الأحد 3 سبتمبر / 2017
اخر يوم بالجولة البريطانية



ولازم لكل بداية نهاية وهذا اخر يوم لنا بالسفرة
طيارتنا بالليل تقريبا الساعه 8 مساء

يعني عندنا وقت طويل
المهم خلينا النومة شوي تطول ورانا تعب سفر
صحينا الساعة 9 ومنها للحب والريوق الساعة 10 طبعا انا مسكرة جناطنا انا وبوحسين

نزلنا للريوق







خلصت ريوقي ورجعت انتظر البنات علشان اطلب التشيك اوت للغرفتين

وانتظر باللوبي ماكو الا هالكراسي الطويلة قعدت انطر ربعي




خلصوا البنات وراحوا يتريقون وانا سويت التشيك اوت وقالت ماعليكم شي باي
قلت لها حبيبتي عطيني وصل بالتشيك اوت مو بس كلام
قالت تبين الوصل قلت اي لازم اثبات

وطلبت منهم يخلون جناطنا عندهم وعطوني وصل بعدد الجناط


الجو اخر يوم روعه




اودع بريت مال الكمبرلاند




بعد ما خلصو البنات قال بوحسين وين تبون تروحون الحين
قلت له اشرايكم البيكادللي هالسنة مارحنا لها
قال بوحسين يلا وهو يحب البيكادللي اصلا
طبعا التذكرة للباص انتهت صلاحيتها لان اخذناها الصبح وانتهت الصبح رحنا بتاكسي

صور من الطريج










نزلنا هني تقريبا عند صدق او لا تصدق


























الصور الوداعية وايد استحملونا ههههه اخاف يطوفني شي من لندن فاصور وايد





































محل الحلويات عجبتني شغلات الريسزز

















الحلويات تصلح هدايا لليهال بس احنا شارين من بلاكبول













ماشرينا شي وطلعنا بس صورنا


ودشينا بعد



















في شغلات حلوة مثل كتب الطبخ بس خلاص ما اشتري الحين مافي مكان بالجناط
























وفي فوق بس ما اصعد اكيد الطاولات فوق



ونتابع معاكم....

ونتابع جولتنا بالبيكادللي




وام اند امز










والرسامين









طبعا اهو ليكستر سكوير بس احنا نسميه البيكادللي كل المنطقة نسميها بيكادللي











تصدقون اول مرة اشوف هالعمارة وديكور الحمام ....اكيد قديمة بس انا ما شفتها قبل على كثر ما مشيت هني











قعدنا هني نشوف العروض وكان بس هذا عجيب


https://youtu.be/6TskCJpRku4



ورجعنا و الغيوم















ريحنا بسميت سراي مع الشاي التركي




بورك الجبن والشاي الكبير حق التركية دانة طبعا اهي الوحيدة اللي ما تريقت والسبب النووم اخر وحدة تقوم













































وطرى علي شي هههه توني اتذكره اني اشتري عطر واكتب عليه اسمي وكانت بنتي شارية وتوها قالت لي وكان بسيلفردجز
قلت بروح اشتري اذا لقيته
وصعدنا تاكسي من هني عند الباص اللي بالصورة السابقة




واحنا هني ننطر التكاسي ماكو وايد










وصلنا السيلفردجز وما حصلت اللي يحفرون الاسم وكنسلت الفكرة وطلعنا رحنا سيدا للماكدونالدز عند الكمبرلاند









الغدا تقريبا الساعة 3











وبعد الغدوة لقينا راعي التاكسي واقف عند الفندق وبوحسين طلع الجناط وركبوهم ونادونا ورحنا لهم



يتبع...

