150 ريال لشخصين !!!

السمك مش ولا بد .. مو على سعره الغالي للأسف !! والقمبري زين ..





على الساعه ( 8 ) جات فرقه موسيقيه تلف على الجالسين



كان يوم بحري أكشن بالالعاب .. ولكن !! مشمس وحر بصراحه في النهار .. وكان أمر مزعج !!

وذكرى الباراشوت لا تزال في بالي

صوره ختاميه لمنظر الغروب الجميل





يتبع ..

برنامج اليوم الاول في بالي //

الألعاب البحريه .. في شاطئ ( نوسا دوا )

شاطئ ( باندوا )

شاطئ ( جامباران ) مع العشاء البحري

أي والله الله يعين العائله لكن تجربتها جميله. جدا
شرق آسيا وشاطئ الجو لابد تتحمله شويه
أعجبتني المشي بالبحر ورؤية الشعب
حركه الجبل كانت لها انعكاس سلبي عليهم ونفعت كثير بتاديبهم حسب تصوري وكبح جماحهم عن البخشيش والتسلط
شاكر لك ومقدر

اكيد اخي الردادي كثير دول فيها استغلال بس من خلال مشاهداتي لتقارير كثير ناس ومن بعض الاقارب انه فيها

نسبة الاستغلال كبيرة

اندونسيا سارت حادثة ناس نعرفهم رغم اانه الحادثة ممكن تصير في اي بلد حتى السعودية بس نفسيا

اثرت عليه

وكلامك صحيح هناك ناس تروج لمصالحها الشخصية في الدولة الي يستثمرو فيها او يكون مشاهير

وتجيهم رحلات سياحية مجانية للدولة ويجلسو يمدحو فيها بشكل مبالغ دون توضيع السلبيات

الجلسات المطعم جميلة يعطيك العافية متابعين معك

أهلاً بك نجم ...

جولات مميزة جداً في الفاتنة بالي ....

أتفق معك تماماً في بُعد المسافات بين معالم بالي .. تأخذ وقتاً طويلاً

وهذه من الأشياء المزعجة ... أرى بأن توزيع السكن بين منطقتين خيارً ممتازاً ..

سعر التاكسي العادل والمتعارف عليه في بالي ( 350,000 ) روبية ..

الأكشاك المنتشرة في كوتا .. هي أفضل من تأخذ منهم البرامج السياحية ..

لكثرتهم هناك تنافسهم بينهم بتقديم السعر .. ولا ننسَ المفااااااصلة بالسعر ..

مطاعم شاطيء جمبران .. معروفة بالمبالغة بالأسعار ...

مستمتعين كثييييييراً معك يانجم ...