كامدن تاون



طلعنا على الشارع وبعد مشينا مشي لحد تقريبا امتداد شارع الاجور رود بعد الجسر اخذنا الباص والى الكامدن تاون
بالباص وصابتني حالة نوم هههه ما صورت بس مانمت هههه صج كنت صاحية بس
المهم وصلنا ونزلنا وبلشت تصوير ههههه




















































هني وقفت وايد لان شريت من محل يبيع تي شيرتات عليهم رسومات ....اخذنا منه ال 2 بعشرين تي شيرت حق يوسف على صورة وجه مخرج الرعب هيتشكوك الوجه عبارة عن رسومات صغيرة تعبر عن الرعب
وكان البائع تركي وطبعا دانه ورطناها بالتكلم معاه وبالاخير تستانس اهني على المدح

شوفو الرسمه































وطلبات البنات جربت هذه ماعجبني ماي مايوه






نوتيلا







ملابس يهال شايفة نفسهم بتقارير اسيوية







حق برينس كي تو وولدي يوسف ربعهم هذيل















اخذت منهم جاكيت حق يوسف




























وهني شفت هالمحل
تكرمون يرسمون على الجواتي
اصغر قياس يناسب زيونة وسويت لها




خليتها ترسم وقالت لي بعد نص ساعة تعالي رحت اتمشى قريب عليها
السعر على المقاس
مقاسنا 24 يعني طلع علينا 24 باوند تستاهل الزين



فيديو يوم ترسم حق زيونة






























واخذت الجوتي وطلعنا من السوق

وهذه النتيجة النهائية







وبوحسين والبنات كانو سابقينا رايحين بره وقالو تعالو عند كنتاكي







وهني نوصل لنهاية ليتل فينس او قريب من النهاية للكامدن تاون












زحمة يادنيا زحمة






من يبي سيبال ملح














طبعا التزيين هني على البيوت شي عجييب













محل ملابس شيفونات













يتبع...

نكمل ...
انا جم مرة رحت كامدن تاون وما شفت هذيل وين صايرين



لا وحاطة الصورة ابي اسال وما سالت هناك
يلا ميخالف شفناهم من تقارير الاعضاء

والحين وصلنا الكنتاكي
والا القعدات وتكرمون الحمامات فوق شفت اصنصير والا على حظي خربان
صعدت فوق وقعدنا اشوة لقينا طاولة توه اهلها قايمين منها

تكرمون الحمام والطابور عليه واحد بس






المكان مو كبير ..سطرة طاولات وطاولة بار كبيرة



سمينا وكلينا






دانة قالت مابي كنتاكي ابي بريت

وهو قريب من كنتاكي والقعدات عنده اكثر فوق وارضي

خذت ساندويش فلافل



خلصنا والى موقف الباص
هني وحالي يقول
آه ياني آه ياني ياني




ركبنا الباص والاماكن اللي مرينا عليها طبعا



















ومرحبا بكل لغات العالم
واهمها العربية





وصلنا المحطة اللي عند بريماك



قلت لهم باااي بروح اريح
وهم مادري عنهم اللي بيتمشى واللي بيريح

وبعد ما ريحت وصليت شربت شاي حليب مع بسكوت من ضيافة الفندق






وعقب رحت للبنات وضيفوني من قهوتهم اقول لهم مابي اغصبوني





وقعدت مع البنات يراوني شنو شروا واللي تأخذ راي وهذا البسه مع شنو وهذا يبيله جذيه
وبعدها قلنا انا ودانه بنروح نتعشى بس ابي مكان قريب مافيني شدة مشي
قالت غنومة بروح معاكم بس مابي آكل

ورحنا قالو خل نجرب هالمطعم سباجتي هاوس



Spaghetti House



مطعم إيطالي بالعمارة المقابله للكمبرلاند بالجانب اليسار منها يعني عكس الماكدونالد




من الداخل







مافي غيرنا بالمطعم بس في ناس قاعدين بره والجو بارد قعدنا داخل







والمنيو












طلبنا انا ودانه والا يسال غنيمة ليش ما تطلبين قالت هاا
قال لها عندا ريفولي وعليه جبن ومشروم ووهو يوصف بها قالت أبيي تقول شوقني هههه
ووصلت الطلبات

