رحله الكريسماس 2016 (لندن- مانشستر- كارديف) - الصفحة 11

opera_kw · 10-01-2018, 08:32 AM

اليوم الحادي عشر : 31/12/2016

كان المفروض اكتب هذا الجزء قبل 3 اسابيع و كنت ناويه اخلصه قبل سفره السنه وحملت الصور بس كلش ماكان عندي وقت

المهم

هذا اخر جزء ان شالله

واخر يوم لنا

بالبدايه الريوق

على عيوب الاوتيل الا انه ريوقه متنوع اكثر من اللي سكنت فيهم بلندن ومانشستر

اول شي ركن السيريال

و الروب و الفواكهه ركني المفضل

والتوست والبيغل و البان كيك

والزبده والمربيات و العسل والنوتيلا

والاطباق الرئيسيه الساخنه

وعندهم بيض بانواعه

واهم شي

الحب الكبير

القهوه

حاطين مكينه القهوه تبع كوستا وانواع متعدده تسوي

الحمدلله عالنعمه ربي دومها

خلصنا وطلعنا

وهذا الاوتيل من برا

و تسوق لي اخر نفس

التمشي و التسوق كله كان حوالين فندقنا ابدا ما استخدمنا سياره للتنقل

دخلت بريمارك

والاسعار تنزيلات عالاسعار

اهو اوردي رخيص ومسوي سيل بعد

صورت نبذه مختصره عن الاسعار للي مايعرفه

ملابس البيبيات

واحنا نتسوق

عزكم الله ولدي كان يبي يروح الحمام

سالنا موظف بريمارك عن الحمام و اخذني مع ولدي مكان خاص للموظفين

اللي عجبني

تقديرهم للعاملين عندهم

حاطين لهم دور كامل فوق المحل

في استراحه وغرف تبديل وحمامات و مطبخ كامل وتلفزيون وصاله

بصراحه خنقتني العبره على دواماتنا

هذا اللي قدرت اصوره مابيهم يشوفوني

و استراحه قصيره

الاطفال ياكلون ايس كريم

وانا و ابوهم بالكافيه اللي مجابلهم

البرواني ما عجبني

بس القهوه زينه

يتبع...

الايمان, q8ya metnaqla, فارس الجبيل و 2 آخرون معجبون بهذا.

opera_kw · 10-01-2018, 09:11 AM

تابع اليوم الحادي عشر..

نتمشى فى الارجاء

والاطفال متعودين يشوفون الاشخاص اللي متنكرين واللي يعزفون على طووول يقولون نبي كووين نبي نعطيهم

يستانسووون ولازم يصورون

و زارا بعد اسعارهم رخييصه جدا

والمحلات كلها تنزيلا للحين ماخلصو

وهذا الماركت

في اشياء متنوعه من اكل و كماليات

اللبس الويلزي وينه يوم كنت ابيه

و طلعنا منه الى الشارع المقابل

ودخلنا محل بو ون باوند

انا وايد دقيقه واقرا كل شي وكل مكون

المهم للتنبيه هذا يحتوي على دهن خنزير (عزكم الله)

في ناس كل شي ياكلون بدون ما يدققون مصدر الاكل ومدى نظافته او حلال او شنو مكوناته

الهم يحشووون البطن

والى قلعه كارديف

والشارع المقابل

الشارع صارتلي فيه ذكرى سيئه كلما تذكرت والله افكر اقول شلون صار و الحمدلله الله نجى ولدي باعجوووبه

الحمدلله

احنا بنخطر الشارع و يعرفون عيالي انه لازم ننطر اشاره المشاره يصير لونها اخضر علشان نمشي

واحنا واقفين ننطر

ركض ولدي بالشارع يبي يروح الجهه المقابله

طبعا انا وقفت مثل الصنم مصدومه مادري شسوي

سيارات طايره واهو يخطر

انا حزتها ما كنت ابي اصرخ علشان لا يتدوده (مادري شنو ترجمتها يمكن وايد ناس مايعرفون هالكلمه)

كنت ابيه يركز على دربه وقاعده ادعي انه يوصل الجهه المقابله

بس اسمع اللي حواليني يصرخون

are you creazy

المهم وقف بنص الشارع

انا حزتها قمت الطم

غيبت مادري شنو صار مادري منو انقذه

فجاه شفته جدامي رجع

جان امسكه واصررررررررررخ عليه واطقققققققققه من خوفي والله

اطقه وانا اللي ابجي

والاجانب ماهموني خليهم يقولون تعامل الطفل بعنف

الحمدلله عدى الموضوع وخطرنا الشارع

ودخلنا محل التذكارات

و محل الرغبي حق ولدي بس كله ملابس كبار للاسف ماكو صغار

يتبع...

