X سُعداء بتواجدكم بيننا ونتمنى لكم قضاء وقت ممتع ،نأمل منكم زيارة صفحة شروط الإستخدام ،تفضلوا مشكورين بالتسجيل لإثراء الجميع بخبراتكم السياحية
Loading...







عدد المعجبين242الاعجاب
إضافة رد
 
LinkBack أدوات الموضوع انواع عرض الموضوع
قديم 17-07-2017, 01:35 PM   #21

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,393



أوسـمـة: ابو عبدالله

كل الاوسمة:1 (more»)
افتراضي


اجل بغيت تدرعم بالبيت تبي تفطر

ثلاث ايام قليله
صادق الاغلب شهره هولندا بالقريه

عاد القارب تجربته بين القنوات ما تنسي

الشعب أجل متذمر من هالسياح

امستردام أو اي عاصمه اذا مدتك قليله الباص افضل حل لزياره المعالم

افا الحديقه مقفل شكلم مستعجل ما بحثت عن مواعيدها ابوعبدالله

حتي الزحليقه بعيده


قدر الله وما شاء فعل

للحين موجوده لعبه الطائف علي ذمه واحد يقولي قبل اسبوع عنها




تحياتي لك
هلا ابو خالد ... حياك الله وشكرا لمرورك وتعليقك ... اذا سافرت مااحب اعرف عن البلد كلش بالتفصيل بس رؤوس اقلام ، احب انصدم شوي ماابي ينحرق شي او اتخيله اجمل ويطلع اقل ! ممكن فكرتي غلط شوي بس وش اسوي

شهاليوم اللي مش فايت
الحمدلله انكم لعبتوا اخيرا
بوعبدالله چان قلت لهم انا مع القروب من الاول "قص عليها "
بانتظار الباقي
هلا ام حسين .... لا والله حتى مع الحوسة طلع حلو مره الحمد لله ... النهار جدا طويل ويقدر الواحد يتعامل مع التغييرات شوي .. خلصت كل النكابات وبقي وحده بس

شكرا لحضورك ودعمك

ارفع صور الجزء الجديد وانزله ان شاء الله

 

فيصل, توبليرون و الايمان معجبون بهذا.
ابو عبدالله غير متواجد حالياً   رد مع اقتباس
قديم 17-07-2017, 07:44 PM   #22

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,393



أوسـمـة: ابو عبدالله

كل الاوسمة:1 (more»)
افتراضي

معليش طولت بهالجزء ... لازلنا بنفس اليوم وبهالجزء بنخلصه ان شاء الله وكانت محطتنا التالية (ديزاينر اوت لت روموند )...
يقال بأنه من اكبر اسواق الاوت لت في اوروبا ويضم اكثر من 200 محل من مختلف الماركات ..
يبعد عند امستردام ساعتين بالسيارة و نصف ساعة من دوسلدورف ... فيه نقل ترددي بين محطة الباصات الرئيسية في دوسلدورف والسوق مقابل 15 يورو للشخص ( اقل من 3 سنين مجانا ) و 20يورو بين السوق وكلونيا ... تقدرون تجزون التذكرة اون لاين او تشترونها من نفس الباص .

اللي معه سيارة المواقف اعتقد طول اليوم ب 3 يورو .. تاخذ تذكرة عند الدخول وتحاسب عن بوابة السوق وانت طالع قبل تركب السيارة ..