كولا وسفن









وهذه اللزانيا






وطلب غنومة







والبيتزا




وصور جماعية والاكل طبعا شييرنغ










واللي يزيد اللذاذة




وطلعنا للفندق والمطعم بالليل



وموعدنا باجر للشارع هذا ليش ؟؟

ما شا ءالله علي ابوحسين
ما ينتظر أحد

كامدن تاون كله سنه تزورينه صح


أعتقد الصوره اللي تقولين مو قبلبعد ما تدخل المقهي المغربي


شكرا لك

أقولك أتوقع لأني من زمان ما زرته والله
صاير بالجهه يسار المحطه بالركن

اليوم الخامس بلندن 29 من اغسطس
Saint James,s Square



بهاليوم قعدنا انا وبوحسين وتريقنا ببريت









بعدها رحنا قاصدين هالشارع واخذنا باص من جهة الماريوت مقابل الماربل ارتش




معانا ساعة لبوحسين قديمة جدا فنتغ مثل ما يقولون
قلنا بنشوف سعرها اذا جابت مبلغ زين بنبيعها وهل الشارع هو خاص بهالاشياء
طبعا انا ما عرفته الا من حساب انستغرام وحدة واحتفظت بالصورة لحد ما رحنا
المهم رحنا وهذه صور من الطريج طبعا على يمينا الهايد بارك














ووصلنا المكان طبعا بنتي اهي اللي طلعت لنا العنوان للمحطة اللي بنوقف فيها

Saint James,s Square

هذا من تصويري



المحلات يبيلها







ماكو احد والمكان هادي رايحين من الصبح احنا ههههه




وحتى الصباغين للجواتي على الستايل القديم






دخلنا محل ودلانا على محل ثاني















والمحل قال لنا لازم نوديها لمكان فحص وهم يقررون السعر وعطانا اسمه بورقة
وطلعنا قال يبعد 7 دقايق مشي .... واحنا نمشي انا وبوحسين ويمكن اخذنا اكثر من ربع ساعة هههه
كل شوي نسأل ويأشرون لنا ونمشي ...
وطبعا الشارع معروف بالبوتيكات للماركات العالمية













ومن ويستمنستر الى مايفير







شوفو اللي يطل كلهم كشخة اللي يشتغلون













وصلنا هني وست اند












ورد للمحلات هههه وقفت يمي وحدة وصورت هالصورة





































عجيبين هالشووزات



بس طبعا ما ادخل مع بوحسين ما يحب ينطر

وأخيرا وصلنا البوتيك اللي يسمونه بونهامس شوفو الاسم مكتوب تحت السيارة





تدرون وين المكان طلع بسوهو









وهذه كانت الصور اللي صورتها بس كان في استقبال قلنا لهم ليش يايين وارسلوا لنا خبيرة شافت الساعة
وعطتنا سعر ما عجبنا
ومني مناك ماكو قال بوحسين لا حرام بخليها عندي قيمتها المعنوية اغلى من اني ابيعها
المهم كانت خوش رياضة مشي بين البوتيكات الحلوة
وطلعنا من الشارع والا دزني ستور جدامنا بالشارع المقابل
قلت لابو حسين انا بتسوق وانت قال انا بروح حق ربعي ....وانا اتسوق بدزني ستور قالت لي دانه انا بييج نطريني



















وخلصنا من دزني ستور والى الاكسفورد
يتبع

الاكسفورد والغدا بسيلفردجز



وبعد دزني تمشينا بالسوق لحد ما دخلنا جون لويس ودخلنا لاكسسوارت المنزل والفرش
لقيت المخدة اللي يبيها بوحسين طبعا سألنا الموظفة ودلتنا وطلعت المخدة ب 27 باوند في انواع اغلى وفي انواع ارخص

جون لويس واكسسوارات المنزل ما صورت وايد لاهية اشوف






وقبعات نسائية من تبي






وهني عاد فريته كله وطلعت لي ببدلة حليوة










وطلعنا وآيس كريم من عند بوابة الجون لويس




وهذا الجووو مع البرييد ولا اروع ....شفتوا كانت الشمس طالعة وبعدها صار غيوم




وهذيل البنات كانوا رايحين بعد يتسوقون بماي فير












رحنا الفندق نريح ونرجع الاغراض وكان الاتفاق الغدا مع اختي بسيلفردجز

صور غنومة بسيلفردجز

باربي









قصة الأمير جورج ولد الأمير ويليام

وتقابلنا مع اختي لقاء اخير
ولانهم بيرجعون باجر للديرة
وهذا كان غدانا









شكلنا يواعة صح ههههه شوفو بعد ترى بس ماعونين









وهذا طلب اختي
اكل اسيوي مو ربعي









والله الاكل الهندي لذيذ الطبق هذا يطلع ب14 باوند مع كولا






شي حلوو









وبعد هالغدوة المحترمة والسوالف الطويلة ودعناهم وحملناهم سلامنا وتبريكاتنا بالعيد للأهل
ورحنا نقابل بعد...