الايمان, q8ya metnaqla, فارس الجبيل و 3 آخرون معجبون بهذا.

الايمان · 11-01-2018, 08:20 AM

الحمدلله على السلامة
ان شاءالله في تقرير ايطالي
من كثر ماشفت الكيكة الويلزية في تقريرج وتقرير ام حسين شوقتوني عليها
الله حفظ ولدج موقف صعب لكن الحمدلله الله الحافظ

فارس الجبيل, توبليرون و فيصل معجبون بهذا.

q8ya metnaqla · 11-01-2018, 09:40 AM

الحمدلله على السلامه
والله عداه الشر ولدج
يازين كارديف توني راده منها بس ما شبعت ابي ارجع لها
ههههههه اما اللي يحشون البطن انا كنت منهم بس بعدين لا بديت اقرا
وتسلم الايادي على التقرير الحلو

Sent from my iPhone using Tapatalk

فارس الجبيل, توبليرون, فيصل و 1 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

توبليرون · 12-01-2018, 12:52 AM

يعطيج العافيه على تقرير كارديف الجميل
الشارع هذا كله محلات وما ودج تطوفين اي محل فيهم
وبالعافيه عليكم كل ماشريتو من لبس واكل
واما الولد حرام مسكين ابروحه اتدوده من كلام الاجانب ورجع الحمدلله هالنوب توليته بس ميخالف يتعلم من اخطاءه
وكل طراق بتعلومه
وربي حفظه الف حمد وشكر

انا مثلج اذا صار موقف يخرع او اي شي يصير باليهال من الخوف اتبريد واحس اريولي ما تشيلني واسكت

المهم انه بخير
متابعين معاج الايام الاخيره من السفرة

فيصلمعجبون بهذا.

opera_kw · 14-01-2018, 09:30 AM

اقتباس : المشاركة الأصلية كتبت بواسطة الايمان

الحمدلله على السلامة
ان شاءالله في تقرير ايطالي
من كثر ماشفت الكيكة الويلزية في تقريرج وتقرير ام حسين شوقتوني عليها
الله حفظ ولدج موقف صعب لكن الحمدلله الله الحافظ

الله يسلمج مشكوووره

ان شالله في مقتطفات من السفره مافي تقرير كامل

ترا الكيكه ماجربتها بس شمينه الريحه

مشكوووره وايد والله يحفظ الجميع

توبليرون و فيصل معجبون بهذا.

opera_kw · 14-01-2018, 09:32 AM

اقتباس : المشاركة الأصلية كتبت بواسطة q8ya metnaqla

الحمدلله على السلامه
والله عداه الشر ولدج
يازين كارديف توني راده منها بس ما شبعت ابي ارجع لها
ههههههه اما اللي يحشون البطن انا كنت منهم بس بعدين لا بديت اقرا
وتسلم الايادي على التقرير الحلو

Sent from my iPhone using Tapatalk

الله يسلمج يارب

تصدقين عاد حسيتها وايد صغيره ومافيها شي وايد مثل لندن او يمكن انا ما فتريت فيها عدل

بس ونيسه

آخـــرفـــرصـــة, توبليرون و فيصل معجبون بهذا.

opera_kw · 14-01-2018, 09:36 AM

اقتباس : المشاركة الأصلية كتبت بواسطة توبليرون

يعطيج العافيه على تقرير كارديف الجميل
الشارع هذا كله محلات وما ودج تطوفين اي محل فيهم
وبالعافيه عليكم كل ماشريتو من لبس واكل
واما الولد حرام مسكين ابروحه اتدوده من كلام الاجانب ورجع الحمدلله هالنوب توليته بس ميخالف يتعلم من اخطاءه
وكل طراق بتعلومه
وربي حفظه الف حمد وشكر

انا مثلج اذا صار موقف يخرع او اي شي يصير باليهال من الخوف اتبريد واحس اريولي ما تشيلني واسكت