وهذيل بوابين الكمبرلاند يودعونا وعطيناهم المقسوم حلويين دايما يبتسمون لنا واحنا ما نعطيهم الا اخر يوم







التاكسي الله يسلمكم كان بوحسين متفق مع واحد من العرب بالاجوررود بسعر 60 باوند على أساس 5 جناط و5 اشخاص كان هذا الاتفاق قبل يومين
قلت لبوحسين لا احنا صرنا 5 جناط كبار و5 كابين سايز
خاف ما يرضى
اتصلنا على شركة انجليزية قبلها بيوم وقال لنا اوصلكم ب100
باوند

فقال بوحسين انا بتصل باللي مكلمه بشوف بجم يودينا
وقال لنا ان على اتفاقنا ولما سمع زيادة الجناط قال 70 باوند

والحمدلله طلع خوش ريال كان على قد كلمته ووصل بالوقت المحدد الساعة 4 عند الفندق

التاكسي كان فان نظيف وموفر لنا الكلينكس وبطول الماي على عددنا وزيادة

كانو مصعدين الجناط بس ينطرونا نشيك على الجناط انا والبنات واوكي يلا

ومشينا طبعا لازم تروحون مبجر علشان التاكس فري والزحمة

وهذا من الطريج لهيثرو



















هالسنة ما مريت هارودز

























كلية الموسيقى




ووصلنا المطار وغنومة تصور لقطات حلوة





والى المواقف









اللغة العربية تفرض نفسها




تيرمنال 3 ونزلنا وراحو ايبون العربانات



العايلة اللي نزلوا جدامنا طلعوا كويتين بس طيارتهم مو معانا اشلون عرفنا
طلعوا ربع دانة

بس نزلنا والا اسمع ينادون دانة دانة
وقالو لها موعد طيارتهم ورانا




رحنا مع العربانات للتاكس فري وهو يبدأ بره
واللي كان واقف قال لا تدخلون الجناط معاكم خلوهم بره قلنا له برد يقول عادي خل يدخلون داخل المطار
ودهلوا ينطرونا داخل مع الجناط كلهم ولا طلبوا منا أي جنطة واللي واقفين بالتاكس فري انا وفرفر وغنومة أوراق دانه معاي وقفنا تقريبا ساعة والله تعب الوقفة
بس حلو انهم يعطونا جهاز ونسجل فيه اسمنا وعدد الفواتير
صار دورنا والا يقول انتو مع بعض بيخلينا ننتظر بعض ما يبي يوزعنا قلت له لا كل وحدة بروحها واخذنا فلوسنا كاش كويتي .....أبو صديقة دانة يقول اخذوهم باوند او دولار
قلنا له نفس الشي واصلا عندنا باوندات بعد لنشاري فيهم من المطار حاسبينها
المهم استلمنا فلوسنا ودخلنا للكاونتر لقيناهم فاتحين توهم ومافي احد
وجا دور الوزن ...... طلع جنطتين زيادة كيلوين وزعناهم على الباجي والحمدلله تمام
وقالت تبون ادخل الجناط الصغيرة بعد مع الكبار ثلنا لها يصير قالت أي
قلنا احسن بعد ودخلتهم كلهم العشر جناط




صرنا خفاف وصار وقت التسوق من السوق الحرة







هالقاعة كبيرة وكلها كافيهات ومحلات






تشريت انا كاكاو وبسكويت ورحت اقعد اتقهوى واحلي




كافيه ايت حلوو بعد وهالسنة اول مرة اشتري منهم مجربته من السفرات السابقة













وقعدنا هني ننطر البنات







والاسلام يفرض هيبته ...في غرفة صلاة




ودخلنا البوابة ...... النظام الموجود ما لقيته باي مطار ثاني
البوابة هذه بكل سفراتي على الامارتية ما تغيرت ابدااا























