نكمل معاكم والجزء الأخير
السبب



لا لا مو من السمبوسة
بل كان التمشي بالمباركية المفروض ما امشي لان صابونة الركبة عندي تحركت قبلها بيوم

وبعدت بيوم ما قدرت امشي عليها
ووقفت العلاج الطبيعي

ام حسين على الكرسي المتحرك



وتوقف الريوق بهالاسبوع
وبنهاية الأسبوع حسين ولدي دخل المستشفى

وانتظار انتهاء العملية




وبعد خروجه من العملية للافاقة وتطمنا عليه





رحنا نتريق بالغرفة

عصير من كافيه بين
باين اني قاعدة على الكرسي



وريوق المرافق










وباقات الورد قامت توصل







وباليوم الثاني رحت مع البطل يوسف للمستشفى
وقبلها قال بريقج يمه باحسن مطعم
قلت يلا
والا يوديني هالمطعم



بدر البدور


المطعم معروف بسندويشاته اللذيذة للشباب

قال يمه شنو تبين ؟؟

قلت له هاا مابي
قال ليش قلت له سندويشة حلوم

يا لنا الريال وطلب يوسف وانا اشوف الريال يصبب عرق ويسمح عرقه بأيده

قلت حق يوسف مابي خلاص
قلت له ماتشوف الريال والله ما اكل من ايده
قال لا مو اهو اللي يلف الصمون
قلت مابي خلاص
عاد هني نزل يوسف وصور لي العامل اللي يلف الصمون
ولابس الدس البلاستيك
وهذه صور من داخل المطعم








وهذا يوسف ياكل مستمتع




وانا اقلب بالجيس مو مشتهية أكل




صمونة يوسف ههههه




وبالاخير اكلت السندويشة بضمانة يوسف

وبعدها حليت بالكوفي في المستشفى




وبالنهاية لهذا الموضوع حبيت اهديكم الورد











وجف الورد ونظفت الفازات







ومع السلامة والى اللقاء في مواضيع قادمة

بالعافيه ام حسين

بالعافيه ام حسين

دائما مبدعه وجلسة البحر في الجو الحلو مافيه مثلها

عليكم بالعافية
ام حسين
الكافيهات الي على البحر
والمارينا جميلة
اعجبني المنيو الدفتر

ياحلو الكويت💗💗💗

ما شاء الله أم حسين إبداع وذائقة منوعة وجميلة للفطور

تسلمين على التقرير الأكثر من رائع والله يعطيك العافية

وإن شاء الله نزور الكويت ونجربها