- اطلب من المحل اوراق استرجاع الضرايب ( تاكس فري ) اذا مشترياتك من 51 يورو واكثر ..
موقع السوق على النت :
https://www.mcarthurglen.com/nl/desi...t-roermond/en/

الموقع على قوقل ماب :
https://www.google.com.sa/maps/place...36!4d5.9894304

- فيه واي فاي مجاني
-







السوق حلو وكبير ومرتب



الخدمات والكافيهات والمطاعم منتشرة














ماطولنا بالسوق لان اليوم انحاس الجدول شوي ... خلصنا بعض المشتريات وتغدينا بالسوق في مطعم اسيوي حلال وكان بوفيه مفتوح .... ماكان مكتوب من برا حلال بس يوم دخلنا لقيناه كاتب على الوجبات الحلال (حلال) .... بعد السوق كان عندنا وجهة رئيسية وكانت في طريق العودة لامستردام وبما انه الشمس ماتغيب الى الساعة 10 وشوي فكان وقت حلو لزيارة قرية الطواحين اللي مصنفة من قبل اليونسكو كاحد مواقع التراث العالمي والقرية قريبة من مدينة روتردام المعروفة واحد اكبر الموانئ في العالم ... القرية هي كيندرديك kinderdijk ... طبعا قرى الطواحين في هولندا كثيرة اعتقد واحنا زرنا وحده ثانية قريبة مره من امستردام او تعتبر من ضواحيها وبيجي الكلام عنها ان شاء الله ...



وصلنا للمكان الساعة 8 تقريبا والحلو انه مثل ماقلت النهار طويل والجو جدا حلو وبوقت زيارتنا كان النهار غيوم او صحو والليل مطر ... قليل جدا يصادفنا مطر بالنهار ... بس اللي موب جميل انه الاماكن تقفل الساعة 5 او 6 ...



سالنا وحده تمشي وقالت انه الان مقفل المكان بس تقدرون تتمشون عادي بس ماتقدرون تدخلون للطاحونه ولا الجولة في النهر ...










وزن الراس اللي فوق ( المراوح والقرص اللي راكبه عليه يوصل الى 15 طن )

















اقل شي يقال عن المكان انه رائع



المراوح مركبة على قرص متحرك عشان يلفون المراوح باتجاه الريح .. وعملة التحريك عن طريق ( دركسون ) او مثل عجلة القيادة في السيارة موجود خارج الطاحونة





المكان جدا مليان طواحين




صدناه وهو مولع دافوره او مدري وش اسمه في المنطاد
















جلسنا في القرية الى بدايات حلول الظلام والحقيقه اغلاق الفعاليات ماكان له اي تأثير .. يمكن كان احلى لان مافيه زحمة ناس وكان هدوء ... غادرناه بعد اكثر من ساعتين فيه وكان ودنا نجلس زيادة ... المكان فعلا يستحق الزيارة ويمكن ركوب القارب تكشف اماكن ثانية اكثر جمال ....
موقع القرية
https://www.kinderdijk.com/discover/...orld-heritage/

الموقع على خرائط قوقل
https://www.google.com.sa/maps/place...72!4d4.6368796

 

ابو عبدالله غير متواجد حالياً   رد مع اقتباس
قديم 18-07-2017, 01:31 AM   #23

المدير العام

 
 
تاريخ التسجيل :  Dec 2014
رقم العضوية : 15
المشاركات : 16,462



افتراضي

خدمكم الوقت حقيقه بغروب الشمس


السوق هل هو مغري للتسوق

الطواحين لابد من زيارتها متعه

الصوت أكل علك وتمشي الأمور

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


فيصل غير متواجد حالياً   رد مع اقتباس
قديم 18-07-2017, 05:47 PM   #24

مسافر متميز

 
 
تاريخ التسجيل :  Mar 2015
رقم العضوية : 2362
الجنس : انثى
المشاركات : 137



افتراضي

تقرير مرة رائع

وانتظر البقية

ياجماعة رحلتي بعد 3 اسابيع ومحد يرد ع المواضيع

 

مسافرة مسافرة غير متواجد حالياً   رد مع اقتباس
قديم 18-07-2017, 06:39 PM   #25

المدير العام

 
 
تاريخ التسجيل :  Dec 2014
رقم العضوية : 15
المشاركات : 16,462



افتراضي

بيردون إن شاء الله

أبوعبدالله تصدق مثلك أخذ رؤوس أقلام

أبو عبدالله لا تقصر مع الأخت رد

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


فيصل غير متواجد حالياً   رد مع اقتباس
قديم 20-07-2017, 02:19 AM   #26

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,393



أوسـمـة: ابو عبدالله

كل الاوسمة:1 (more»)
افتراضي


خدمكم الوقت حقيقه بغروب الشمس


السوق هل هو مغري للتسوق

الطواحين لابد من زيارتها متعه

الصوت أكل علك وتمشي الأمور
عز الله نهارهم يصلح للفلاليح اللي عمالهم باليوميه ... والسوق جدا كان حلو وقت روحتنا ...


