الجزء الرابع : همسة جميلة و فعلاً نحتاج لمثل هذي الطريقة في التفكير
محد يستنكر فعل الثاني و على ماقالوا اخواننا المصريين كل واحد ينام على الجنب الي يريحوو
عندي أصدقاء مقربين مني جداً و أحبهم لكن مستحيل نسافر مع بعض لأن السفر بالنسبة لنا شي مختلف
بالنسبة لي .. استكشاف و التعرف على ثقافات الشعوب و استمتاع بالطبيعة بسعر معقول ..
بالنسبة لهم .. رفاهية و فخامة وتسوق و الذهاب للأماكن المشهورة و الاستمتاع بالصرف ..
انا استمتع و هم يستمتعون و المفروض ان محد ينقد على الثاني ..

و بخصوص الرحلة الجميلة ..
انا في رحلتي للشمال كنت حاط احداثيات لكهفين .. هذا الي انت زرته , و كهف ثاني بعد هامسكوي باتجاه توكات ..
و انا كنت ناوي أزور الأول و اشوفه جميل و الناس يصورونه , لكن توجهت للثاني وندمت , متعب و مايستاهل .
و دير صوميلا و هامسكوي ماجيتها لان تأخرنا و نزل الضباب و ماقدرنا ندخل , اتوقع انها من اجمل اماكن الشمال و تمنيت لو رجعت لها بدل ما رحت حيدر نبي

لأن حيدر نبي بتنا فيها يوم , و هي جميلة حقيقة لكن فيها سلبيات كثيرة ما أعتقد اني بازورها مرة ثانية
منها كثرة الطين و الوحل , الأرض دايماً رطبة بشكل يفسد عليك الرحلة , و ثانياً ناسها يخوفون >< تشوف الفشق و الرصاص على الأرض و العلامات في الشارع مبين انها مضروبة بسلاح . و تسمع اصوات الطلق في الليل و صار لي و لغيري مواقف سلبية مع اهل المنطقة .. و الضباب فيها كثيف أغلب الوقت اكثر من باقي الأماكن ..

مسارك جميل لكنه متعب فعلاً , الله يعطيك العافية