متى يفضل حجز الطيران الداخلي إذا رحلتي في يوليو القادم ؟

شيكت الحين في طيران أطلس جلوبال من مطار أتاتورك إلى طرابزون وحصلت التذكرة 487 ليرة ورحلات الظهر مخلصة باقي رحلات الصباح الساعة 10 ونصف والرجوع الساعة 7 ونصف

هل السعر مناسب ؟ وهل يشمل الوزن ؟

طيران التركية أغلى بشوية وطيران أونر ما حصلت فيه رحلات

الطيران التركي يعطي وزن 30 كيلو صح أم لا ؟ وطيران أونر كم الوزن فيه ؟

والله اخوي السعر غالي من مطار اتاتورك

اذا تقدر تخليها من مطار صبيحة افضل

انا حاحز من لشهر يونيو لازمير ذهاب وعودة مع 15 كيلو بـ 150 ليره

الافضل تخلي السفر في الصباح لكي تصل مبكرا

واذا مصر على اتاتورك خلك مراقب الاسعار وتحجز بالوقت المناسب

اهلا بك اخي المسافر .. انا سافرت اسطنبول طرابزون تقريبا نفس هالسعر فحاول تقارن وتشوف ولكن انتبه لنقطة انه باستثناء الخطوط التركية بتلاقي شركات الطيران الاقتصادي متوزعة ما بين مطار اتاتورك وصبيحة اللي تتعامل مع مطار ما بتلاقيها بالمطار الثاني وبالنسبة لاطلس جلوبال كل رحلاتها من والى اسطنبول عبر اتاتورك .. شخصيا اشوف اذا كنت ساكن بجزء الاوروبي ركز على الشركات اللي تنطلق من اتاتورك واذا ساكن بالاسيوي ركز على شركات صبيحة لان فيه مشوار بين المطارين فاختار الاقرب لك .. دايما خذ رحلات الصباح لعل وعسى تستفيد من بقية اليوم في المدينة المتجه لها وانا اخترت نفس الرحلات اللي ذكرتها في رحلتي الاخيرة فيها قلق شوي انك تصحى بدري ولكن مقابل تستثمر بقية يومك ولا يضيع .. الوزن ماني متذكر ولكن اظن 15-20 كيلو ولكن يبان معك اذا جيت تحجز او حاول تقرأ بالموقع .. اطلس جلوبال لن تتمكن اختيار المقعد الا قبل الرحلة بـ 48 ساعة تقدر تسحب البوردينق من جوالك واذا حبيت موظف الاستقبال بالفندق يساعدك ولا تحتاج طباعة .. وياليت ترجع لتقريري ( رحلة الخريف ما بين جبال وريف ) وتقرا جزئية اختيار المقاعد لان فيه مقاعد جيدة من حيث المشاهدة .. حاول ايضا تدخل لموقع سكاي سكانر او فلاي ان وتحدد الوجهتين واهم شي المطار باسطنبول بيعطيك كل الشركات المتاحة وبشكل عام الرحلات الداخلية ما تحتاج الخطوط التركية لان الرحلة قصيرة فأهم شي ركز على الوفر في السعر وبالنسبة للشنط فيه حل بسيط سويته في رحلتي العائلية لانطاليا حاولنا نجهز شنطة خاصة بانطاليا والباقي تركناها بامانات فندق اسطنبول لاننا راجعين بنهاية الرحلة لنفس الفندق فحاول تفكر بمثل هذي الافكار يمكن تلاقيها حل مناسب

بالتوفيق

أشكركم أخواني عادل ونواف وجزاكم الله خيرا

أنا سوف أكون متواجد في الجزء الأوروبي إذا شاء الله ، فرحلتي أفضلها من مطار أتاتورك ، فالطيران الاقتصادي فقط أطلس جلوبال وأونر ، وطيران أونر أتوقع يفتح رحلاته قبل 3 أو 4 أشهر من موعد الرحلة

بالنسبة للرحلة الداخلية كم يحتاج من الوقت للذهاب إلى المطار ؟ هل تكفي ساعتين أو ساعة ونصف قبل موعد الرحلة ؟
مثلا رحلة الساعة 7 ونصف صباحا هل يكفيها ساعة ونصف قبل موعد الرحلة إذا كان الفندق قريب من ميدان طرابزون الذي يبعد 10 دقائق عن المطار حسب جوجل ماب ؟

الحين لا توجد رحلات الساعة 10 صباحا ولا وقت الظهر بتاريخ 16 و 17 يوليو ، فهل طيران أطلس جلوبال سوف يفتح رحلات جديدة حسب توقعكم خلال الفترة القادمة قبل شهر يوليو ؟

اهلا بك اخي المسافر .. بالنسبة للطيران الداخلي اشوف بدري على الحجز من الان حاول تتريث ... الرحلات الداخلية يفضل تكون متواجد بالمطار قبل الاقلاع بساعتين بس اهم شي تكون اصدرت البوردينق اونلاين للامان .. رحلة الصباح من طرابزون لاسطنبول ذكرتني بحالي كنت شايل هم متى اقوم من النوم ولازم انام بدري عموما الشوارع بتكون فاضية بهذا الوقت واتذكر اني حرصت اتواجد بالمطار الساعة 6 صباح وكان مناسب تماما واذا بتوصل قبل فخير وبركة .. اذا تبي تعرف مواعيد الرحلات مستقبلا فحاول تختار فترة قريبه مثل شهر مارس ويبان معك الجدول اللي بيكون مستقبلا سواء اطلس جلوبال او اي شركة طيران ثاني وهذا للاسترشاد طبعا

بالتوفيق

عدنا لكم بسؤال جديد
الحمدلله تم حجز الفنادق عن طريق بطاقتي الفيزا بإلغاء مجاني ولكن صارت عندي مشكلة وتم إلغاء بطاقة الفيزا التي حجزت بها من قبل البنك لسبب ما وإستبدالها ببطاقة جديدة لنفس الحساب البنكي ،

سؤالي هل بإمكاني إعطاء الفنادق بطاقة الفيزا الجديدة لخصم المبلغ أم يلزم نفس البطاقة التي حجزت بها ؟

للعلم مازالت البطاقة القديمة موجودة عندي في حالة طلبها للتأكد ولكن غير فعالة للاستخدام

وفي حالة ضروري إن الفنادق تخصم من نفس البطاقة التي حجزت بها ، فما عندي خيار إلا أقوم بإلغاء جميع حجوزات الفنادق والحجز من جديد بسعر احتمال يكون أعلى من الحجز السابق

أعطوني رأيكم في ذلك ؟

لا اخوي تقدر تكلم الموقع وتقولهم انا بدلت بطاقتي واعتقد بوكنق فيه خيار تغيير البطاقة

وبعدين تقدر تدفع كاش او بطاقة ثاننة عادي ما فيه مشكلة

دام عندك البطاقتين خلاص توكل على الله
حاول تحجز على هوتليز لانه يعطون ليلة مجانا مقابل كل عشر ليالي