معشوقتي كيف السبيل الى وصالك ؟؟

ليمونه حزينه · 16-10-2017, 02:38 AM

اقتباس : المشاركة الأصلية كتبت بواسطة توبليرون

الطيران العماني وايد يمدحونه
بس نبي المسافه من الكويت لعمان ومن عمان لتايلند جم ساعه ؟

حلو ذكرج لتفاصيل المطار والادوار كلها مهمة كل حسب حاجته اكيد يعطيج العافيه

اما الخيمه بالطياره شي هههه يحليله
متابعين هجولتج للآخير

هلا والله بالكبير العمده ابووو ستعش ******ستار

تستاهلينهم والله جهدج واضح في المنتدى الله يعطيج الصحه والعافيه وماننحرمش منك يا ست

بالنسبه للطيران العماني مثل ماقلت سبق واني سافرت عليه اكثر من مره وكل مره اكتشف انه يكون احسن وافضل من الي قبلها وللامانه اني اشوفه افضل من بعض الطيران الي اخذ صيت ع الفاضي

بالنسبه للمسافه عزيزتي انا اخترت اقل مسافه بما اني سبق وزرت عمان ومستمتعه فيها وحتى الشقه بعناها يعني بالمختصر المفيد ماكان هدفي اخذ ترانزيت طويل فيها للامانه كانت النيه اني اجلس 4 ليالي في صلاله وكنت مكلمه بعض الرحالين الي فيها وبعض البنات الي رحبو واستانسو بخبر قدومي لهم مايدرون اني بخليهم يتندمون لكن المفتري ابن المفتريه موش عايز يروح مكان الا تايلاند وقال اذا بتوديني اي مكان ثاني ماني ياي وياكم وبقعد بالكويت طبعا هذا الكلام كله صار متى عند وصولي الى مطار الكويت قلت ابي اغير الحجز واقعد في صلاله دام اني بنزل عمان ولكن لم يكتب لي المهم

الترانزيت كان في من ساعتين الى 26 ساعه وفي 24 ساعه وفي اقل واقل انت واختيارك له

انا اخترت اقل ترانزيت الا وهو 3 ساعات وصيف يادوووب وصلنا المطار نزلنا تسوقنا شوي بالسوق الحر الي عندهم طبعا مطار مصغر لانه الكبير قاعدين يجدودون فيه وع السريع رحنا للبوردينغ يعني الانتظار كان خفيف علينا وسريع الحمدلله

هذا في الروحه وعند العوده كذلك كان ترانزيت 3 يادوب نزلنا من الطياره وغيرنا الطياره وبعد تسوقنا من مطارهم المتواضع

دائما في الصيف والمواسم المزدحمه بالمسافرون لابد من الحرص انه يكون في وقت كافي للترانزيت تحسبا لتأخير الطياره او لاي حدث طاريء يصير ساعتين الى ٣ ساعات ممتازه اشوفها

حتى في حجوزات الطيران الداخلي كذلك والقطارات المترووو

لكن في احد سفراتي السابقه وعلى الطيران العماني اخذت اطول ترانزيت ونزلت في مسقط وحجزت ليله بفندق وتجولت ورحت وجيت فيها بيوم ونص فكانت لي سفرتين بسفره وحتى بالعوده سويت نفس الطريقه اخذت اطول ترانزيت ورحت المسجد القديم والسوق القديم والمول والبحر ورديت المطار طبعا مع حجز فندق على حسابي لكن استمتعنا

الايمان, OumImade, فيصل و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(معشوقتي أوربا) 2014 Θςт الجزء الالماني والفرنسي	AbOFareS2011	بوابة المانيا	42	20-02-2022 12:33 AM
تقرير بسيط عن معشوقتي بلاد الاندومـــي 2016	abdulla al mulla	بوابة اندونيسيا	66	12-06-2016 11:09 PM
تقرير بسيط عن رحلتي الى معشوقتي دبي 2015	كشكولـ	بوابة الامارات	76	01-03-2016 02:50 PM
معشوقتي	أبوهمس	بوابة اثيوبيا	5	20-07-2015 02:46 AM
(معشوقتي أوربا) 2014 Θςт الجزء السويسري	AbOFareS2011	بوابة سويسرا	22	04-04-2015 12:41 AM