المهم انه بخير
متابعين معاج الايام الاخيره من السفرة

الله يعافيج

اي الشارع وايد عجيب كملنا مشترياتنا منه

شنسوي بعد احنا الامهات قلبنا بس المفروض نصير اقوى مثل القطوه اللي تهجم لمن عيالها يصيرون بخطر

ان شالله بنزل الجزء الاخير

توبليرون و فيصل معجبون بهذا.

opera_kw · 14-01-2018, 09:51 AM

الجزء الاخير

و من بعد جوله قصيره بالشوارع

رحنا ندور على شارع اتوقع اسمه (سيتي روود) ماني متاكده من الاسم

بس الهدف منه كان الوصول الى شخص هناك عنده بقاله و موصينه احد الاصدقاء انه نوصله (مجلات العربي)

المهم انا ماشيه على قوقل ماب

و احنا ماشين صادفنا شخص عربي ساله زوجي عن الشارع وعلى طول قاله تبي مطعم لا شيشه

قلناله لا نبي البقاله

الظاهر المطعم مشهور بالشارع

و وصف لنا ووصلنا الشارع

وهذي البقاله

ووصلنا الامانه للشخص

لكنه حلف يعزمنا على الاكل

اكرمه الله بس انا ما احب ارتبط باحد خصوصا بالسفر

واحنا عارفين العرب كرما لازم يعزمون ويكرمون

لكن ابي اكمل تسوووق و الاطفال بعد يبون محل رياضه

كلش ماكو وقت لكنه اصرررر وحلف الا يعزمنا

وزوجي استحى يرده

ورحنا مطعم لا شيشه

مطعم حلال

يمكن اول مره بحياتي الترحاليه ادخل مطعم عربي اكل فيه

شبعانين مشاوي وعيوش بديرتنا

احب لمن اسافر اكل من اكل الدوله نفسها او اي شي خفيف يمشي حاله

ماقصر طلب لنا مشاوي وعيش و مرق باميه

بس الله يسامحه

كل المحلات سكرت

عموما

رحنا نتمشى

ونشوف الاستعدادات لرأس السنه

و لعنا بالالعاب و حصلنا هدايا

واستانسو اليهال

و رجعنا الاوتيل نسكر جناطنا و نشوف الالعاب الناريه من الشباك

و خلص اليوم

و الصبح طلعنا مع سايق كويتي من فئه البدون انتقل للعيش هناك واسرته بالكويت

عنده سياره خاصه وكبيره الله يعافي اللي عطانه رقمه

ماقصر ويانا

ووصلنا من كارديف الى مطار هيثرو

ووصلنا الكويت الحبيبه يوم 1/1/2017

.................................................. ......

شكرا جميعا عالمتابعه والتعليق

شكرا على كل كلمه

شكرا ولو انه التقرير لم يشمل كل شي لكن اتمنى اكون افدتكم ولو بشي بسيط

الايمان, آخـــرفـــرصـــة, q8ya metnaqla و 3 آخرون معجبون بهذا.

الايمان · 14-01-2018, 01:07 PM

ابدعتي يا ام بدر
دايما تقاريرج من التقارير المميزة بالمعلومات المفيدة والمرتبه اللي نستفيد منها
عليكم بالعافية السفره والمشتريات
استمتعنا معاكم بالتقرير وحسيت كاني مسافرة معاكم
ان شاءالله نشوف تقارير يديده من ايدج
شكرا على التقرير الرائع

آخـــرفـــرصـــة, توبليرون و فيصل معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة عائلية الى لندن - مانشستر - ويندرمير - ليستر - بريستول بعدسة ابومشاري 2016	abomishary	بوابة بريطانيا	361	20-05-2019 11:21 AM
رحله لندن الخريفية 2016 أكتوبر	Meme Bahrain	بوابة بريطانيا	47	03-01-2018 05:10 PM
استفسار بخصوص الذهاب من لندن الى مانشستر	isloom_y20	بوابة بريطانيا	11	25-11-2016 02:25 PM
الافضل البقاء في لندن او لندن + مانشستر	q8ok	اوروبا	5	05-03-2016 01:54 AM
قطارات مانشستر - كارديف	منيرة	اوروبا	24	09-05-2015 08:27 PM