هذه المكاين يحبهم ولدي قناص بوزيونة من وهو صغير فيهم حلوى جيلي يحبه




وصعدنا الطيارة وصورت الدرج والافكت للدرجة الأولى




واحنا الدرجة السياحية طبعا




بس مكانا بالكراسي الأولى حلوو




ورقم رحلتنا







وشايفين مكانا بعد كابينة الطيار




والخريطة على ما نطير










قامت تمطر قبل لا نطير ؟ ليش تبجين يا لندن علينا




تعليق غنومة












طبعا ما يحتاي بوحسين محتل الدريشة ما يخلينا نقعد ههههه



وطرنا وبعدها وزعوا لنا المنيو



واخترت فيلم اشوفه اسمه هذا اهو





وهذه الوجبة ....اقيمها 5/ 10 تسد الجوع المهم







وهذه وجبة الدياي




دانة تحاول تلعب سودوكو ههههه اصحح لها .. تقول خليني افكر



تقريبا وصلنا الامارات






ويتبع لأخر جزء

وطبت الطيارة بمطار الأمارات والبوابة لازم فيها صعود ونزول ومتروو.. واخذنا سيارة غولف وصلتنا بوابتنا











وصعدنا المترو




ووصلنا البوابة بوقت مناسب







طبعا وصولنا الفجر وهني اشرقت الشمس علينا تقريبا الساعة 5




وصعدنا طيارتنا للكويت



مابي اشوف فيلم ما يمدي طبعا ودخت خلاص




حطت لي دانة سودوكو تقول لي لعبي
لعبت شوية قلت لها بنام




وهذه وجبة الريوق .....مثل ماقلت لكم الطيران الاماراتي وايد قوي بس يعيبه تدهور قائمة الطعام




فيديو الطياره احب وقت الاقلاع بس


https://youtu.be/Yu_vzdYmFrI



ووصلنا الكويت وبينت اراضيها








الصوايغ اللي يبتهم ومشترواتنا

هذه حق زيونتي




طبعا مو بس هذه لا هذول بعد كلهم حق زيونة










وهذيل حق بناتي ان لوو وازواجهم




حق خواتي والوالدة




وهذيل لي










وهذه الجنطة شريتها من المطار علشان احط فيها كاكاوي ودخلناها معانا بالطيارة طبعا




وهذه كاكاواتي وحلوياتي







ومثل ما وزعنا الصوغة حصلت صوغات

من مصر







من تركيا




من لندن وإيطاليا اغلب الصوايع حق زيونة





وصوني على هالمطاعم ما رحت لهم



فريج صويلح بلندن طلب ...ما طلبنا منهم




والحنين لمكاني المفضل بالبيت مع الكنبل اللي شريته من بريماك يستاهل ماي شير الهدية




وهذه اللحظة الحاسمة بلقاء الزين





والى لقاء جديد بتقرير جديد في بوابة ثانية ان شاءالله

شكراا لكل المتابعين للتقرير

تحياتي ام حسين

ما شاء الله زيونة كوشت على كل الهدايا
تستاهل

التاكس فري مشكلته محتاج وقت من ساعة الى ساعتين
و زين انكم رحتوا المطار من بدري

سعر التاكسي حلو زين انكم اتفقتوا معه من بدري

بالفعل الاماراتية الاستاندرد حقهم نزل مو مثل أول

ما شاء الله تقرير رائع و بتفاصيل كثيرة ومفيدة
الله يسعدك أم حسين
ما قصرت

عليكم بالعافية
سفرة حلوه يا ام حسين استمتعنا معاكم فيها
ماقصرتي عشنا معاكم احلى الايام وتعرفنا على اماكن حلوة وجديدة
الله يخليلكم بوحسين ويحفظ البنات
اهم شي زيونه لها النصيب الاكبر بالهدايا تستاهل العسل

سنو فليك ماكان عندنا وقت نجربه مع انه شكله وايد حلو
شوقتينا على الشاورما خصوصا بعد راي ابوحسين فيها

ماقصرتي أم حسين علي التقرير
لأخر نفس تسوق ما شاء الله عليك
سعره مناسب بعد التاكسي
تستاهل زيونه
وتستاهلين بعد الهدايا اللي وصلتك

شكرا لك

مشكورة ام حسين
احب طريقة سردج كثير أمتعتينا معاج