دار حمد

السلام عليكم

دايما في اول يوم من السنه نروح نتغدى او نتعشى
عطله والجو حلوو والاهم عند بناتي غدوه احتفالا بيوم ميلادي

ورحنا دار حمد ودايما هالمطعم مزدحم لازم تنطرون دوركم
او تحجزون منهم قبلها بيوم

احنا رحنا الساعه ٢ وتغدينا الساعه ٣
مع ان قالو لنا الانتظار يمكن ساعه ونص
قلنا اوكي ننطر
قالت تفضلوا بالدور الاول انتظروا هناك

صعدنا الدور الاول
وماشاءالله تقريبا ٣ عوائل كانو متواجدين ومنهم من اهل الامارات

وكانت هذه الصور من صالة شاي الضحى


قمت افتر واصور لكم واقرا اسماء الكتب






المكتبه جميله







الممر هناك فيه المصعد ومطل على الدور الاول













في دليل الهاتف قديييم هههه اقول حق البنات رقم بيت اهلي فيه وبعد كانت وسيله المعاكسات للشباب يدق على اي رقم واذا كلمته وحده يبدا يعاكسها ههه

وهذا المنور اللي يمتد للدور الرضي اللي فيه طاولات الاكل







آذن العصر وصليت بالمصلى الوحيد الموجود ..قلت يمكن فيه ريايل والا تدش وحدة ودشينا وراها

ولما خلصنا دش واحد يصلي
والعامل صلى بالصاله فوق ...يعني على حسب اللي يدخل قبل يصلي بالمصلى
بوحسين قال انا بروح المسيد دام ان بعد ما نادونا

ورجعت اصور










صورتي بخريطة السناب



واسم المطعم معانا بالخريطه







القعدات وراي بعد ما قامت العايله







وللحين مانادونا
وهذا الحمام تكرمون

الممر للحمامات































وجلسات مقابل الاصنصير




وهذا الدرج لتحت للي مايبي الاصنصير




هذا اسم صالتنا اللي كنا قاعدين فيها





وطلعنا قعدنا بره الصاله لانها بارده حييل وهني ادفأ




المطبخ داخل





اللي على اليمين هذا الاصنصير




الاضاءه بس ماكنت مفتوحه يمنا



الحاجز من خشب الجندل





مجسم شكل القرقرور ومغطي فتحة ارضيه تطل على المطعم بالدور الارضي







من الافكتات الموجوده










يتبع ....

وهذه غرفة خاصه اعتقد للاجتماعات والحفلات
وبعد سمعت انهم يسون حفلات بكل الدور الاول

اسم الصاله

الهامه





وعلى الرخام الموجود فيها




وهذه الغرفه نفسها جهة اليمين





نشوف الصاله

هذه جهة التلول





وهذه الهامه




عجييبه المكتبه




وباين الرخام الاصلي للبيت




وفي بلكونه













وهذا بعد جزء من الرخام الاصلي للبيت





مقابل القهوه الشعبيه ( السالمية )











الدرابزين للبيت وهذا جزء منه








نعدل الصورة وهذا شكله








نيي على الرسوم والكتابه اللي على الصحون وكلها امثله او الغاز كويتيه







لقمة هريس وفيها تنغيص

يعني لقمة ممكن تسبب الغصه بلبلعوم مع ان الهريس يكون ناعم وطري على البلعوم






اسمه على جسمه ؟ ها ماعرفتوه
شوفو الرسمه

اي صح البرتقال اسمه على اللون البرتقالي






بنات سعود عمايمهم خضر وثيابهم سود ..
طبعا الحب الباذنجان
شفتو الرسمه



جديد البريسم
ومن الرسمه قصدهم المنازل الجديده



اكل من الرويد عويد
ومن البصل ما حصل

الرويد = الجرجير

وهذه الطاوله للحجز المسبق




ورجعت مكاني




ماشاءالله تفضى طاوله سيدا يسنعونها ويقعدون عايله





صورة للبيت قديمه




كانت عايله هنديه نادوهم





فتحت انستغرامهم وقلت اشوف اطباقهم وعجبني هالطبق اسمه تبسي كبشرت الصوره علشان اتذكرها







ونادونا اخيرااا بعد ساعه انتظار الحمدلله صلينا فيها


طاولتنا




فيه قعدات خارجيه للكوفي



يتبع ....