تقرير مرة رائع

وانتظر البقية

ياجماعة رحلتي بعد 3 اسابيع ومحد يرد ع المواضيع
شكرا لردك والباقي في الطريق ان شاء الله ..


بيردون إن شاء الله

أبوعبدالله تصدق مثلك أخذ رؤوس أقلام

أبو عبدالله لا تقصر مع الأخت رد
ابشر ....

الجزء الجاي عن منطقة قريبة مره من امستردام ومررره مسليه كانت .... الحين برفع الصور وانزل التقرير خلال اليوم ان شاء الله ...

شاكر للجميع حضورهم ودعمهم

 

ابو عبدالله غير متواجد حالياً   رد مع اقتباس
قديم 23-07-2017, 12:26 AM   #27

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,393



أوسـمـة: ابو عبدالله

كل الاوسمة:1 (more»)
افتراضي

اليوم هو اليوم الاخير في هولندا ... وكانت النية زيارة قرية قريبة من امستردام عشان القبقاب الهولندي ... القرية هي زان دام ودام معناها سد يعني تكون سد زان ومثلها امستردام ودام سكوير وغيرها ...
زاندام تبعد عن وسط امستردام حوالي نصف ساعة بالمواصلات العامة ويمرها ايضا الباص السياحي ...



القرية على قوقل ماب
https://www.google.com.sa/maps/place...61!4d4.8223382






متوفر مواقف سيارات اليوم بـ 10 يورو او ب 7 وشوي للي يشتري تذكرة زيارة القرية ..
التذاكر نوعين فيه نوع للمتحف فقط ونوع للمتحف + القرية ...
اول ماوصلنا وقفنا سيارتنا والمواقف جنب المتحف بس مافكرنا ندخل المتحف خصوصا بالبداية ... بدينا الجولة وكان اليوم برد شوي بسبب الهواء ... اول محل قابلنا كان محل ملابس وتذكارات ... لفة سريعه فيه وطلعنا ....









من اول الاماكن اللي قابلتنا حوش صغير للغنم



بعض الناس يدخل ويصور مع الغنم ...
اول متجر او فعالية قابلتنا كانت مصنع الاجبان ... بس كان عنده سرا طويل صينيين .... كان فيه مجموعة صينين كبيره ومسوين زحمة بس لحسن الحظ كانت بداية جولتنا هي نهاية رحلتهم ....



طبعا تعدينا المحل عشان السرا الطويل ... وكملنا تمشية وبدينا شارع الطواحين


وصلنا او طاحونه واعتقد كان الدخول بـ 4 يورو للشخص ... بس قال لنا الموظف انه نقدر نحصل على تذكرة زيارة القرية من المتحف وفيها مميزات كثيرة ... فرجعنا نشوف سالفتها ودخلنا المتحف وشرحت الموظفة لنا عن التذاكر الليي بس للمتحف واللي للقرية واخترنا تذكرة القرية وكانت بـ 15 للكبير و 10 للصغير وشرحت لنا عنها انها تعطينا :
- دخول اي طاحونه من الطواحين مجانا ( نصحتنا بدخول الطاحونة رقم 3 ) قالت انها الافضل . ودخول الطواحين اللي بعدها بنصف السعر ان بغيت ..
- دخول الطاحونة الصغيرة مجانا
- خصم 10 بالمية في كل المتاجر اذا شريت ب 10 يورو فأكثر.
- دخول المتحف مجانا
- دخول كل المتاحف الصغيرة بالقرية مجانا مثل متحف الاجبان وصناعة القبقاب وغيرها ...
- خصم 10 % على تأجير الدراجات
- خصم على مواقف السيارات.
اخذنا تذكرة القرية والتذكرة عبارة عن كرت كبير فيها صور كل المحلات ... وكل محل تدخله يشطبون على صورة المحل بمعنى انك خلاص دخلت ( الدخول مرة وحده ) ..








