ماشاء الله ابو غسان في جنوب افريقيا
الله يهنيكم يارب وترجعون بالسلامة ان شاء الله

الاجواء باردة اكيد شتوية
مشكلة هالشحاتين ماكو فكة في كل مكان

سؤال ابو غسان ماشاء الله العام اولادك اخذو كورس في لندن وهالسنة في جنوب افريقيا
هل تكفي شهرين لتعلم اللغة في سن 14 سنه و12 وإلا بس تعب وخساير بدون فايده

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

(7)

مساء الخير

الجو اليوم لا باس خفت البرودة شوي مع نهار مشمس
بس درجة الحرارة 11
لذا استغلينا اليوم في رحلة بحرية على المحيط

بس قبل كذا لازم اكلمكم عن موضوع يختلج في صدري ويختفي خلف اضلعي
البخشيش يا جماعة محرج هنا

يعني اشوف البلدية لازم تتخذ قرار بالموضوع هذا عشان ترفع عنا الحرج
الوضع الان هنا كل فاتورة تجيك مكتوب فيها البخشيش او الامتنان gratuity
شوفوه بالفاتوره تحت



لو تلاحظون النادل او النادلة كاتب شكرا و حاط محل البخشيش R للتنبيه
ولو تقول اطنش الوضع محرج جدا لان هذا نظام البلد

المتعارف عليه او اللي يرضي النادل هو 10% يعني فاتورتك 500 تدفع 550 راند
لاحظوا فاتورتي 506 و دفعت 527 يعني حول 5% يعني لابد من نظرات عدم الرضا
علما بان هذا كوفي شوب وطلباتنا كلها قهوة ومقبلات

راقبت الناس المحليين وهم مثلنا يحطون بخشيش
حتى في محلات القهوة اللي تيك اوي حاطين لك علبة كثير يحط فيها بخشيش
يعني صارت هذي جزء من دخل العامل لذا هو يتابع وينظر لها باهتمام

النظام هذا بريطاني ومعمول فيه بلندن بس ما شفت اهتمام فيه زي هنا
لدرجة ان ما حطيت اما يتضايق او يبدي زعله منك

ما اعجبني هذا النظام ابدا
فيه احراج كبير للسياح واتوقع الموظفين يزعلون عليهم اكثر

المطاعم السريعة ماعندها الشئ هذا
انا اتكلم عن المطاعم العادية ومحلات الكوفي

حبيت انبهكم عليه لاني كل مرة احسب كم احط لهم
من 5% الى 10% مقبول

بوغسان يتراوالي ما تقدر اتطنش لان حاطينه مع التوتال يعني غصب طيب ادفع