عن تجربة ..

انصحك بفندق ومنتجع اسمه (صن رايز ارابيان بيتش ريزورت).
كبير جداً وخدماتهم حلوه وفيه فعاليات جميلة.
عندهم مسرح اوقاتهم على ما اذكر من الساعة 6-8 اطفال ومن 8-10 كبار.
وعندهم رحلات اسبوعية.
اسألي عن فعالياتهم.
احنا رحنا شباب لكن اشوف ينفع للعوايل كثير وخاصة اللي معه اطفال لان فعالياتهم حلوه.
ممكن يكون عيب المنتجع هذا ليس بالقريب من خليج نعمة يعني ممكن بالسيارة 10 دقايق او اقل. واذا حريصين على خليج نعمة يبيلك تشوفين احد المنتجعات اللي هناك مثل هيلتون وغيره.
لكن انصحك ابعدي عن نوفوتيل قديم واثاثهم سيء.
الماريوت تقريباً شبابي اكثر لان مافيه فعاليات والشباب كثير هناك.
بس حقيقة انصحك بالمنتجع اللي قلت لك عليه لان ماراح تحتاجون تطلعون منه اذا رتبتو جدولكم ووقتكم الا طلعات خفيفة مثل خليج نعمة او سوهو سكوير.
-----------------------
بالنسبة للسفر مع الاطفال ما اعرف حقيقة ماجربت
التكلفة اتوقع اكثر شي بياخذ عليكم المنتجع او الفندق اللي بتاخذونه , والامور الثانيه كلها تعتبر رخص التراب بالنسبة لنا.
----------------------
اسبوع في شرم ترا كثير عليها وقالوها لي ناس لكن ماصدقت الا يوم رحت.
شرم تقريباً حدها 3-4 ايام بالكثير لان يطفش الواحد مافيه اماكن كثير يروح لها وهي اساساً حقت استجمام تقريباً وغير كذا شرم يبدأ يومها من الساعة 7 بالليل ويعتبر بدري لان اغلب الناس يتشمسون بالنهار ويريحون العصر وبعدها يطلعون.
التكلفة ل3-4 ايام تقريباً 5 الاف بالكثير مره. (غير سعر التذاكر والسكن).
--------------------
ان شاء الله اني افدتك ولو شي بسيط.