بدينا الجولة المرة هذي من متحف ومتجر القبقاب

Kooijman Wooden Shoe Workshop - Home





































طلعنا منه



وكانوا الصينيين رايحين ومافيه احد عند محل الجبن ... فانطلقنا له ووقفنا عند الباب حسب اللوحة .. لان فيه قروب قبلنا .. واحنا واقفين جا كم صيني ( مايخلصون بكل بقعة في الارض وان ضحكت له طيح الميانة وصقط عليك ) .. فتحوا الباب ودخلنا وكانت البداية بصالة يشرحون فيها عن طريقة صنع الجبن والمراحل اللي يمر بها وعينات اجبان من عمر شهر الى سنتين .. طبعا اللي سنتين كانها صخره من قساوتها ...وكانوا حاطين لوحة ممنوع التصوير فما صورنا .. بس الصينيين صوروا .... بعد الشرح ذوقونا جبن وقالوا في المتجر انواع كثير من الجبن وتقدرون تتذوقون براحتكم ....

المتجر جدا مرتب


وممكن الواحد يشتري منه هدايا لو حب











بعد الجبن طلعنا لشارع الطواحين





كل وحده من الطواحين لها نشاط معين ... فمثلا فيه شي لنشر الخشب وهذا بدال الطاحونة حاطين مناشير بس مادخلته ... دخلنا اللي نصحتنا به الموظفه وكانت مطحنة الدقيق ... وليش نصحتنا بها .. لان تقدر نصعد فوق عند المراوح ..



من عند السهم الاخضر الصعود لفوق والسلم اللي تشوفونه قدام هذا للنزول ... طبعا الصعود والنزول جدا صعب .. واللي عنده فوبيا من الاماكن المرتفعة لا يرقى لانه ماراح ينزل !!!

خلف السلم فيه رحى الطحن



ويقال حسب النشرة اللي من المتحف ان وزنه يصل الى 5 اطنان ... ودورانه يكون بواسطة المراوح اللي في الاعلى ...

صعدنا فوق





المكان حلو مره ويعطي اطلاله جميلة على القرية ..

بعد ماتصعدون تكون مرة قريبين من المراوح بس فيه حاجز لسلامة الزوار يمنع من المرور تحت المراوح مباشرة ... بس تقدرون مثلا تصورون معها من جنب ...

طبعا المراوح يتم تحريكها بإتجاه الريح لتتم عملية الدوران ... الجزء المتحرك اللي راكبه فيه المروح واللي يتم تحريكه يصل وزنه الى 15 طن ... ويتم تحريكة بواسطة عجلة بطريقة معينة
وهذي صورة العجلة وشوفوا حجمها مقارنة بالناس



طلعنا من المكان ورحنا للطاحون الصغيرة وكانت مخصصة للبهارات ...


وكان فيها عرض عن نشأة القرية


عندهم تحدي حلو ... اختبار للشم ... تحاول تتعرف بالشم على اعتقد خمس روائح من التوابل ...
مااخذنا شي منهم .. اسعارهم جدا غاليه
وطلعنا ...



كملنا تمشية ...




لقينا محل نجار او هو حداد ...المهم انه يصلح براميل الخشب ...





