اليوم الاول

صراحه شارع الاستقلال في قمة الروعه ذكرني وايد في شارع اكسفورد لندن
وايد حبيته .. وحبيت سوقه والاسعار طايحه في الارض وكل مكان تخفيضات
تعرفون بعد ضعف المراة التسوق



شارع الاستقلال على حسب معلوماتي انه امتداده 3 كيلو



بائع الكستنه منتشر في كل مكان على طول الشارع .. اول شي كان ودنه نجربه في تقسيم ..اخذنه منه 150 جرام تقريبا 12 لي 13 كستنه ب 10 ليرات = 4.4 دولار

مشينه لي نهاية شارع الاستقلال مرينه على مليون ترليون محل شوارما .. انزين لي مته ريحتها تبط الراس نقرتين لعرض الصورة في صفحة مستقلة .. اخذنه شوارما لحم 6 ليرات و دجاج ب 4 ليرات .. اول شوارما اجربها في تركيا واحلى شوارما بعد نقرتين لعرض الصورة في صفحة مستقلة شوارما اللحم 2.6 دولار وشوارما الدجاج 1.7 دولار





وشرينه من هذا خبز تركي الوحده ب 2.5 = 1.1 دولار



بعد الطقطقه والمشي والشوبنق الا نسمع اصوات بطون يعانه .. افترينه وين وين وين نتغده ؟ من شفت كفتة رامز قلت هاذا اهوه المنقذ .. عالاقل شي مضمون ومجربينه اعضااء المنتدى احسن من ما ادش في محل وانضرب في الاكل
كان ودي انزل لكم صورة الغده بس اغلب الصور شخصيه حاولت اقص ما ينفع



وهاذي اكراميه المطعم



الحساب 77 ليره = 33.6 دولار
نصيييييييييييحه نصيييييحه نصيييييحه بالثلاث
دققو على الرصيد عدل مدل
اليوم بالغلط ياب لنه رصيد طاوله ثانيه لما سالناه قلنا له احنه ما طلبنه لبن عيران ولا سلطه ! استوعب الموضوع وياب الرصيد اللي يخصنه .. وساعات ينسون يحسبون الشراب نبهوهم على هالشي مهما يكون هاذي ذمه .. ما تجوفون صار تعديل على الرصيد


رجعنه الفندق ريحنه شوي الين المغرب ..بعدها قلت البطن عاوز سويييييت مالنا الا مادو فين مادو
رحنه مادو ..





وهذا كان طلبنه



وهاذي الفاتوره 33.5 ليره = 14.6 دولار

ييه موعد العشه وما كان وده نقعد بمطعم قالنه ماله الا كومبير " البطاطس "



خذناه من هالمطعم


سعر الوحده 8.5 ليرة = 3.7 دولار