نبدي بالمنيو



































هذا صحني ومكتوب عليه لغز ....حجرة مسكرة مليانة خرز
واكيد الجواب هو الرمان





ضيافة المطعم

تمر وهردة ...جبن ابيض عليه فلفل بوديج ...وخبز رقاق


















وصلت المشروبات




شوربة عدس








دولمة









خبز عروق









سمك هامور بالفرن للبابا








طبق التبسي






طلبنا اثنين مشوي جدر





وبدا الهجوم




صور من سنابات البنات





















بالله شوفوو




وطلعنا بعدها وخلينا ابوحسين ودانه ينطرون الفاتوره واحنا بنروح مكان ثاني
اي طلع الحساب ب٤٣ دينار

وهذه دار حمد وابوحسين والبنات وراه هههه














وورحنا عقبها لمجمع المطاعم المروج
وكان فيه فعاليات قطر زون تمشينا فيه شويه وبعدها رحنا نشرب قهوة ونحلي
هناك

في الطريج للمروج




ووصلنا قطر زون وهي مسوينها بمناسبة دورة الخليج









احتفالات يوميه وعروض








عجييب يسوي صورة الامير بمكعبات الالوان









الرسم




ودخلنا مثل معرض داخلي فيه بعض الالعاب القديمه وادوات القنص


لوحات جميله












الفخة لصيد الطيور ...صديقة بوحسين ايام الطفوله





صورة كبيره للدب والناس توقف تصور معاه ويعلقونها على الطوفه


















لعبة التيل




وهذه لعبة البليارد والعوايل الكويتيه يعلمون اليهال اشلون يلعبونها




لعبة الدامه










السراي وقناع الصقر




مسكين الرسام اليهال مشخبطين على لوحته وقاعد يعدلها










الربابه والمبخر







الصقور كانت موجوده وعليها زحمة يصورون معاها


طلعنا بره












مسرح تقام فيه العروض وشاشات لنقل المباريات او العروض
طبعا يوم اروح مافي مباريات











كان في عرض عزف على اله غريبه

احنا اول ما نزلنا سجلنا اسمنا بمطعم جار علشان نبي نحلي ونشرب قهوتنا
ومن الزحمة بعد ساعه تقريبا نادوا اسمنا

وهذا اللي ياخذ الاسامي بعد ماردينا لهم




نصور واحنا ننطر على ما ينادينا











الجوو بارد شوي
ولازم دفايه والحمدلله نادانا وقعدنا


كنا يايين حق كيكة الحليب بالزعفران ويوم طلبناها
قال لنا خالصه وطلبنا هالكيكه على كندر وايس كريم حلوه









وثلاثه كباتشينو وصلحووه






وانتهت طلعتنا اللي استانسنا فيها
وكل عام وانتو بخير وصحة وسلامة

في دليل الهاتف قديييم هههه اقول حق البنات رقم بيت اهلي فيه وبعد كانت وسيله المعاكسات للشباب يدق على اي رقم واذا كلمته وحده يبدا يعاكسها ههه

آخر مواضيع بن قوت

- جدول مدة خمسة ايام في الشمال التركي - تنبيه من السفارة السعودية في تايلند - سبايدي كاب ** سلام يا تايلند - احتاج جدول لسفرة تايلند - الف مبروك منح الاخ المميز المسافر خبير سفر

توقيع : بن قوت

فعاليات جميلة بمناسبة دورة الخليج
اكيد الكل استانس بتجمع الاخوة من كل مكان
ونبارك بهذه المناسبة لاخواننا العمانيين بمناسبة تحقيق اللقب

اعجبتني لعبة التيل حنا نسميها كيرم
كنت فنان فيها

الله يسعدك ام حسين