فيه شايب جلس يشرح لنا عن الطريقة وكيف ينجرون الخشب عريض من المنتصف وانحف عند الاطراف ثم ينقعونه اسبوعين بمويه ثم يركبون حلقات الحديد بطريقة معينة ... سالفة طويله .. صناعة البرميل الصغير تستغرق شهر تقريبا ...
محله حوسة ... يذكرني بورش الشياب خصوصا حقين المكاين ...

طلعنا من عنده



خذنا بريك بواحد من الكافيهات



ثم كملنا جولة









ختمنا زيارة القرية بالمتحف الكبير اللي اخذنا منه التذاكر



هذي الشاشة تتكلم عن ازياد استخدام الطواحين الهوائية وكل ماتحركتوا قدامها يمشي المؤشر معكم وتتغير المعلومات ..




المتحف فيه ايضا متحف لصناعات ثانية مثل مصنع للبسكويت وتشوفون مراحل صناعته ...

القرية جدا جدا جدا ممتعه وجميلة والساعات الست اللي جلسناها فيها مرت بسرعه وبما ان الباص السياحي يمرها فاقترح تكون ضمن جولة الباص ...

بعد القرية رحنا لمطعم حلال كان طالع معي بقوقل ماب وتغدينا فيه ...

بعد الغدا كانت وجهتنا الى مادورودام او هولندا الصغرى .. كانت المسافة تقريبا ساعة بالسيارة

المكان يقع على مساحة 2 كيلو متر تقريبا ويضم العديد من المعالم الهولندية مصغرة عن الواقع بـ 25 مرة ...

https://www.google.com.sa/maps/place...69!4d4.2969418

يمكن الحجز عن طريق الموقع
https://www.madurodam.nl/nl
او من شباك التذاكر ....
وصلنا تقريبا الساعة خمس المساء ووقفنا سيارتنا ...
يوم جيننا ندخل طلع الباب مقفل وجتنا الموظفه .. وقالت معليش اليوم قفلنا بدري عشان بنطلع حفلة مع الموظفين !!!! حسيت اننا زايرين 2ب مو معلم سياحي !! خلاص وش نسوي !! قلت نروح روتردام ... بس شيكت بقوقل لقيت كلش بادي يقفل عندهم ... تمشينا بالمنطقة المحيطة شوي ثم رجعنا وتمشينا بالقرية حقتنا شوي بالسيارة ...
الى هنا انتهت زيارتنا لهولندا لان بكرة الصبح ان شاء الله بنرجع لسفينتنا ومعها الى بريطانيا ...

اتمنى اني اضفت شي او افدت احد ولو بجزء يسير واقول لاي احد حاب يزور هولندا ومتخوف ان البلد جميل جدا ويستحق الزيارة وبالنسبة لي لو بجلس 10 ايام متاكد بكون كل يوم باكثر من مكان جديد ومتع جديدة ...
شكرا لكم

 

ابو عبدالله غير متواجد حالياً   رد مع اقتباس
قديم 29-07-2017, 07:49 PM   #28

مراقبه عامه

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 20,897



أوسـمـة: توبليرون

كل الاوسمة:3 (more»)
افتراضي

روووعه يعطيك العافيه
اخاف اراوي بوحسين التقرير يقول يلا مشينا
من سنتين وهو وده يزور هولندا
وان شاءالله نروح لها

جميله الطواحين وماشاءالله كل طاحونه ولها عمل محدد

اللي يضيق الخلق انهم يسكرون مبچر
عليكم بالعافيه الاستمتاع وان شاءالله تروحون لها مره ثانيه
والتقرير نافع جداا جزاك الله خير

 

توقيع : توبليرون

لا أكتب الا في العرب المسافرون
اختكم : ام حسين

توبليرون غير متواجد حالياً   رد مع اقتباس
قديم 30-07-2017, 12:15 AM   #29

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : Cardiff
الجنس : انثى
المشاركات : 9,814



أوسـمـة: q8ya metnaqla

كل الاوسمة:2 (more»)
افتراضي

بوعبدالله حط في بالك ترا أغلبيتنا ننطر اي تقرير منك لو صفحه
لان عارفين تميز وتجارب بوعبدالله الحلوه
تميزت في اختيار الفيري حبيتها جنكم طالعين بكروز صغير

