مطعم الشيف رامسي Ramsay

q8ya metnaqla · 28-02-2015, 10:20 PM

التقرير هذا لفيصل وشارلوك والايمان

هذا الموقع الالكتروني تقدرون تحجزون منه وفيه العنوان

Gordon Ramsay Group Restaurants | London restaurant reservations

الحجز اقل شي قبلها بشهرين واكثر

اصله : انجليزي - ايطالي - فرنسي

تقيمي : 10/10

اسم المطعم : gordon ramsay

الاكل : لذيذ

المكان : ممتاز اشوي بعيد عن سنترنا في لندن

السعر : غـــالــي

الخدمة : ممتازه

المميزات : كل شي اوك بس سعره مرتفع

الشيف رامسي من اصل اسكوتلندي مواليد 1966 وحاصل على 3 نجمات من ميشلن ,, اول مطعم سنه 1998 غوردن رامسي اللي راح احطه لكم واشتغل قصر الملكة وحاصل على اكثر من جوائز عالميه ..
معلومات اكثر فيwikipedia

يـــــابــــــلــــد الضبـــــــــــاب

وصورة الشيف

والمطعم من برا

طاولتي

المطعم اغلبه جوج وماجوج وانجليز
مااااافي عرب الا انا

الطلبات
هذي الشوربه بس تذواقه شوربه دياي والزبده الطبيعيه

كل جم شهر يتغير المنيو

انا حجزت قبلها 3 اشهر تقريبا ودزيت لهم ايميل اني اول مره ازور لندن واخر مره ولازم اجربه يعني جذبت عليهم

الرافيولي بالوبستر والكافيار الاسود
لذيييذ

الطبق الثاني كوسكس وسمج نفس نوع الهامور وقباقب crab وكافيار و ورد
الطعم غريب اول مره اجرب هالخلطة وصوص الورد شي صراحه ( فقط للذوااااقه ) اهل المجابيس برا لوسمحتوا

صح الكمية اشويه لكن لما كليت هالاطباق وحليت شبعت
وملاحظه ترا انا من الشعب الاكيل بس لما كليت في رامسي عادي كان عندي
اهل المجابيس فيصل وامون الله يعينكم

وقت الحلوو

هذا للتجربه مانجا وباشن

وهذا الشوكلت سيجار

دارك جوكلت وملك جوكلت وصوص فراوله مع ليمون وايس كريم فانيلا

والالذ جيز كيك الليمون وايس كريم فانيلا بالهيل وسكر شي لذييذ

وهذا الجزء خاص للايمان
لانها من محبين القهوه وانا من محبين الحلو

اسبرسو

وهذي ضيافتهم لي كانت
بريد بالكاكاو و ترافل دارك شوكلت وشي مثل الجلي الطعم وااااو

وهذي لكم يا احلى اعضاء

وفاتورتي والسعر غالي

وعقب ماخلصلت ياني المدير واهو فرنسي و بصراحه وايد كان ذوق والويتريه كلهم ممتازين وقالي تعالي شوفي المطبخ من داخل والله ودخلني وصورت جم صوره

وانتهى تقرير الخفيف عالمعده والغثيث عند ناس
ونطروني في مطاعم يايه

نانا ابو عابد و Huda55 معجبون بهذا.

MOHANAD · 01-03-2015, 01:11 AM

الله على الروقان الله يسامحك وقت نوم الحين ولازم المعده فاضيه ودي اقوم ادور شي آكله بعد عالتقرير
الاكل رايق ومبين كلام ثاني الطعم
بإذن الله يكتب لي زياره للمطعم
يسلمــــــو

نانا ابو عابدمعجبون بهذا.

غلاتي · 01-03-2015, 01:37 AM

الشيف رامسي شيف معروف ومشهور وصارم اذكر له برنامج ع الـ mbc 4
شكل الاطباق شهي جداً وتحفه فنيه للتصوير بس مع اني منيب راعية كبسات هههههه
والشوربه ليش كثير كذا
مبين على المطعم انه هاي كلاس والدليل فاتورته
يعطيك العافية كويتية

نانا ابو عابدمعجبون بهذا.

ابو سلوى · 01-03-2015, 07:16 AM

محترفين في تصميم الوجبات بشكل جداً راقي ..
تقرير مرتب مشرفتنا/ q8ya metnaqla

نانا ابو عابدمعجبون بهذا.

وجهات أوروبية · 01-03-2015, 10:12 AM

ههههههه يأجوج ومأجوج
ادري فيهم بكل مكان

ماشاء الله مرفتنا ابدعتي والله بالصور والشرح الجميل
عليج بالعافيه ان شاء الله

المكان مرتب ومطبخهم نظيف

والشيف رمسي طبعا مشهور عالميا من جذي اكله غالي

الله يعطيج العافيه مشرفتنا وبارك الله فيج

نانا ابو عابدمعجبون بهذا.

طوق الياسمين · 02-03-2015, 02:08 AM

شكله حلووو

لكن وين تنصحينا نتعشى بعد النقنقة عندهم هههههههههههههههههه

عليكم بالف عافية

نانا ابو عابدمعجبون بهذا.

MOBARKI · 02-03-2015, 02:46 AM

اطباق ماهي للأكل اتفرج فيها بس

مزينة ومزركشه وكمية الاكل قليلة

عليك بالعافية

نانا ابو عابدمعجبون بهذا.

عاشق الخالد · 02-03-2015, 09:30 AM

ياعيني ياعيني

مطعم راقي للناس الرايقة

هذي لو عندي أتصور معها بس لأنها مااش ماتخارج

يعطيك العافية على التقرير الرااائع

نانا ابو عابدمعجبون بهذا.

Haksa77 · 02-03-2015, 03:00 PM

سلمت أياديكـ مشرفتنا العزيزة
ع التقرير المميز
شكلو مطعم مزيان بالزاف

نانا ابو عابدمعجبون بهذا.

توبليرون · 03-03-2015, 02:02 AM

عوافي صحة وهنا يا ابراري
هذا اللي يسمونه اناقة المطاعم
صور وتقرير انيق مثل راعيته

نانا ابو عابدمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مع دخول الصيف لاتترك الكاميرا بالسيارة	وليد عنبه	بوابة الكاميرات	10	23-05-2015 07:44 PM
الشيف «روبوت»	وليد عنبه	عام	25	01-05-2015 02:20 PM
بعض الصدف خير من الف ميعاد..	نونا	عام	44	28-03-2015 09:49 PM
رحلة لبنان فى الصيف	saberostta	بوابة الدول الاخرى	1	28-02-2015 05:51 PM