اختيارك للسكن ممتاز
اختيار جيثرون فوق الممتاز ولو ساكن فيها اتوقع ما راح اتكمل الجدول اللي حاطه
امستردام ووافلها و بطاطها شي لذيذ

جولتكم ثاني يوم حديقه الورد زرتها في الفين وواحد كانت شي ولا في الخياااال ألوان غريبه عجيبه ديزاينات انواع واشكال ان شاءالله مره ثانيه تزورونها

الله الزحلاقيه وناسه و الاوت لت رحت له العام بس ما تسوقت منه وايد ويمه منتجع واااايد حلو ولازم حجز قبل اشهر

جولة الطواحين عجييبه قلنا لك التميز عندك

أمتعتنا في هالتقرير الحلووو تسلم الايادي



Sent from my iPhone using Tapatalk

 

توقيع : q8ya metnaqla



لي صخرة علقت بالنجم اسكنها طارت بها الكتب قالت تلك ( لبــنــــان )


https://www.arabtrvl.com/vb/t29892.html


سـكــة سفــر فيهـا مشـاويـر العمــر ( امـريكــا ديسمبــر 2017 )


https://www.arabtrvl.com/vb/t31951.html

المكسيكي

https://www.arabtrvl.com/vb/t41667.html

التونسي

https://www.arabtrvl.com/vb/t39247.html

اليوناني

https://www.arabtrvl.com/vb/t7554.html
q8ya metnaqla متواجد حالياً   رد مع اقتباس
قديم 30-07-2017, 12:16 AM   #30

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : Cardiff
الجنس : انثى
المشاركات : 9,814



أوسـمـة: q8ya metnaqla

كل الاوسمة:2 (more»)
افتراضي


روووعه يعطيك العافيه
اخاف اراوي بوحسين التقرير يقول يلا مشينا
من سنتين وهو وده يزور هولندا
وان شاءالله نروح لها

جميله الطواحين وماشاءالله كل طاحونه ولها عمل محدد

اللي يضيق الخلق انهم يسكرون مبچر
عليكم بالعافيه الاستمتاع وان شاءالله تروحون لها مره ثانيه
والتقرير نافع جداا جزاك الله خير


روحوا ام حسين حلوه هولندا وتستاهل الزياره روحي في ابريل اخره او مايو


Sent from my iPhone using Tapatalk

 

توقيع : q8ya metnaqla



لي صخرة علقت بالنجم اسكنها طارت بها الكتب قالت تلك ( لبــنــــان )


https://www.arabtrvl.com/vb/t29892.html


سـكــة سفــر فيهـا مشـاويـر العمــر ( امـريكــا ديسمبــر 2017 )


https://www.arabtrvl.com/vb/t31951.html

المكسيكي

https://www.arabtrvl.com/vb/t41667.html

التونسي

https://www.arabtrvl.com/vb/t39247.html

اليوناني

https://www.arabtrvl.com/vb/t7554.html
q8ya metnaqla متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رحلة زيرمات السريعة q8ya metnaqla بوابة السفر الى سويسرا SWITZERLAND 39 07-07-2019 03:00 PM
رحلة ابوظبي السريعة q8ya metnaqla بوابة السفر الى الامارات UAE 38 09-03-2019 05:11 PM
عاجل ابي فزعتكم... تم صدم سيارتي وانا في هولندا ما العمل؟ ابو عبدالله421 تأجير السيارات و القارمن 11 13-06-2018 11:09 PM
رسوم الطرق السريعة في اوروبا طارق عنايات تأجير السيارات و القارمن 23 19-05-2018 12:40 AM
عمرتنا السريعة -الحمد لله ربي كتبها لنا قصة حب بوابة الحرمين الشريفين 52 25-01-2017 02:52 AM